يوم متهندس ع الاخر

امبارح وبقرار مفاجئ الى حد ما قررت انى انزل مع صديقه عمرى وانتيم الطفوله البشمهندسه منى لكليه الهندسه اللى انا وهى فضلنا نحلم ندخلها سوا.وف الاخر وبعد تانيه ثانوى دخلت انا علمى علوم (سبحان الله)محدش يسألنى له فى خلقه شئون اتقلب تفكيرى ساعاتها ليه 180 درجه.المهم ودخلت علاج طبيعى وهيا دخلت هندسه.المهم صحيت بدرى على غير العاده وروحت معاها .اول ما وصلت الكليه قابلتنى اخت ليه برضه كان بقالى كتير مشفتهاش وسلمت عليا وحضنتنى باشتياق وحب عمرى ماحسيته بجد كان لقاء حلو اوى.بعد كده شوفت كليتهم.هيا مش وحشه شغاله يعنى.عشان بس منى والاء مايزعلوش.ودخلت معاهم محاضره وياريتنى ما دخلت قالولى دى رياضه.وع اساس انى كنت بفهم رياضه وبحبها فى ثانويه عامه كان عندى امل افهم حاجه.والله ماعرفت افهم كلمه مع ان شكل الدكتور كده بيشرح كويس.قعدت اكمل قصيده كنت بدأت كتابتها فى المحاضره لحد لما خلصت الحمد لله على خير.بجد كان يوم حلو اوى .نسيت اقولكم اتعرفت على اصحاب منى والاء فى الكليه.وبنات زى العسل اوى

وشوفت اصحاب ليه كان بقالى برضه زمان ماشوفتهومش.يااااااااااااه ذكريات ثانوى واعدادى رجعت اتذكرها تانى

كانت ايام جميله.المهم قضينا اليوم طبعا كان لازم نأكل مع بعض.وقعدنا نتكلم ونضحك وبعدين رجعنا الحمد لله البيت

كان يوم بجد فعلا من احلى ايام عمرى.بس ماشوفتش كل اصحابنا اللى كانت منى عايزه تعرفنى عليهم.بس بجد كان يوم حلو اوى

مقالتلكوش واصحاب منى كانوا عارفيين منها انى بقول شعر فاصروا يسمعوا منى

هما والله اللى اصروا

بس كان يوم حلو اوى

كليه الهندسه دى هيا اللى اتخرج فيها المهندس خيرت الشاطر

كليه ولاده والله

بكل المقاييس اليوم كان تمام وان شاء الله اتكرم عليهم مره تانيه واروحلهم تانى

ياااااااااااه اللحظات الحلوه بتعدى بسرعه

المهم

ان خلااااااااص الامتحانات دقت الابواب

وبالفعل امتحاننا كام امتحان عملى اتظبطنا فيهم

والشفوى الاسبوع الجاى

تبرع ولو بدعاء

عشان الماده اللى جايه مايعلم بيها الاربنا

اكيد مش هبقى متابعه المدونه اوى

بس مش هأخد هدنه جامده

لانى مش من انصار الهدنه

مع انى والله نفسى اجربها

المهم

نسألكم الدعاء

عاشقه الاقصى

.

صبرا ............

