مدونه تبحر بداخلى

هنا انتظركم

http://dr3ashaktalaksa.blogspot.com/

عندما يكون الصمت أبلغ من الكلمات)اخر تدويناتى)

حقيقى ياجدعان

اليوم 22\5\2008

المكان مكتبه عمر بوك ستور وسط البلد

الحدث:

توقيع اول كتاب مدونات مصريه للجيب يانااااااااااااااااااااااااااااااااااااس

انا اتأخرت اوى فى تسجيل الحدث الرائع ده

لكن معلش عذرا الامتحانات وما الامتحانات

اليوم ده بجد كان يوم من أيام عمرى يوم مش هقدر أنساه بجد انا كنت هأطير من الفرحه وانا هناك

اول ماوصلت المكتبه كنت حاسه انى فى حلم معقوله انهارده اول كتاب للمدونات هينزل معقوله كلام الشباب وروح الشباب هيوصل لكل الناس أنا لم اتخيل انى هأكون فرحانه اوى كده.بجد دا من اسعد الايام اللى عدت عليه فى حياتى

كان يوم حلو اوى

وكان هناك مدونين كتييييييييير

عصفور المدينه.يامراكبى.شهاب الازهر.صيد الخاطر.دكتور حر.خالو احمد الصباغ.د\لماضه.القادم اجمل.ربه السيف والقلم.قصاقيص مشاعر.عدى النهار.والله فكره

واجمل حاجه انى اتعرفت على اجمل انسانه وهى فعلا بجد انسانه

ياسمين صاحبه مدونه أنسانه

كنت بجد هطير من الفرح انى عرفتها

واتعرفت على ايناس لطفى(دنيا محيرانى) وديه بجد عسووله جدا

ومن الناس اللى كانت فى فريق عمل الكتاب

وطبعا لا أنسى احمد البوهى واحمد مهنا

اللى كان ليهم الفضل بعد ربنا ان الحلم يبقى حقيقه

وطبعا دار أكتب اللى نشرت الكتاب

كان يوم حلو جدا وبجد انا قلت لنفسى كلمه واحده بس

لسه في خير اوى فى شباب مصر شباب واعد فاهم مش شباب تافه ولا حاجه

ناس بجد نفسه مصر تبقى حاجه كبيره اوى

بيحلموا بوطنهم ازاى يكون

نسيت أقولكم

ان الكتاب اسمه مشروع وطن

بجد الحلم بقى حقيقه

وان شاء الله تبقى دى البدايه ونلاقى كل شهر ينزل كتاب يعبر عن نبض الشعب كتاب من الشعب للشعب

