كل عام وانتم الى الله أقرب

كل عام وأنتم الى الله أقرب

كل عام وانتم فى عز وسعاده وان شاء الله يكون الأسلام فى زياده

اشتقت جدا اليك يارمضان

اللهم أعنا فيه على طاعتك

واعتقنا من النار

وبلغنا ليله القدر

من مكانى هذا أبعث برقيات

الى حبيبى الذى لا أنساه

الى أبى

زهره حياتى ومصدر سعادتى برغم غيابه

اقول له

هاهو رمضان ياتى وانت فى عالم آخر

مازال فانوسك لييى من سنوات بعيده يضى حياتى

توحشتنى كثيرا

ولكن فى الجنه الملتقى

كل عام وانت ان شاء الله تكون فى خير

ويكون بدلك الله خير مننا ومن الدنيا

بروضه من رياضه فى قبرك

***********

الى مدينه رسول الله

حيث حبيبى واخى ودكتورنا الجميلوزوجته حبيبتى وابنهما الجميل

القائد نور الدين محمود

اقول لكم كل عام وانتم الى الله أقرب

وصبرا قربت المسافه وسنلتقى ان شاء الله

وفقكم الله وجمعنا بكم سريعا

توحشتونى كثيرااااااا

**********

الى غزه الآبيه الصامده

الى كل اهل فلسطين

اقول لكم

كل عام وانت مأعزه بجهادكم

كل عام وانتم الشوكه فى حلق الاحتلال

اعاد الله عليكم ايام رمضان ويكون الأقصى عاد الينا

ونصلى فيه سويا

*********

الى كل المسلمين المستضعفين فى بقاع الأرض وكل المجاهدين فى بقاع الارض

الى ارض الخلافه

العراق

الى الشيشان

الى القوقاز

الى البوسنه

الى كل بلد فيه انسان يقول الشهادتين

والله لن ننساكم

معكم بأذن الله فى رمضان

*********

الى كل من أحببتهم وتعاهدنا سويا أن يظل الحب فى القلوب

كل عام وأنتم الى الله أقرب

فلنعبد الله سويا ولنعيين بعضنا البعض داعين الله أن نجتمع عند حوض نبيبه كما اجتمعنا فى الدنيا

انى أحبكم فى الله

ولنرفع شعار

ساعبدك ربى كم لم أعبدك من قبل

********

الى أشخاص حفروا فى داخلنا لهم مكانه كبيره وكل يوم يزدادون مكانه الى من علمونا كيف نستعد للعطاءات الربانيه وعلمونا كيف نكون حتى وان قسوا علينا فى أوقات لكن فى شدتهم احيانا كان خلاصنا وفى قسوتهم كان بلسم الشفاء

أقول لهم

كل عام وانتم الى الله أقرب

الى رفاق التدوين

جميعا

وخاصه الى حبيباتى فى الله

اقول لكم ما ختمت بكم الا لأنكم نعم الختام

فانتم المسك للحياه

بلغنا الله واياكم رمضان

وتقبل مننا

كل عام وانتم تحفروا فى سجل التاريخ اجمل صفحات

كل عام وأنتم الى الله أقرب

كل عام وانتم للحق جنود

لاتنسونى من صالح دعائكم

ملحوظه(ان شاء الله لن أدخل النت كثيرا لان اوقات رمضان غاليه جداااااا ولكن سيكون هناك بعض التواصل)ه

دعواتكم بان يكون رمضانى هذا العام انطلاقه نحو التغيير

مدونه تبحر داخلى

لن أنسى موعدى

اخر ماكتبت

حيث ابحر داخل اعماق سكونى

http://dr3ashaktalaksa.blogspot.com/

اكون او لا أكون

ابحث عن ذاتى

احساس غريب هذه الأيام

مكبله يداى

واجباتى لا أقوم بها ع أكمل وجه

بل لا أقوم بمعظمها

صدقا لا أعرف مالسبب

من الممكن منشغله بعض الشئ فى التفكير فى موضوع ما

أفكر ولا أجد تفسير يقنعنى


احس باننى بالرغم من رغبتى فى الحياه والعمل

الا انه هناك شئ خاطئ

اعرف الحل وسأقوم به
وان شاء الله سوف ييسر لى الله الأمر
***************************