ماذا اكتب والظالم يكبل يدى

ماذا اكتب وجراح الوطن تزادد كل يوم



ماذا اكتب وحقى فى ان اكتب وان انشر وان وان قد سلبوه منى



قد سلبوا معنى الحريه

قد سلبوا معنى ان نتكلم وان نكتب



ماذا نكتب والظلم من حولى يكبلنى يكبل كل شئ حولى



ماذا فعل د\ممدوح المنير وكريم البحيرى



لكى يفعل بهم هكذا



اريد احد ان يقول لى



اريد احدهم ان يتكلموا



غطوا احداث المحله



بينوا ماحدث



جريمه شنعاء



جريمه تستحق التعذين والسحق والصفع والاهانه



اين حق الانسان عليكم



يامن تتنادون بالحق والعدل



ياحماه الشعب



اين حقوق الانسان



اظن اننى اتحدث عن معانى ماتت فيكم



فلقد متم كبشر وحييتم كوحوش لاتعرف غير الوحشيه والقسوه



اليس لكم ابناء اخوه امهات



اليس لديكم احساس



والله انا لااصدق عقلى ولا اصدق ماحولى



ءانتم بشر مثلنا ام لا



فالظالم والمتجبر



لن يهنأ كثير



والله الذى لا اله الاهو



والله الذى بيده ملكوت كل شئ



والله الذى قادر عليكم



اقسم بالله



لن تهنوا



اين شمس بدران وحمزه البسيونى ووصفوت الروبى



اين زبانيه السجن الحربى



ماتوا تلاشوا من الوجود



والله ان شاء الله ستكونوا امثالهم



ان تأخدوا معكم لا المركز ولا السلطان



ويكفى دعاء المؤمنين عليكم



يكفى عليكم دعوه ام



او دعاء اب بحرقه



او مظلوم



فليش بين الله ودعوه المظلوم حجاب



والله لن يستمر الظلم



زيدوا فى التنكيل بنفس تعبد الله توحد به



زيدوا فى التعذيب



فالله ارى نور الشمس قد اوشك على الظهور



زيدوا فى كل اصناف العذاب بنا



فلن نسكت عن الحق





والله لا اجد كلمات اوصفكم بها



ولا اجد الا ان اقول



لدكتور ممدوح المنير وكريم البحيرى ولكل معتقلى الحريه

ولا تهنوا ولاتحزنوا وأنتم الاعلون))

انتم على حق اصبروا واثبتوا والله يبتلى كلا منا على قدر دينه



نحسبك على خير



والله لن يخذيلكم ابدا0

اه بقولها وترجموها

انهارده سبت القلم هو اللى يكتب بس مش قلمى انا

أه بقولها وترجموها

هتلاقوها كوم هموم

هم أمة

هم شعب

هم عادى

وهم صعب

أه بقولها وكلى حسرةع اللى صابنا

مصردى مش كانت بلدنا

مين اللى بدلها ونهبنا

مصر دى مش كانت عزيزة

كانت أبية

كانت تخاف الدنيا ترجف

إلا هى

مصر دى كانت قوية

غلطونى قولواإنى نسيت تاريخى

فى المدارس علمونا

لما كان الكون بيرجف م التتار

مصر كانت نبضة حية

وأما بالصلبان غزونا

مصر كانت بندقية

هى دى مصر الحقيقة

ولا مصر جديدة خايبة

أه هقولها ومين هيسمع

إسمعوها

إنطقوها

وابدروها فى الغيطان

إلزقوها ع البيبان

علقوها ع الجوامع والحيطان

إعلنوها يوم حداد

قولوا مصر الحرة ماتت

لو هنفضل فى السكات

يا وطن إ ركع لربك

يا وطن إسجد لربك

إوعى تركع للعباد

يا وطن إعلنها مرة

يا وطن الأهة مرة

ياوطن جوايا كلمة نفسها تطلع لبرة

يا وطن إنت اللى باقى

واللى حاكمينك زوال

يا وطن وانت اللى فارس

يركبوك ليه العيال

الضمير

لو مات هيصحى

يبقى لازم يصحى بينا

إفتحوا كل المصاحف

دوروا بين السطور

الحروف الحق ظاهرة

الحروف الحق نور

الحروف الحق ثورة ع الفساد

ع اللى كاتم فوق صدورنا

ع اللى حاجب نور عينينا

الحروف الحق إحنا

والزمان الجاى لينا

أبو نور الدين المدينة المنورة

16/4/2008

يوم بكت فيها مصر من اجل الحريه من اجل الحق

أصدرت المحكمة العسكرية بالهايكستب
ب اليوم أحكامًا بالسجن لمدة 10 سنوات لخمسة من الإخوان المحالين للقضاء العسكري وأحكامًا بالسجن لمدة 7 سنوات لاثنين وأحكامًا بالسجن لمدة 5 سنوات لخمسة آخرين وأحكامًا بالسجن لمدة 3 لثلاثة عشر وبراءة 15 آخرين.
وفيما يلي بيان بالأسماء والأحكام الصادرة ضدهم:

1- م. خيرت الشاطر (النائب الثاني للمرشد العام): 7 سنوات.