اما بقى كانت بجد اجمل حاجه فى اليوم

انى اتعرفت على القمر والوجه اللى بجد يخليك تحبه بدون كلام

هبه سيد

صاحبه كتاب يوميات اتنين مخطوبين

وحضرنا مناقشه الكتاب بتاعها

وعلى فكره الكتاب ده من الروايات الرااااااااااااااااااااااااااااااااائعه جدا

اليوم بجد عمرى ما اقدر انساه

يوم من عمرى

اما المشكله انى فى مدونين كتير معرفوش يجيوا عشان الامتحانات

رغم ان كان موجود ناس كتيييييييييييييييييييير اوى

لكن ان شاء الله المرات القادمه يبقى العدد اكتر بكتير

بس مش عارفه هيودوا الناس فين دا المكان كان يادوب الناس كانت فوق بعض

واوحش حاجه انى معرفتش اصور اى حاجه لان كل اللى كان قدامى كان طوااااااااال اوى

لحد الحمد لله لما وصلت قدام

بس برضه معرفتش اصور

كنت مركزه اسمع الكلام اللى بيتقال

مهما كتبت مقدرش اقول غير

ربنا يكرمه كل واحد ساهم فى الحلم ده انه يبقى حقيقه

عاشقه الاقصى

خواطر قرآنيه

لأننا فى فتره امتحانات وانشغال بالتفكير فى المذاكره والامتحان وانتظار بدء المعركه القوميه مع الأمتحانات النظريه فأنا لم اكتب من فتره.المهم ولأننا اثناء الامتحانات كثيرا ما تجد نفسك مشتاق لسماع القرآن الذى بصدق ودون اى شك هو منهج حياتنا فى كل وقت فى الحياه.المهم عقدت العزم ان ان أستمع الى صوره احبها جدااااااااااااوطبعا كل القرآن احبه لانه كلام الله لكن الصوره هذى لها ذكرى خاصه معى. المهم استمعت لسوره ق.
وكأنى استمع لسوره ق لأول مره فى حياتى كنت أحس وكأنى اولد من جديد وفعلا أدركت كيف أن القرآن غير الصحابه من جمود الجاهليه والكفر الى سمو الأسلام. كيف جعل من كان يؤد البنات من عظماء الأسلام. كيف سمى بأرواحهم .لأنهم استمعوا للقرآن بقلوبهم وليس بعيونهم فقط وبألسنتهم.لانهم جعلوا القرآن بصدق منهج حياه وليس كلام فقط.صدقا أحساس اخر ان تسمع القرآن بقلبك..أكثر آيه هزتنى آوى
قال تعالى(يوم نقول لجهنم هل امتلأت وتقول هل من مزيد)هذه الآيه ليها احساس صعب وصفه

ثم تأتى آيه جميله اوى بشرى ورحمه لينا
(وأزلفت الجنه للمتقين غير بعيد) أحبك ربى لا استطيع أن اقول الا هذا أنى احبك ربى

صدقا كل آيه فى سوره بتنبض بمئات الخواطر والتى لا استطيع سردها الآن

ثم تأتى فى نهايه السوره آيه صدقا يجب أن نقف جميعا عندها حتى ترق قلوبنا بعد أن طغت عليها الماده
لتعود الى الشئ الذى جعل شفاء للصدور
(نحن أعلم بما يقولون وماأنت عليهم بجبار فذكر بالقرآن من يخاف وعيد)يالله فعلا فذكر بالقرآن من يخاف وعيد الذين سمعوا القرآن بقلوبهم

هذا هو أحساس او بعض من أحساس الذى لم أحس به من قبل


نسألكم الدعاء

غزه جرح ينزف

كان له اليوم وقع خاص علي ولا أدرى لما اليوم خاصه أحسست بأحساس جميل وانا استمع الى أذان الفجر وكل المساجد تؤذن فى صوت واحد.تذكرت كم هو جميل الاتحاد كم هو جميل عندما نكون يد واحده.وايضا كل منا يعلم انه عندما يزداد سواد الليل يخرج فجر جديد علينا هكذا الحال معكى ياغزه ياحبيبتى.عندما سمعت فى الاخبار ان غزه تغرق فى الظلام لليله الثالثه وان المخابز اغلقت بسبب نقص الوقود وان المستشفيات قرب الوقود أن ينفذ.اعتصر قلبى وكان يجب ان أكتب الى كل انسان الى كل من يحمل فى قلبه ربقه من أنسانيه أناشد العالم بأسره ليس المسلمين فحسب.أناشد المروءه والحميه والشهامه.أناشد كل من ارتضى ان يحمل الصفات الانسانيه.اناشدكم بأن غزه تغرق فى الظلام ونحن مما كانت حالتنا فما زلنا نأكل ونشرب ونهنأ.مازلنا عندنا حياه ام هم فقد اوشكت الحياه ا ع الأنتهاء.اخوانى سنسأل امام الله عما يحدث هناك كفانا خلاف وفرقه كفاانا اجمعوا قواكم اتحدوا فى الدعاء لهم تبرعوا لهم مهما اشتد علينا الضنك بالله عليكم المقاطعه تفعيل القضيه.لاتنسوهم اخوتى انهم اخوه لنا قال الله تعالى(انما المؤمنون اخوه)لم يقل المصريون او الغزوييون وانما قال المؤمنون اولستم مؤمنين؟وكونوا على يقين بأن الفجر قادم لامحاله.كلما استحكمت حلقاتها فرجت وكنت اظن لا تفرج.كونوا على يقين فى اننا يجب علينا ان ننتصر على أنفسنا حتى ينصرنا الله.يجب علينا ان نقيم دولهالاسلام فى قلوبنا حتى تقوم على ارضن.واقولها لكل الطلبه امثالى اعلم اننا فى وقت حرج من السنه وامتحانات وضغط نفسى ولكن تذكروا بأنهم هناك يذاكرون على الشموع ونحن مازلنا نذاكر ونحن منعمين مهما كان حالنا.اخوانى واخواتى اصلحوا انفسكم اجتهدوا فى دعوتكم الى الله فلا عذر لنا.والله لن يرحم التاريخ من يخون