اريد ان يكون رمضان هذا العام انطلاقه لى


اما أكون او لا أكون

متشوقه جدااااااا

لرمضان

احس انه طوق نجاتى من كل شئ

اتمنى فيه ان اجدد كل العهود

اعقد صفقات مع الله

اتمنى ان كل شئ لا أستطيع التخلص منه

اتخلص منه فى رمضان

ذنوبى أرهقتنى

وها نحن نحاول ان نعد أنفسنا قبل رمضان

فأنا ينتابنى احساس هذه الايام

عندما امشى فى الشارع أحس وكأننى اشم نسائم الآيمان


اجد نفسى كالمسجونه التى تنتظر الخروج

الى النور

اعلم اننى ايضا فى شهر عظيم

ولكن

انه رمضان

كم أشتقت اليك

اشتقت للياليك

توحشتنيى كثيرا


فليكن رمضانى هذا العام نقطه انطلاقى نحو التغيير

يارب انت تعلم ما بنفسى ساعدنى يارب

اللهم اجعل رمضان هذا العام فتحا عظيما للأمه جمعاء

يارب يارب يارب

كلمات كثيره بداخلى لكن تبقى انت وحدك يارب تعلم ما بنفسى

فأغفر لنا وارحمنا وتوب علينا

وبلغنا اللهم رمضان

مهرجان التاجات

بسم الله

اولا انهارده تلبيه لرغبه الجماهير

لازم نجاوب التاجات وأمرنا الى الله

اول تاج اتدبست فيه من كتير بصراحه

وكان من مدونه اخونا قلب الأسد بجد بعتذر عن التأخير

لكن انا هاجاوب اول تلات أسئله بس لان باقى التاج جاوبت قبل كده

نبدأ نجاوب وبعدين ندخل على اللى بعده

س1 : أذكر خمس أحلام على الاقل ..تخص ماضيك وتحلم فيها بتغيير اشياء

..ماذا ستعدل وماذا ستترك؟؟

بصراحه السؤال صعب بس هجاوب

كنت بحلم انى ادخل كونسرفتوار ومش عايزين تريقه بس غيرت رأيى

كنت بحلم أدخل هندسه وكنت عايشه الدور جدا لحد تانيه ثانوى وبعدين غيرت رأيى بعد تفكير عميق ليس كرها فى الهندسه ولكن مش عارفه اللى هبلنى وخلنى اعمل كده بس الحمد فعلا انى مادخلتش

كنت بحلم انى يبقى ليه اخ او اخت اصغر منى عشان ابعتهم للمشاوير بدل ماكنت انا دايما متبهدله كده

كان نفسى انمى موهبه الرسم بس الشعر اخد كل حاجه معاه

كنت بحلم بقى آنى اطلع الأولى ع الجمهوريه فى الثانويه

بس تقولوا آيه بقى قدر ومكتوب

شكلى بحلم كتير ههههههه

س2 : أذكر خمس أحلام على الاقل ..تخص مستقبلك؟

اول حلم ليه بجد انى أتفوق فى مجالى وابقى دكتوره علاج طبيعى شاطره اوى وافيد المسلمين

نفسى ابنى بيت مسلم بحق ويلزم لده انى الواحد دايما يتطور علاقته مع ربنا

وحلم البيت المسلم مش عشان نتزوج وخلاص

لكن لآن الزواج فى وجهه نظرى تكامل بين الزوجين لأنهم يخدموا فكرتهم

يعنى لما هتكون قناعتنا واحده هنحاول نعلى بأنفسنا ونساهم فى نهضه البلد دى

مش مجرد زواج وخلاص

والله المستعان

نفسى ربنا يكرمنى واحفظ القرآن كله

بحلم انى أصلى فى المكان اللى عشقته المسجد الاقصى وساعتها هيبقى الأسلام رجع عزيز ونتجمع بقى بعد الفرقه ياااااااااه حلم بس ان شاء الله يتحقق وكمان ساعتها هنكون حققنا حلم النهضه

بحلم بقى احضر الدكتوراه فى المانيا

بس المشكله انا مش عرافه العلاج الطبيعى متطور اكتر فى امريكا وكندا واستراليا ولا المانيا العمليه فيها شغاله

تخيلوا دى المشكله بس

كأن الباسبور جاهز والتذكره وانا خلاص خلصت بقى وعملت الماستر وواقفه على انه بلد احسن