2- حسن مالك (رجل أعمال): 7 سنوات.

3- م. يوسف ندا (رجل أعمال): 10 سنوات.

4- م. علي همت غالب (مهندس): 10 سنوات.

5- إبراهيم فاروق الزيات (رجل أعمال): 10 سنوات.

6- فتحي أحمد الخولي (داعية): 10 سنوات.

7- د. توفيق الواعي (داعية): 10 سنوات.

8- أسعد الشيخة (مهندس): 5 سنوات.

9- م. أحمد شوشة (مهندس): 5 سنوات.

10- صادق الشرقاوي (محاسب): 5 سنوات.

11- م. أحمد أشرف (مدير عام دار التوزيع): 5 سنوات.12-

د. أحمد محمد عبد العاطي (خبير أدوية): 5 سنوات.13-

د. محمد علي بشر (عضو مكتب الإرشاد): 3 سنوات.14

- سيد معروف (مدير بعمر أفندي): 3 سنوات.

15- م. ممدوح الحسيني (مهندس): 3 سنوات.

16- د. فريد جلبط (أستاذ بجامعة الأزهر): 3 سنوات.

17- د. ضياء الدين فرحات (رجل أعمال): 3 سنوات.

18- د. صلاح الدسوقي (مدرس بطب الأزهر): 3 سنوات.

19- فتحي محمد بغدادي (مدير مدارس المساعي): 3 سنوات.

20- م. أيمن عبد الغني (مهندس): 3 سنوات.

21- د. عصام عبد المحسن (أستاذ بطب الأزهر): 3 سنوات.

22- د. محمود أبو زيد (أستاذ بطب القاهرة): 3 سنوات.

23- مصطفى سالم (محاسب): 3 سنوات.

24- د. عصام حشيش (أستاذ بهندسة القاهرة): 3 سنوات.

25- م. مدحت الحداد (رجل أعمال): 3 سنوات.

26- د. خالد عودة (أستاذ بجامعة أسيوط): براءة.

27- م. سعيد سعد علي (مهندس): براءة.

28- محمد مهنا حسن (محاسب): براءة.

29- د. محمد حافظ (طبيب): براءة.

30- د. محمد بليغ (أستاذ رمد): براءة.

31- م. محمود المرسي (مهندس): براءة.

32- أحمد عز الدين (صحفي): براءة.

33- جمال شعبان (محاسب): براءة.

34- ياسر عبده (محاسب): براءة.

35- محمود عبد اللطيف عبد الجواد (رجل أعمال): براءة.

36- م. أسامة شربي (مدير عام شركة سياحة): براءة.

37- د. أمير بسام (مدرس بطب الأزهر): براءة.

38- د. عبد الرحمن سعودي (رجل أعمال): براءة.

39- م. أحمد النحاس (مهندس): براءة.

40- الحاج حسن زلط (رجل أعمال): براءة.

وقد برَّأت المحكمة جميع المتهمين من تهمة غسيل الأموال، بينما أمرت بمصادرة نصيب المهندس خيرت الشاطر وحسن مالك في شركة "مالك" وفروعها و"رواج" وفروعها، ومصادرة نصيب حسن مالك في شركة "الأنوار"، ومصادرة نصيب المهندس خيرت وأحمد عبد العاطي في شركة "الحياة"، ومصادرة نصيب أحمد أشرف عبد الوارث في "دار التوزيع والنشر الإسلامية".
نقلا عن اخوان اون لاين

