وادعا رمضان وعيد سعيد

بسم الله الرحمن الرحيم

ساعات قليله جدا وينتهى حبيبنا رمضان ربنا يتقبل عملنا القليل ويبارك فيه ويرزقنا الاخلاص ويغفر لنا ويتوب علينا ويثبتنا بعد رمضان

كان احساس صعب اوى امبارح لما قال شيخ المسجد اخر تراويح فى شهر رمضان كادت ان تنهمر الدموع ولكن اللهم اجعل انوار رمضان ونفحاته بيننا حتى وان غابت الأوقات

رمضان هذا العام خلانى أحط علامه أكس على أمور كتير فى حياتى من المؤكد تغيرت من المؤكد استفدت جدا

كفايه قصص القرآن اللى خلانى أعيش مع القرآن بطعم ءاخر

بورك فى استاذ عمرو خالد واكرمه الله بالفردوس الاعلى ونفع به الأمه

رمضان هذا العام كان أجمل رمضان مر فى حياتى

محدش عارف هنعيش للسنه الجايه ولا لأ

نسال الله ان يبلغنا رمضانات كتير

انا جايه انهارده طبعا

اقول ليكم كلكم

كل عام وأنتم الله اقرب وعلى طاعته أدوم

وربنا يعز الأسلام وينصر الامه ونعود كما كنا

نرجع نحب بعض ونخاف ع مشاعر بعض ونود بعض ونرحم بعض

نرجع نسامح ونعفو ونكون بجد قلوب ربانيه

عيدكم سعيد ومفيد وعساكم من عواده

وبجد الحمد لله اللى جعلنا نشهد ءاخر يوم من رمضان وأمد فى أعمارنا

مش قادره أوصف احساسى دلوقتى بجد

لكن بالرغم من آى شئ قد يمر بالأنسان

الا انه لازم يفرح ويمرح ويهيص لانه العيد

ليه طلب بجد منكم كلكم

ادعولى بشده بجد محتاجه دعائكم

ادعولى فى ءاخر يوم من أيام رمضان

ياحى ياقيوم برحمتك استعيث

وكل عام وانتم فى سعاده والأسلام فى عز وزياده

وانتظروا مواضيع كتير بعد العيد والله المستعان

بدايه للحريه ورابطه مدونى المحله

لك الله يا بلادى

هذه الكلمه التى ننطقها بعد كل حادث فى بلدنا الحبيبه. بدءا من حريق مجلس الشورى وحادث الدويقه واليوم حريق المسرح القومى بالعتبه.

فى وجهه نظرى ان النظام فى مصر يتصدع ونهايته قربت جدااااااااا.انا لست محلله سياسيه ولكنى بأحساسى وبنظرتى التى بحكم سنى صغيره الى حد ما آرى نهايه الظلم تتصدع أمامى .فى كل شرر يتوهج فى سماء القاهره الحبيبه وفى كل حجر تساقط على رؤؤس الأبرياء أرى النظام يتصدع.لن أتساءل عن اين الآمنيات التى يجب ان تكون موجود فى أماكن تعتبر تاريخيه.تاريخنا كل يوم يحترق منه جزء فهل فينا من سيعيد التاريخ .هل نحن ندرى ما يحدث اما أننا نرى الأشياء بعين الشماته فى بلدنا.سمعتها من أناس كثيرون أثناء حريق الشورى بأنهم فرحين ليس شماته ولكن لأن لم تعطينا البلد شئ على حد قولهم.للأسف أحيانا من الظلم الواقع علينا ومن الكبت والمشاكل التى يعانى منها المصريون نجد اننا أصبحنا لا نفرق بين مصر الوطن والهويه ومصر الحكومه الغبيه فأصبحنا نفرح فى مصائبنا.على آى حال الحل والتغيير لن يأتى الا من داخلنا لن يأتى احد ليغيرنا للأفضل ونحن لا نريد لن يحمل أحد همومنا غيرنا فلننطق ونتكلم ونحلل ونفكر عسى أن نخرج من دائره الظلام الحالك فى الوطن الذى يقتسمه الكبار وكأنه عزبه أحدهم. لأن نهايه الغباء أوشكت على الظهور وبشريات الفجر قادمه لا محاله وحينها لن يبنى جزء مهم من تاريخ مصر الا من عرفوا الطريق وحددوا هويتهم وحملوا فكرتهم لا يأبهون بآى شئ سوى الله فلتكن معهم لأن حينها سيكون تتر النهايه للظلم سطر بدايه للحريه