ههههههههه

س3 :أذكر شخصين على الأقل غير متواجدين فى حياتك حاليا

كنت تود وجودهم الان او فى حياة اولادك مستقبلا؟

كلنا كنا نتمنى ان النبى يبقى موجود معانا

لكن انا هاكتب شخصين عاديين ليسوا بأنبياء

بابا طبعا كان نفسى اوى اوى يبقى معايا

بس هذا قدرنا

الاستاذ عباس السيسى بحبه اوى وبحب كتابته

دا بقى تاج اخونا حسن حنفى

بدأت تدون من امتي ؟ و دخلت العالم ده ازاي ؟

من سنه وشهر تقريبا

عادى قدرا كده دخلت على مدونه ومكنتش اعرف اى حاجه عن هذا العالم وعجبيتنى الفكره وقولت ليه لأ مش ادون ودونت

ايه كان انطباعك في البداية ؟

بصراحه كنت مبهوره بالفكره جدا

مين اكتر واحد بتهتم بتعليقه علي بوستك الجديد ؟

اول ما بدأت تدوين كانوا فيه ناس بهتم بتعليقهم اوى

كان فيه ناس معينين بهتم بتعليقهم ج جدا

لان مكنش ناس كتير بتعلق

وبصراحه كانوا بيدعمونى بتعليقاتهم

لكن دلوقتى تقريبا اغلب التعليقات بهتم بأصحابها جدا

وعذرا مش هأقول اسماء لان بجد لو قلت أسماء يبقى هأظلم ناس كتير

ايه أهم حاجة اتعلمتها من عالم التدوين

انى مش انبهر بكلام حد

لان ناس كتير بتكتب حاجات عكس حقيقتها

وكمان لقيت تنوع فى القكر جدا ولقيت ناس كتير ادونى امل اوى

تقريبا التدوين بيطور فيا حاجات كتير اوى

صعب حصرها جدا

ايه أكتر حاجة كرهتها ؟

التعصب لرأيك وعدم احترام الرآى الأخر فى بعض المدونات

طبعا الناس اللى بدون من اجل الهيافه

الخناقات اللى بتحصل احيانا

حاسس ان التدوين له تأثير ؟

ليه تأثير بدليل كتاب المدونين الاول اللى نزل وكان حلو جاد

والكتاب التانى اللى الحفله التوقيع بتاعه يوم السبت واللى ان شاء الله يكون حلو

ليه تأثير لأنه حتى لو مش هيعمل اى حاجه

كفايه ان بقى فيه نوع من الصحافه اللى بتكثل فكر شباب معظمهم فى العشرينات وتحت العشرين وكمان اصغر

