مضت الأيام والأعوام تعانق بعضها البعض تنسج بإمتزاجها شئ يدعى العمر مضى وذهب منه ماذهب\
ليعلن لى التاريخ اليوم حين تدق الثانية عشر أنى قد اتممت عامى ال21
لا أدرى ما هذا الشعور الذى يمتلكنى من الداخل
ولكن حقيقة الأمر أننى أشعر أن العمر ككتاب حين ينتهى فصل نقلب الصفحة ونستمر فى القراءة لا يحدث إختلاف مابين يوم وليلة من عام لآخر
الإختلاف الذى يحدث نشعر به تدريجيا حين نقيم عام مضى ونستقبل آخر قادم
اليوم أنظر لعامى السابق وحقا كان من اجمل وأحلى وأعمق أعوامى وعلى الجانب كان من أحلك أعوامى قتامة وسوداوية مشاعرية
جمع كل متناقضات الحياة
كسر بداخلى أشياء وبنى أشياء آخرى
جعلنى أقوى وجعلنى أضعف
جعلنى أكثر إنطلاقا وقيد منى الكثير
لاتسألونى الآن لما وكيف
لأن الشرح يطول
لكن بالرغم من كل هذا يظل العام الأكثر تميزا حتى الآن
يكفينى فيه أننى أضفت لقاموس حياتى معانى ومفاهيم جديدة ويكفينى وانا أودعه أن أكن مقتنعة بشئ واضح جلى لعقلى
وهو
الطريق
الطريق الذى قررت أن انقى جوانبه من الشوائب
الطريق الذى سأمهده لأعزف مقطوعتى
ربما ضاعت الروح آحيانا ربما تشتت حينا آخر
ربما تخبطت بأناس وأحداث تعلمت وتعبت
ولكن يكفى أن أخرج منه وأنا على معرفة ويقين بما أريده فى القادم
تمت بالفصحى
................
21 يعنى سن الرشد
يعنى مرحلة جديدة
يعنى إحساس مجنون
فرحاااااااانة جدا بجد
لأسباب عدة
.................
بس كان نفسى بجد يكون معايا أوى وأقوله كبرت صغيرتك المدللة يااااااااااااااااااه بجد إيه ده انا مش مصدقة
بس هأقابله فى الجنة
عموما أنا قولتلته وهو أكيد بيحتفل معايا دلوقتى زى زمان
دايما فاكراك مش بقدر أنساك أبدا فى أدق التفاصيل فكيف بعامى الجديد
رحمك الله حبيبى الجميل أحلى بابا فى الدنيا
....
إحساس مختلف إنك بقيت كبير شوية
إحساس مختلف إنك بجد تحس من جواك
إنك أقصى أمنية ليك السنة دى
تعيش وقف لله
أقصى حلم ليا أعيش وقف لله
أحب لله
أذاكر لله
أنطلق واخوض تجارب لله
أعمل كل حاجة فى حياتى لله
مقياسى الله وبس
أعيش بروح تانية روح بتدق على أبواب المناجاة وتعانق الفجر وهى بتتنفس عطر الحرية من عبوديتها لله
وفى نفس الوقت فرسان بالنهار بيملوا الدنيا تعمير وإصلاح وشغل وحلم وحاجات كتير تزود همة أمتنا
مشاريع تتنفذ وواقع بيتغير مش كلام وخلاص
صدقا نفسى أعانق توازن الروح والجسد وأبنى صرح الروح
ولدى من اليقين فى ده إنى هأحققه
:):):)
كل عام ويجعلنى الله وقف له
ويرضى عنى
ويكفينى رضااااه
ولاء عبد الحميد رزق
20-4-1989
20-4-2010
ودمتم