اشباب الاسلام شابات الاسلام جددوا النيه واعملوا بجد واجتهاد حتى نكون اهل للنصر حتى نكون جيل النصر المنشود اعملوا فلا عذر لنا لاعذر لنا.

اما حكامنا فانا لن اوجه اليكم كلمه ولا حتى تنيه ولا اى شئ

انتم أقل من نضيع اوقاتنا فى النداء اليكم

ولكن يكفيكم حساب الله لكم

هو الحق

وهو من سيقتص منكم

اخر كلماتى

الى كل اهالى غزه خاصه وفلسطين عامه والى كل بقاع المسلمين التى تراق فيها الدماء

قال تعالى

ولا تهنوا ولاتحزنوا وانتم الاعلون

صدق الله العظيم

انتم المجاهدين انتم فى ذروه سنام الاسلام

انتم من ستعيدوا الكرامه لنا

الله معكم

وقلوبنا معكم

ولن ننساكم

اليكم ابعث اعتذارى

فاعلم انه لاعذر لنا

ولكن

سامحونا اخواتى

سنفعل ما نستطيع

الله معكم

يا احباب رسول الله

hggi lu;lالله معكم ياقساميون

الله معكم

قال تعالى(أليس الله بكاف عبده)يكفيكم الله هو خير معين

والسلام عليكم

وجدتها وتاج كمان

بدون اى مقدمات طويله

وبعد البوست الاخير اللى بجد ردود الناس عليه خلتنى هاطير من السعاده

وحسيت اد ايه فعلا ان فى ناس بتتكلم من قلوبهم بالرغم عدم معرفتها باللى قدامها وكمان حسيت احساس رائع بأنى بحمد ربنا على نعمه الاسلام جداااااا وبان ربنا ده كبييييييييير اوى ومش بيحبه يخذلنا ابدا

واحب اقولكم انى معرفتش اعمل قوقعه لانى مكنش عندى مفر لذلك بسبب الامتحانات ولكنى انعزلت مع نفسى للحظات وادركت حاجات كتير منها ان ربنا بعتالى رسايل كتير جدااااااااا

منها اول ما قفلت الكمبيوتر بعد لما كتبت البوست وكانت ايه فى سوره غافر

(واصبر ان وعد الله حق واستغفر لذنبك وسبح بحمد ربك بالعشى والابكار)وكأن ربنا بيقولى هو الصبر

وسبحان الله تانى رساله انى بقلب فى جهازى فلقيت مقال بعنوان كيف تنفجر الاراده لأستاذ عمرو

وقلت لما اقرأ الكلام لقيت موقف النبى فى الطائف والصبر وازاى كان عنده اراده

وموقف لما كان بيحفروا الخندق والحصار وكل ده والنبى يقول والله على ما اتذكر

الله اكبر غلبت الروم

الله اكبر غلبت الفرس

حسيت بصغر نفسى اوى

وتالت رساله

انى اول امبارح لقيت اخت لى فى الكليه هى اتخرجت بس بنشوفها لانها حبيبتنا اوى

بعتتلى رساله عشان تشوفنى وانا فعلا ببقى سعيده جدااااااااااا وانا بتكلم معاها لانها اول واحده شوفتها من اخوات الكليه

وبجد ببقى هاموت من الفرح وانا بكلمها وتكلمنى اد ايه بحس انى بتعلم من كل حاجه بتقولهالى