تجربه حلوه جدا

وان شاء الله تأثيره يكبر اكتر

اثر فى انا شخصيا كالجانب الشخصى

تهدى التاج لمين ؟

هأجاوب لما اخلص التاج التالت ان شاء الله

التاج التالت وختامها مسك وأصعب تاج جالى من يوم مادونت

من زمرده حبيبتى

ما شعورك تجاه حملة الدنمرك الصحفية تجاه النبي صلى الله عليه وسلم؟

اولى حمله كنت حاسه بجرح كبييييييير اوى وكنا ساعتها تقريبا فى تالته ثانوى

وحسيت ان احنا مش بنعمل حاجه لديننا

واحنا اللى اتهاننا مش رسولنا

لأن رسولنا اعظم من اقوالهم

واجل عند الله

احنا الى اتهاننا

واحنا اللى الحق علينا

علشان

ابتغينا العزه فى غير دين الله

رسالة توجهها للصحف في بلاد الإسلام عن نصرة الرسول صلى الله عليه وسلم؟

نصرتنا للنبنى ان احنا نرجع لسنته ونحيى فى الناس الالتزام والرجوع الى الله

دور الصحافه بقى انها تقدم اعلام حر غير كاذب حتى نثبت للعالم ان المسلمين فعلا

مسلمين بجد

هكذا هما هينصروا النبى

نلاقى صحافه حره

صادقه

ونعمل صحف تباع فى بلادهم باللغات المختلفه وفيها صفحات تعريف بالنبى

اظن مش معضله ديه

او من غير كده وكده

ارجع اقول اخلاقنا هيا اللى هتعرفهم احنا مين وبس

3- ما الذي ستفعله تفاعلاً مع محاولة إهانة حبيبك عليه الصلاة والسلام؟

اظن ان نجعل الاعمال ديه بينا وبين ربنا

بس انا حاسه ان احنا مقصريين جداااا

امرر بقى التاجات ديه كله

للمدونين والمدونات

اولا

نارا

سميه بنت البنا

بنت الحريه

زمرده تجاوب اللى مش جاوبته

عاشقه النقاب

امنيه

اسماء حفيده الصحابه

اسماء welcome

رغده شباب بيحلم ببكره

الزهراء

عاشقه الفردوس

عاشقه الشهاده وعاشقه فلسطين

لو نسيت حد من البنات برضه اللى تتدخل تجاوب تتدبيسه بقى

الاخوه الافاضل بقى

الفاتحان الجعفرى واليعقوبى

الجمعاوى الاصيل

حسام يحيى

النجم القادم

د\تيتو

د\سعيد طائر الليل الحزين

م\احمد كمال رحايا العمر

خالد كلام من القلب

جمعاوى روش طحن

قلب الأسد مش هيسكت

اوعى تفكر

صيد الخاطر

لو نسيت برضه حد

يأخد التاج يجاوبه

بس يارب تجاوبه بقى

وفى أمان الله

الحلقه الأولى (ذكريات لاتنسى)

السنه اللى فاتت(اللى احنا لسه مخلصينها) كانت من أصعب سنين عمرى على نفسى لأسباب كتير لكن الحمد لله جوه المحنه بنلاقى منحه

بس انا لقيت منح كتير آوى

اتعلمت حاجات كتير جدا قابلت ناس اكتر واتعرفت على ناس كتير اوى حصلتلى حاجات كتير تعتبر محوريه فى حياتى

بجد مكنتش سنه عاديه

يعنى نقدر نقول فيها اتولدت من جديد

بغض النظر بقى عن الصراع اللى كان جوايا

انا جايه انهارد هعشان احكى عن ذكرياتى فيها وطبعا مش هأقدر اقولها كلها لكن هأقول حبه منه وان شاء الله نكمل

نبدأ بقى نحكى.

زى الآيام دى كده السنه اللى فاتت أصرت ماما انى لازم أسكن فى القاهره بدل ما انا بروح واجى كل يوم وطبعا الارهاق البدنى والنفسى وطبعا مكنتش ساعتها اقدر اتكلم ن كلمه

وافقت وانا خلاص بقعدلها الامور وقولتلها مش هاسكن الا فى أوضه لوحدى(عالم بتتدلع)المهم يشاء ربنا انى اكلم واحد صاحيتى معانا على منتدى الكليه ايامها مكنتش اعرفها الا علىا لمنتدى وبالفعل سكنت معاهم وقدرا كانت الاوضه اللى فاضله اوضه لوحدى

ومن هنا بدات رحله السك نالجماعى

مع احلى بنات فى الدنيا كلها

بالرغم ان كلنا نعتبر مختلفين

لكن جمعنا فعلا الحب والاخوه

جمعتنا ذكريات جميله اوى بيهم

مستحيل انساه ابدا

كنا كل يوم ميلاد واحد فينا نجيب تورته ونعمل له احتفال مطرقع كده

وفى الآخر نلعب بالصراحه

وياسلام بقى على الآسئله

كانت آسئله مطرقعه

ونفضل سهرانين

ونصحى تانى يوم نروح الكليه

اجمد يوم ميلاد كان يوم ميلاد ايمان صاحبتنا كنا فرحانين اوى فيه وكانت لسه هموم الدراسه ما هجمتش علينا

اما يوم ميلادى انا بقى كان عجيب الشكل واللون وكان فيه شويه مشاكل صغيره كد هفى الشقه