ع الهامش

يوم الخميس وبعد العوده من قاهره المعز

حدث مهم قررت ان اكتب عنه وهو افطار عدد لابأس به من مدونى المحله


يكون هذا اليوم من أكثر اليوم ثراءا فكريا بالنسبه لى حتى وان كانت الكلمات التى قيلت قليله نظرا لضيق الوقت .لكن بصدق أحسست بأن حلم تمنيته يوما ما وهو ان أجد رابطه لمدونى المحله
اجده فكره على أرض الواقع ونفذت بالفعل واختير د\ممدوح المنير اخر المعتقليين السياسين لأحداث 6 أبريل رئيسا شرفيا لها.كانت فرحتى كبيره جدا لأننى للأسف لم أكن استطيع حضور لقاءات المدونين التى كانت تقام اما فى المنصوره لرابطه الدلتا او فى القاهره.ولكن الآن أصبح عندى رابطه .صدقا هذا اليوم أحسست بشعور ان كلماتى البسيطه الشخصيه أحيانا والغاضبه حينا ءاخر التى تضحكنى فى بعض الأوقات وتبكينى أوقاتا اخرى من المؤكد انها تصل الى الناس حامله معها رساله مهما كانت بساطه ما نقول .من هنا أدعو كل مدونى المحله وكل من يعرف مدونين من المحله دعوتهم الى حضور لقاءات الرابطه وان شاء الله اتأكد من الموعد القادم واكتبه فى تحديث ان شاء الله.. اكثر ما لفت نظرى فى اللقاء هذا هو المدون (رامز عباس)لن تصدقوا أننى احسست بالعجز أمامه رامز عباس مدون يبحث فى قوانين الدستور عن حقوق المعاقين فهو لا يسمع ولكنه يتكلم كنت فى قمه الاصغاء وانا اسمع اليه تحليلاته وربطه للأحداث أذهلنى صدقا.فهو فى نظرى انسان تحدى اى ابتلاء لأنه أدرك سر وجوده.تواجد آيضا كريم البحيرى المدون الشهير والذى يحمل فوق عاتقه مشاكل العمال فلديه رساله اخرى للتدوين.أعجبنى كلمات كثيره فى كلامه حتى وان اختلقنا فى وجهات النظر.الأروع والذى أحب أن أختم به حديثى وجود استاذنا محمد السروجى ومن المؤكد من يتابع اخوان اون لاين يعرفه وهو رجل خسر كثيرا من لم يعرفه احسبه ولا ازكى ع الله احدا.تكلمت معه بضع دقائق لكن مع أمثال ا\محمد السروجى الدقائق ساعات من الثراء.وكان هناك ضيف سمعت عنه كثيرا وكتب الله لى ان اعرفه ا\وائل الحدينى احد المهتمين بقضيه الامه القضيه الفلسطينيه.وف نهايه اللقاء خرجت وبداخلى تنبت ابتسامه وبشرى بأن مازال شبابك ينبض يامصر

هنشد الرحال ياجدعان

على الهامش

نظرا لأن كل تعليقات البوست اللى فاتت اتكلمت عن جزء منه وهو النظره اللى انت مشايفينها متشائمه للصداقه حبيبت بس أبدا موضوعى بتوضيح بسيط

الصداقه مش مجرد اتنين يعرفوا عن بعض كل حاجه او دايما مع بعض او توافق شكلى فى الأفكار.الصداقه اللى انا ببحث عنها وان شاء الله قد أجدها من جديد هى الصداقه التى تمنحك صديق يشاركك أحلامك وجنونك وحياتك تعيشا لفكره سويا حتى وان بعدت المسافات.