المهم قابلتها امبارح بعد الامتحان هأحكى عن الامتحان بس اصبروا

المهم قعدنا نتكلم برضه عن موضوع القوقعه

وقالتلى اهم حاجه علاقتنا بربنا والصبر

ياااااااااااااااااااااااه بجد احنا لازم نصبر

وطبعا حبيب قلبى اخويا ابو نور الدين قعد يكلمنى ساعتين

والحمد لله

اما امبارح فكان يوم حلو جدااااااااااااااااا

اى نعم كان عندى امتحان لكن ياجماعه ربنا اكرمنى جدا فيه

وبعدين قابلت اختى فى الله اللى حاكتلكم عنها

ونهايه اليوم روحت فرح اسلامى عندنا وقابلت اخوات كتير مكنتش شوفتهم وكان يوم حلو اوى

فعلا لما تكون قعدت فتره ماشفتش ناس انت بتحبه اوى وتشوفه بتبقى هطير من الفرحه

اخر حاجه ان اخونا النجم القادم دبسلى فى تاج او تاجين فى واحد لانه علق ع الموضوع السابق ومررهمولى انا اللى جبته لنفسى عشان علقتله على التاجات ادينى ادبست بس انا بقى هاجاوب هو احنا بنخاف

واليكم الاجابات

لوأعطيتك ثلاث وردات من هم الثلاث الأشخاص اللى هتهديهم الورد اللى معاك؟

اول ورده لبابا

تانى ورده لماما

تالت ورده لزوجى (لما يجى ان شاء الله)

لو أعطيتك ورقة بيها 3 سطوروقلت لك أكتب فيهم اللى أنت عيزه هتكتب إيه

نفسى ربنا يكرمنى ف الدنيا باللى بتمناه واشتغل فى الدعوه كويس وربنا يهدى على ايدى حد ادخل بيه الجنه

انى اتفوق فى مجالى اوى واضيف عليه شئ انى اخد مركز دولى فى القاء الشعر

ان الاسلام يرجع يقود ويسود ونرجع مسلمين بجد واحقق كل احلامى مع زوج المستقبل ونعيش فى حب وسعاده

ما هو هدفك فى الحياة؟

انى اكون انسانه ناجحه عمليا وايمانيا وبرضه وان االاسلام يرجع جواه قلوبنا وع ارضنا
إن شاء الله بكرة هيكون أحسن من النهارده"ِهل تصدق هذه المقولة ؟

مصدقه جدا

لان احنا لو اشتغلنا بجد لو اخلصنا بجد هيكون بكره احلى

لو بقين برضه بشر بجد مسلمين بجد هيبقى بكره احلى

لو احترمنا مشاعر بعض واحاسيس بعض هيبقى احلى

ومحدش يقولى بعض مين

أجمل مقولة سمعتيها فى حياتك؟

غير ايات القرآن

هيا مقطع من اغنيه

طعم النجاح لودقته مش هتصدقه عايز تجرب حط حلم وحققه

من المغنى اللى بتحبه أوى و إيه أحلى أغنية ليه بتحبها

كتير منشدييييين حلوين اوى

لكن افضل مين

مين مين

ممكن اقول بحب صوت مصطفى محمود موسى مصطفى

اما احلى اغنيه بحبه

جدد حياتك

ونفسى اللى غنوها يعمل اناشيد تانيه

دا اغنيه حمله جدد حياتك لطلبه الاخوان فى جامعه القاهره

حاجه كده راااااائعه
غزة" تمثل لك إيه فى حياتك ؟؟

حياتى كلها دى حته مننا والله

دى ارض عليه بشر زينا مسلمين زينا انا نفسى ابقى زى الناس ديه عشقوا الموت عشان دينه واسلامهم وارضهم

"
أعطى لإنتمائك لوطنك درجة من مائة ؟؟0

الانتماء اكبر من انى اد ليه نسبه انا جوايا مشاعر مش لمصر بس لكل الدوله الاسلاميه

انا مسلمه وبلدى فى كل حته اروح فيها

بس مصر غاليه اووووووووووووووووووووووووووووووووووووى

لانى هنا كبرت هنا حبيبت وصاحبت وهنا درست يااااااااااااه انا بعشق تراب مصر ورمل مصر