لكن اسراء واميره

قالولى تعالى معانا واحنا بنجيب التورته

مكنتش موافقه لكن هما أصروا

وطبعا مطرقعين

روحنا اكلنا ترمس وبليله واتمشينا حبه على كوبرى الجامعه

ومحدش يقول علينا ناس رايقه

لان اليوم كان متلخبط جدا

الحمد لله كان بعد يوم ميلادى بكتير لكن هما كانوا عندهم امتحانات

واجلوها لحين لما كلنا نتجمع

المه ميعنى

من الحاجات اللى مش هنساها

الغسيل ياسلام

ذكريات الغسيل

والادهى من كده لما كنا بنجى ننشر الساعه تالته بليل

والله مقدرش انسى ابدا لان الكوميديا كانت عاليه جدا يو مالغسيل ده

طبعا لاننا كنا بنغسل متأخر فلازم ننشر متأخر

بنلعب دايما فى الوقت بدل الضايع

احلى حاجه بقى فى جمعتنا

كان كل واحد بيحترم التانى

الى حد كبير جدا

بيحترم رغباته

كانت مشكلتى انى حساسه شويه فى بعض المواضيع

لكن يعلم ربنا قد آيه هما كان بيحبونى

اجمد حاجه بقى ايام امتحانات الترم الأول

وانا قولت انها كانت سنه غير عاديه بكل المقاييس

وكانت بالنسبه لى مساله حياه او موت

فكنت فى حاله لايرثى لها

المهم ليله امتحانات الهستولوجى

كانت ليله

لو اسراء بتتدخل مدونتى كانت فضحت الدنيا لكن الحمد لله

ربنا خلانى اسكن ما ناس بجد يااااااااما استحملونى

وخصوصا ايام الأمتحانات عندما تزيد العصبيه

بجد لو قعدت احكى عنهم مش هاعرف اوفيهم حقهم

وكمان كان ساكن معانا اتنين تانين

مروه وآيه

مروه فى طب بشرى

وآيه ان شاء الله صحفيه المستقبل داخله دلوقتى اتنيه اعلام

بس دماغ

مروه طيبه اوى

وياما الترم الاول خصوصا

كان لنا ذكريات مع بعض

انا من الناس اللى وانا بذاكر بكتب

فكنا كلنا بنذاكر انا وهى واسراء فى اوضتى

فكنا لو اتكلمنا واحنا بنذاكر تلاقينى بكتب بعض الكلام

تقعد تتجنن وتقولى بطلى كتابه بقى

وبرضه برسم أسهم

فكانت تقوليلى

ايوه ارسمى اسهم واكتبى

واحنا نضحك

مره انا واسراء شدينا شويه وانا حلفت عليه فى حاجه و هى مش بتكره فى حياتها آد اللى يحلف عليه المهم قامت هيه كمان حلفت مش تكلنى لحد الساعه اتناشر

تخيلوا بنذاكر سوا وهنشور ولا آيه

المهم بقيت اكلم مروه والكلام لأسراء واسراء تكلم مروه والكلام ليه

بجد يوميها مروه اتبهدلت

والله كانت آيام

والا اميرتى حبيبتى بقى

ليه ذكريات كتيره وخصوصا ايام الجبس لانها اتكسرت يوم ميلادها

مش بقولك مطرعين

المهم حبيبتى بقى

ديه كلها ذكريات

ياما قعدنا واتكلمنا وهزرنا

ونكدنا كتيييير برضه

كانت دايما تقعد تتكلم معايا

بصراحه هى بيبى اوى وقلبه زى الفل بالظبط حبيبتى بجد

اما ايمان بقى فديه

عايشه من ايام السينما الصامته

مش دقه قديمه لكن بتحب الزمن الجميل

ليه لوحده عالم خيالى لوحده

وياسلام لما تحكى عن مسلسل ولا فييلم

تحس انك قاعد مع مخرج

بجد انا بمووت فى البت العسل ديه

اسراء بقى

قلبى واهلى فى غربتى

هيا كمان فى غربه لان اهلها مسافرين بره

عارفيين احلى حاجه فى سكننا كانت آيه

ان احنا كنا بنخاف على بعض

لو حد اتأخر تلاقى الرنات شغاله

حب بجد

ياما هزرنا وضحكنا ولعبنا وياااااااااااااااااااااما برضه ذاكرنا

كلنا البيت بجد ولاد ناس محترمه

حتى لو يوم حصل مشكله فى نفس اليوم الكل يتصالح

ياااااااااااااه

سنه من عمرى مش هأنساها

ان شاء الله انا واسراء واميره ومروه هنسكن تانى سوا

لكن ايمان وآيه هيسبونا

وع المدينه ان شاء الله

بجد كان نفسى نفضل زى ما احنا

لكن كل واحد بيختار

انا لو قعدت اكتب من هنا لبكره مش هعرف احكى كل الايام الجميله

وتبقى الكلمه المأثوره

ان الجزء الأصعب فى فقد الأصدقاء مش غيابهم لكن لما بنفتكر اللحظات الجميله ونسأل هيا هترجع ولا لآ