ماذا جنى خيرت الشاطر وحسن مالك ومحمد على بشر

ماذا جنوا

لهذه الدرجه وصل بنا الحال لهذه الدرجه الظلم اصبح بين

اعذرونى ان لم استطع ان اعبر عن ما اشعر به الان

فالاحكام العسكريه اليوم صفعه فى وجهه الكرامه والحريه الذى يتنادون بها

واقولها الى كل ظالم

لن نترك مصر لن نترك دعوتنا مهما كلقتنا

لن نترك دعوه الاسلام خوفا منكم

والله لن نتركها

ابدا

ايها الظالم الا تتذكر ان الموت اصبح قريبا جدا منك

الا تعلم بان الله يمهل ولا يهمل

الى كل اذيال الظلم واتباع الخيبه

اليكم اقول لكم كلامى

واقول لكم بأعلى صوت

حسبى الله ونعم الوكيل يهتز لها عرش الرحمن

الجاسوس يحاكم امام قضاء مدنى اما الشرفاء فامام قضاء عسكرى حسبى الله ونعم الوكيل

والله لن نترك دعوتنا

استشهد البنا

ومازالت دعوه الاخوات تصول وتجول البلاد وكل بقعه فى الكره الارضيه

لا لانها دعوه حسن البنا ولكن لانها دعوه الاسلام

اعتقل الكثير وكل يوم نزداد لكم بغضا وكراهيه

ماذا جنت عائشه حسن مالك

ماذاجنت كل ابناء المعتقلين

ايها الظالم والله لن تهنى ابدا والله لن تهنى ابدا

طفح الكيل

وسنستمر على الطريق

كل ما اقوله لكم اننى مهما قلت ومهما كتبت لن اصف احساسى

فالاحساس بالظلم من اصعب ما يكون

ولكن اقولها الى كل اهالى المعتقلين

(ولا تهنوا ولا تحزنوا وانتم الاعلون

لك الله ياوطنى

حكمك البغى والظلم وسجن صوت الحق

عاشقه الاقصى

وكفى لى فخرا ان انتمى لهذه الدعوه المباركه

أحساس بجد

فى البدايه عايزه اقول ان كل واحد فينا ليه حاجات حلوه فى حياته وبيتعلق بيها وبتوحشه لما تغيب عنه ويغيب عنها.انا دلوقتى مع المدونه بقيت كده بقت بتوحشنى اوى وفعلا بحسها انا هى وهى انا .محدش يقول ا ن عاشقه الاقصى المذاكره اثرت عليها..لكن صدقا جميل اوى ان الانسان يبدأ يبقى عنده شعور كده مع الحاجه اللى يمتكلها.يعنى مثلا تلاقى الواحد بيحب القلم بتاعه اوى لانه عشره عمر.مثلا البيت بتاعه الكمبيوتر بتاعه كده يعنى.لكن الشعور الحميمى بينى وبين المدونه حاجه تانيه خالص.صدقا جزى الله خيرا من كانوا سببا فى تدوينى.المهم انا جايه انهارده اكتب بقالى كتير ما كتبتش.طب هأكتب عن ايه ولا ايه ولا ايه؟

بعيدا عن كل مايحدث على الساحه.بعيدا عن كل شئ قد حدث فى مدينتى الحبيبه.لكن فيه شعور اول مره احسه او يمكن كنت حاسه من زمان ومش قادره أعبر عنه.ان لقيت ان فيه علاقه بين اسمى عاشقه الاقصى واحداث الاضراب فى المحله.استنوا بس بدون تريقه ولا استغراب.فى البدايه لما اطلقت على نفسى هذا الاسم كنت حاسه انه الاقصى دا غالى على كل مسلم اوى يستحق ان احنا مش بس نحبه بل نعشقهه ويفضل اسمه ملازمنا طول حياتنا وبجد بحس بأحساس بالعزه وانا بكتب هذا الاسم الذى اتمنى انه يبقى اسمى الحقيقى.وكمان انا بحس ان البقعه دى غاليه اوى علينا كلنا برضه كمسلمين .احساس حلو اوى انك تحس بالانتماء للاسلام مش بس لارض واحده اللى هيا بلدك لا تحس بالانتماء الاسلامى لكل بقعه مسلمه انك تطلق اسمك على اسم هذه الارض فدا مش فضل منك ولا شرف لهذه البقعه لكن شرف ليك انك ربنا يوفقك لذلك.طبعا السؤال اللى كلكم بتفكروا فيه وطب وايه بقى العلاقه بين عاشقه الاقصى والمحله.هأقولكم احساس الانسان الفلسطينى وهو بيشوف بلده بتتخرب وبتتهدم وبيحصل فيها الافاعيل تقدروا تقدروا الاحساس ده احساس صعب اوى.طبعا اللى حصل عندنا مش زى اللى فى فلسطين لكن احساسى وانا جايه المحله يوم الخميس وبشوفها وكأنها ثكنه عسكريه واثار التخريب باينه يخلى الواحد يقول يااااااااااااااااااااااه احنا زعلانين اوى على اللى حصل فى مدينتنا وبجد من قلوبنا حاسيين بزعل لان المكان ده احنا كبرنا فيه واتربيبنا فيه كل مكان لينا فيه ذكريات كتيره جدااااااااااا.ذكريات حلوه وذكريات مؤلمه لكن مكان بنحبه لو حد مسه بحاجه بسيطه بنزعل.انا مش بتكلم بمثاليه بس بجد انا بوصف احساسى قلت لنفسى ياااااااااااااااااه دلوقتى حاسيين الاحساس ده وامال الفلسطينين بيحسوا بأيه ارضهم بتتخرب وكل حاجه عندهم بتتدمر ويرجعوا يبنوها عايشين دائما مترقبين.احاسيس كتير اوى هما حاسوها وعانوا كتير ومرابطين فى ارضهم.عارفه انى لسه ما اوضحتش العلاقه اوى.الاعلاقه ان انا بعشق الاقصى وربنا يرزقنا الاخلاص فى القول وبعشقه جدا كمان.بس دلوقتى حسيت يعنى كلمه وطن وارض. كان عشقى للاقصى مجرد احاسيس ومشاعر اصلى ماشوفتش خراب هناك فى المكان اللى انا عشقته مهما شوفنا صور عن فلسطين مش هنقدر احساسهم ممكن نشاركهم الاحساس لكن نحس زيهم صعب.دلوقتى بعد ما حسيتى ان حد خرب ولو شويه فى مدينتى وبلدى حسيت بجد يعنى ايه عاشقه الاقصى