والله مهما خانوا الخونه احنا بنحبها برضه
لو تزوجت و أنجبت بنتين و ولدين أى الأسماء تختار لهم؟

ادم ونضال

ودارين وجويريه

ودارين ده اصلا جزء من اللينك بتاع المدونه واسم الشهيده الفلسطينيه دارين ابو عيشه

واسمى كمان ع منتدى الكليه

وعايزه اقولكم ان الناس بنتهدلى بيه لحد لما نسيت اسمى الحقيقى

انا بأذن الله اول شرط فى اسماء ولادنا

دارين ولازم زوجى ان شاء الله اعرفه كده

دا انا هاكتبه فى الشروط الخاصه فى قسيمه الزواج(هههههههههه)

غشيت فى أمتحان و انت صغير
لو أتعرض عليك رشوة كبيرة و انت فى زنقة ماليه هتعمل إيه ؟؟

لا طبعاااااااااااااااااااااا

قول 3 صفات ب 3 كلمات بس توصف بيهم شخصيتك

اخوانيه دماغى ضاربه رومانسيه

قول فى كلمه واحده اهم صفه فى شريك حياتك؟

غير كونه ملتزم واخ لانها اساسيات

يكون بيحبنى اوى ويفهمنى وعنده احساس بيه

اول مرتب ليك وكان كبير يكفي تجيب اغلى هدايا هاتجيب لكل فرد في عيلتك ايه؟

هاجيبلوها تورته
ل اللى غير دراستك وشايف نفسك فيه قوي ؟

القاء الشعر والتقديم اختكم قدمت مؤتمر قبل كده تبع الكليه

يعنى ممكن يجى منى

بتحب السفر؟

جداااااااااااااااااااا

وان شاء الله ربنا يكرمنى واخد الدكتوراه فى المانيا

طب دلوقتى حالا ايه المكان اللى نفسك تكون فية؟

نفسى فى مكانين

مع بابا فى الجنه

ع البحر بانبب

اذكر عشر اشياء عن نفسك؟

انامسلمه وافتخرىيبان انى جد لكنى بحب الهزار واضحك جداااااااااااااا فخوره جدا بانتمائى للاخوان المسلمين

عصبيه احيانا وبحب المدونه بتاعتى مووووووووت وش الخير.بعشق حاجه اسمها القاء الشعر والانشاد جدا

عناديه بس مش ف الباطل

بيقول دمى خفيف وبعرف اهزر ونوعا ما بيقولوا برضه برئيه لما تعرفونى كويس

رومانسيه وعندى احترام للمشاعر

امرر التاج لمين لمين لمين

اولا

لابو نور الدين اخى الحبيب

لاسماء صاحبتى

للقعقاع

لحسام يحي

لمعاذ فارس الازهر

ود\احمد جمال

لاحمد كجول صاحب مدونه الصحبه الشبابيه

لاى حد هيقرأ التاج

معلش طولت وقرفتكم

هو النجم القادم السبب

قوقعه

غريب عنوان التدوينه انهارده غريب جدا.لكن انا هنا بس برتاح هنا على مدونتى وانا بكتب بس برتاح.حتى لو كلامى

كان بضيق او حزندده جدا قبل ما اكتب الموضوع ده لانى مش عارفه ياترى لو كتبته هرتاح ولا لأ.المهم قررت انى

اكتب اكتب واترك لخيالى العنان.احيانا الواحد بالرغم من الحياه اللى كتير بيحسدوننى عليها والموهبه والحركه والنشاط فىالكليه وحاجات كتير ربى ربنا ادها للواحد.الى ان بيحتاج انه يتخلص من كل ده.ويعيش بعيد عن الناس ولو فتره

يعيش ويسرح بخياله ويخرج ابداعات رائعه .ابداعات تخرج كل طاقاته.او انه يذاكر وبس عشان الامتحانات برضه

هيطلع ابداعات.اناهرده ولاول مره بكتب على مدونتى بصراحه شويه.انا عارفه ايه اللى مضايقنى وعارفه السبب بس