وكفايه عليكم

وبجد

عن تجربه

اوعوا تخلوا اى حاجه تهزمكوك

وعيشوا حياتكوا زى ما كنت هتعيشوها لو محصلتش الأزمه عشان تقدروا تستفيدوا

من الآخر اكتم حزنك جواك وحاول تنسى المحنه لآن جواها منحه كبييييييييره اوى

والحمد لله

تمام التمام

ولينا عوده مع ذكريات جوه كليتى الحبيبه جدا

كليه العلاج الطبيعى

جامعه بنت المعز

يوم من حياتى

السلام عليكم

انهارده كانت حفله ختام التحفيظ فى مسجدى الحبيب

الحفله الحمد لله الى حد ما كانت حلوه

انهارده بجد كان حلو جداااا فى حياتى

اى نعم مش زى ما اتدربنا وزى ماتمنينا لكن كل الناس كانت مبسوطه

بجد كان يوم حلو جدا

انا فى حياتى بحب اوى الشغل

وياسلام لما أكون بمارس حاجه بحبها

انا بعشق حاجه اسمها الأنشاد والاخراج

طبعا مكنتش لوحدى

كان معايا اخواتنا اللى كانوا بيحفظوا معايا

كلنا تعبنا

اى نعم حددنا الحفله بسرعه ومش دربنا البنات الا اسبوع

لكن احلى مافى الموضوع

روح البنات نفسهم وحرصهم على الحفله

طبعا البنت اللى كانت بتقدم الحفله مع شويه تدريب كده هتبقى تمام اوى فى التقديم

ربنا يكرمها

قدمت الحمد لله تمام

بدأنا بالقرآن

ثم احاديث

وبعدين نشيد

أسلامنا كله حياه

البنات الحمد لله

كان اداءهم جميل

بس مش عارفه ليه كنت حاسه انهم كانوا اجمل فى التدريب

المهم يعنى

بعد كده أنشدوا

هما مين دول

مجموعه اللى فى سنه اولى وتانيه ابتدائى وحضانه كمان

انشدوا

منعونا نحلم وننام

بصراحه كانوا جامديين جدااا

واللى كانت بدربهم

صاحبتى الى انا كنت كاتبه عن خطوبتها

بصراحه البنات طلعوا عنيها

بس كله فى ميزان حسناتك يامنى

بعد كده كان الدور على الأسكتش

استاذ سعيد الحر

وكان بيتكلم عن الحجاب والحريه

البنات ابدعوا

بس .......الحمد لله على كل شئ

ثم جاء دور الكلمه

لأخت انا عن نفسى لها مكانه خاصه فى نفسى

هيا بالنسبه لينا مش مجرد اخت مسئوله عننا

هيا صوره حلوه جدا امام اعيننا

احسبها ولا ازكى ع الله أحدا

وكانت الكلمه عن رمضان والأستعداد له

وبعد كده

كان الدور على نشيد رباه يارباه

وبعديه

بابا تليفون

وبجد البنوته اللى غنته كانت عسل وكلهم كان تمام

ثم النشيد الختامى

لا لا مش هنفارق

بجد هيوحشونى اوووووووووووووووى البنات

هيوحشنى لما كنا نجيى ويقعدوا يرفرفوا حوالينا زى العصافير

بجد الأطفال دول نعمه

حسيت معاهم البراءه والحب

وبجد كانوا مع بعض كويسين اوى

فى التدريب

كان نفسى ندربهم اكتر

الحمد لله

بجد المسجد وتربيه البنات والأولاد فيه من أعظم الأمور

دور المسجد مش مجرد دار للصلاه وفقط

وانما يخرج منه النشئ ويخرج منه المجاهدين

يخرج متسلحين بالدين والأيمان

دورنا احنا ان احنا نزرع حاجه حلوه فى البنات والولاد دول

ياترى ربنا هيقدر لنا العيش للسنه اللى جايه وننزل المسجد للتحفيظ تانى

اللهم استعملنا ولا تستبدلنا

وتقبل مننا جميعا عملنا خالصا لوجهك الكريم