دلوقتى عشقى زاد للاقصى ولبلدى.وياريت كل واحد يحس فينا يعنى ايه كلمه وطن كبير اوى يجمعنا كلنا بمختلف جنسيتنا ولونا وبلدنا

وطن اسمه حضن الاسلام

الذى احلم ان ارتمى فيه

ويجمعنا من بعد الشتات

لان اللى احنا فيه من بعدنا عن اسلامنا

بحبك يا اسلامى وبحبك يا اقصاى وبحبك يا مدينتى وبلدى

وبحب كمان مدونتى

لكم تحياتى

عاشقه الاقصى..

ونجحنا السنه دى وعقبال كل السنين

اخيرا وبعد اما كليتنا المصونه حرقت اعصابنا وكل يوم تقول بكره بكره وفى يوم تاريخى يوم 6\4

ظهرت نتيجتنا الحمد لله ا وجبت جيد على عكس المتوقع

الظاهر كليتنا ديه يلا ربنا يهديها ونعوض الترم الجاى
الحمد لله وعقبال يارب الترم التانى وميحرقوش اعصابنا تانى

بجد انا كنت يوميها فرحاااااااااانه جدا

بس فى هذا اليوم التاريخى كانت المحله تعيش احداث داميه

تابعتها انا فى الجرائد

وكان الهدوء يعم القاهره

بس بجد كان يوم حلو

اطمنا بس خلاص الامتحانات بتدق ابوابنا وعملى وشفوى ونظرى وربنا يستر

انتظروا تدوينه جديده منى

ان شاء الله

مع تحياتى

عاشقه الاقصى

القائد نور الدين محمود

دى صوره

القائد نور الدين محمود

حبيب قلبى وروحى بجد انا حبيت اكتب التدوينه دى

لانى لما بشوف صوره ابن اخى( القائد) نور الدين مستقبلا ان شاء الله

بحس بفرحه كبيررررررررررررره اووووووووووى

بحس كانى بتولد من جديد

بحس بأن كل مصاعب الحياه تهون من نظره للواد الكميله ده

المهم انا جبتلوكم الصوره عشان تبتهجوا انتم كمان

ويارب القائد يجى بسرعه الى ارض الوطن عشان العب معاه واشيله بس هو يجى بس

بجد الاطفال دول حاجه جميله اوى وبريئه اوى

ان شاء الله يكون نور الدين جندى للدعوه وراجل بجد

بس هو يكبر ويورينا شطارته

اسيبكوا بقى مع الصوره

لكم تحياتى

عاشقه الاقصى