مش لاقيه حل والحل صعب اوى.اوى بعيد وعارفه انى اللى بيروح مش بيرجع ومش عايز اتكلم من زمان عشان مضايقش ناس كتير بتحبنى بس غصب عنهم بعدوا عنى.لكن انا منكرش ان كتير بيقولولى ان نشاطى فى الكليه

وحاجات كتير فى حياتى حلوه ونفسهم يعملوا كده.هو شافه الجزء الحلو بس شافوا اللى هما عايزين يشوفوه

كل لما اقرر انى هاتكلم مع حد من اصدقائى اللى بثق فيهم احس انهم برضه مش هيفهمونى

اللى انا فيه اكيد حاله وهتعدى.بس نفسى اعرف ليه ليه الواحد حاسس انه ماشى فى طريق طويل اوى وبيعمل حاجات كتير اوى وحواليه ضغوط كتير برضه وشايف الصح وشايف الغلط وعارف طريقه ومحدد وجهاته.انا عارفه ان طريق الجنه حف بالمكاره وعارفه كل حاجه وعارفه ان لازم نصبر على الطريق اللى احنا اختارنه.وربنا اكيد هيسدد خطانا

اكيد كل واحد نفسه يوقف وقفه مع نفسه ويقولها انتى اصلا مين ورايحه فين وعايزه ايه

الطريق فى ناس كتير زى وماشيين ف نفس الطريق بس برضه تاهوا جواه

وبقوا زى اى حد

هل القوقعه هى الحل

مش بدل الاسلام والله

لكن هل الواحد محتاج انه يعيش قوقعه لفتره معينه

مش هاكتب عليكوا خبر

انى اتمنى انى اذهب لمكان بعيد وميكونش معايا كمبيوتر

ولا كمان معايا موبايلى

واعيش مع نفسى لبضعه ايام

بس هأخد معايا ورقه وقلم

اسجل فيهم احساسى

يااااااااه يارب تحقق امنيتى ديه وأروح مكان واقعد فى حته محدش يعرفنى فيها

مش اكتئاب ولا انغلاق

لكن هأعيش زى القوقعه ايام بس

واكيد هارجع

من زمان نفسى اعمل كده

لكن بجد مش بقدر ابعد عن المدونه اكتر من اسبوع

لانها جزء من حياتى مهم اوى

كمان ياجماعه حتىلو عيشت زى القوقعه فتره مش عارفه هل حياتى هتتغير ولا هتفضل زى ماهيه

والواحد كتير بيحتار بين امور كتير

هو على ثغر من ثغور الاسلام مينفعش يسيب مكانه

وبعدين يرجع يقول محتاج اب دات

محتاج اعاده هيلكه لنفسه

طبعا لو الواحد استشعر(الله غايتنا) هيرتاح جداااا

لكن بصراحه انا مش عارفه اكتب ايه واكمل بأيه

ممكن حد يكملى البوست

ممكن ارائكم

ممكن اراء تكون حاسه بكل كلمه كاتبتها

هل ممكن استحمل انى ابقى قوقعه لفتره معينه

؟؟؟؟؟؟؟؟؟

سؤال قد لا اجد له اجابه

هل ممكن اجد حل.؟

ام كل الحلول مسكنات

ملحوظه

نا مش مكتئبه من الامتحانات ولا حاجه

ولا عندى يأس

بس انا واحده حاسه انى مره واحده بقيت فى حاجات كتير فى حياتى واحداث واشياء

وخايفه ما ابقش قد كل ده

او مش عارفه؟؟؟

مش عارفه الواحد بيفكر صح ولا لأ

انا عارفه ان الحمد لله اختارت طريق غيرى نفسه يمشى فيه

لكن جواه الطريق عثرات

محتاجين نكون جمب بعض فيها

انا بكتب مش عشان عايزه الحل

لأنى عارفه جزء من الحل

لكننى بكتب كنوع من الفضفضه لعلى اجد حد يجد معى الحل بعيدا عن المثاليه

لاننى ارجوكم بلاش حلول مثاليه

كفايه كده عشان انا طولت اوووووى

عاشقه الاقصى