اللهم ارزقنا ثباتا على طريقك

مش قادره أوصف لكم بجد فرحتى

بيهم النهارده

وبرضه زعلى على انى مش هاشوفك الا نادرا

نسيت اقولكم بقى على نجمه الحفله النهارده اخت اخت معانا

لسه فى تانيه حضانه بس ماشاء الله عليها بجد فى الحفظ

وماشاء الله عليه فى الحفله انهارده فى منعونا نحلم ونام

بجد انا متوقعه

ليها مستقبل باهر جدا

زى اختها

ربنا بس يهديهم لما يكبروا ويفضل أثر المسجد معاهم

حتى لا بعدوا شويه هيرجعوا تانى

فاكرونى النهارده بنفسى

لأن من المسجد كانت البدايه ثم بعدنا شويه ورجعنا تانى

التربيه فى الطفوله بتفرق كتيييييييييييييييير

وبتحط بذره الخير جوانا

حتى لو بعدنا بنرجع تانى

معلش البوست ممكن يكون متلخبط شويه

بس اان خرجت اللى ف قلبى بسرعه لأنى عايزه أكتب

بس بجد اوصيكم ونفسى باننا نشتغل لله

فى اى مكان نروحه

وربنا يجبر تقصيرنا مع البنات ديه

ويرزقنا الأخلاص

فى أمان الله

حبه كلام

اولا بقالى كتير ماكتبتش اى حاجه نظرا لأنى سافرت فجأه

بجد كنت مفتقده مدونتى جدااااااااا

لأنى بجد كان فيه حاجات كتير محتاجه تتكتب وتتدون

اول حدث هام جدا جدا جدا

ان كليه العلاج الطبيعى المصونه اخيرا وحصريا وبعد طول غياب

ظهرت نتيجه الفرقه الاولى

ونجحنا هييييييييييييييييييييييييييه

بجد كنت محتاجه اوى يوم النتيجه اجه اكتب وافرح معاكم

المهم يعنى

كمان عايزه أقولكم انى فى دماغى مواضيبع كتير اوى

بس هتكلم انهارده

عن التغيييييييييييييييير

مش بمعناه اللى احنا عارفينه

لان الموضوع ده كبير ولسه مش دلوقتى

لكن تغيير حياتى

مش عارفه الواحد محتاج يتغير

هل فعلا كل فتره

لما بنقعد مع نفسنا كده او يحصل لينا حاجه

بنقول عايزين نتغير

ونتغير فعلا فتره من الوقت

ونغير حاجات كتير ونرجع تانى

انا مش بتكلم عن علاقتى بربنا او بالناس او كده

انا بتكلم على خبايا النفس

وقدرتها ع الحياه

انا نفسى مش عارفه أنا محتاجه أغير حاجات فى نفسى ولا لأ

وهل ايه اللى هيغيره

وهيعود عليه بآيه

ع فكره انا الحمد لله الآيام اللى فاتت كنت حاسه براحه كده رغم السفر المفاجئ وشويه مشاغل كده

بس قولت لنفسى وخصوصا بعد النتيجه

يااااااااااااااااااه عدت السنه الفظييعيه

اللى كانت بجد من أصعب وفى نفس الوقت اجمل سنين عمرى

لأسباب كتير اوى الواحد مش وقته ذكرها

مكنتش مجرد سنه عاديه

حفرت جوايا كتير اوى

خلاص خلصت وعدت وهدخل سنه جديده واحلام جديده وطموحات جديده

محتاجه أدخل حد تانى

بس المشكله هغير آيه

مازلت بفكر وبصراحه مش عارفه

بس انا جوايا طاقه للحاجات كتير

بس حتما حتما لازم أغير حياتى شويه

هو انا عارفه انى لازم أغير حاجه مهمه اوى

انى أبطل أفكر كتير

ابقى مرنه شويه

وبلاش احمل نفسى فوق طاقتها

بس ازاى ؟؟

عشان كده كتبت

ممكن بقى الناس اللى بجد عقولها يستحيل الاقيها تقولى

وعايزين المدونه كلها فرح ومرح عشان انا نجحت

وبس

وفى أمان الله
عاشقه الأقصى