ومعلومه يعنى أنا عندى أصحاب كتير جدا جدا جدا وعندى علاقات كتيره جداا وناس كتير بتفهمنى وبتشعر بيه وكده لكن صدقونى للصداقه معنى ءاخر قد اكتب عنه بوست فى يوم من الأيام

لكن يبقى لدى اجمل اخوات فى الله عرفتهن عبر الشبكه الألكترونيه منهم صدقا من أتمنى ان تسبح صديقتى

ممكن أكون غلطانه وممكن أكون صح بس صدقونى مش عشان تجربه فشلت دا عشان الواحد لازم يفوق

موضوعى الجديد بقى

اولا خلااااااااااااااص ياجدعان الدراسه هتبدا وبجد سعيده جدا ياااااه هأشوف العيال أصحابى تانى وهأشوف اخواتى فى الكليه وهأشوف

المدرجات والسكاشن وهنرجع للدراسه بكل متعتها (ياااااااااه هنتضرب ع الكلمه ديه طبعا)معقوله يا ولاد هأرجع لقاهره المعز بصراحه أنا

واحده من الناس اللى بتعشق القاهره .هنرجع تانى للسكن الطلابى الجميل وكل واحد يخدم نفسه مفيش دلع مفيش ماما هتعمل الاكل مفيش نت الا(كل أسبوع او يعنى مره كده فى الاسبوع اذا أمكن ايييييهه دى الحاجه الوحيده اللى تزعل)البيت بتاعنا هيروق مش هيلاقوا حد يعمل

دوشه مفيش حد ماما تتدلعوا (تتخانق معاه يعنى عشان آى حاجه)مفيش صلاه تراويح فى مسجدنا بصراحه فرحانه رغم انى زعلانه عشان أجدع مسجد يخلص بدرى وبعدين كمان نروح بقى نشوف د\خالد هيصلى فين فى آل رواس ولا فين نشوفلنا مسجد نصلى فيه العشر

الأواخر هبعد عن المحله لمده هتفرق معايا نفسيا جدااا.كنت محتاجه من زمان خصوصا ان من لحظات حسيت كده ان فيه حاجه مش تمام المهم يعنى زعلانه عشان ماما هتوحشنى واختى لما تيجى مش هتلاقى حد يرزل عليها وزوجها مش هيلاقى حد يرن الجرس جامد ويخنقه

غيرى كمان مش هيقعد يزلنى ويهدى النفوس ويقولى ارحمى نفسك من النت مع انى مش مدمنه ولا حاجه.بس هو حظه كده.زعلانه عشان انا حاسه بالقيمه اللى هيفقدوه هنا فى غيابى (هههههههه وجه بيغمز)أكيد أكيد اخواتى هيفقدونى فى غيابى وهيدعوا أطول فى القاهره.سنه

جديده ياجدعان أخيراا يعنى والدراسه فيها تقلت اوى وكمان بقى فيها تحدى كبير فى حاجات كتير غير كده وكده بقى خلاص بقى معدش ينفع هو آيه ده؟اى حاجه قد تعوق حياتى اى حاجه ومهما كانت التفكير السلبى الناس اللى بتخنق حياتى الأحساس الزايد

ان شاء الله بأذن الله لن يخذلنا الله وهتكون من أحلى سنين عمرى دعواتك لأانى هشد الرحيل صباح السبت بأذن الله اهوه يوم السبت ده كان لازملوه بوست بس لما أرجع بأذن الله او هنتصرف يعنى.

بس سؤال بيلح عليا لازم اسأله

ياترى الاجازه استفدنا منها وياترى احنا فعلا اتغيرنا ولا كلام فى خطه كل سنه؟

انا مش عايزه اجابه من احد

آد ماهيه وقفه قدام نفسنا وكفى

وسلام عليكم

كلمات

فى الطريق لازم يكون فيه صديق

بدأت أشك فى صدق هذه العباره اه نقول صحبه تعيننك على الطاعه لكن أصدقاء أصدقاء يفهموك بقى والحوارات ديه يحسوك بيك تحس انك معاهم بيفهموك من غير ما تتكلم سلمولى على الصداقه اللى بتتباع فى ثانيه (ممكن أغير رأيى بعد كده)لكن صدقونى درجه الصداقه اللى بتمنها وجدت مره واحده وضاعت لكن مش بتموت على فكره ضياعها لا دا بيحيى حاجات كتير

من الصعب أن تثق فى أحد ولكن الأصعب أن تعطى ثقتك لمن لا يستحق

أموت واعرف مين قال الجمله ديه لو حد عارف يقولى الله يكرمكم عشان بجد أحييه عليها

أصعب شى تتدى ثقتك لمن لايستحق

أحلام اليوم حقائق الغد

لا مش الغد بس دا الغد وبعد بعده والمستقبل وما بعد المستقبل

كون انت الحضن

دى مش قول مأثور دى نصيحه اتقدمتلى حبيبت بس أقولكم انها فى الجوووووووون

الواحد بيعد يستنى يكون ليه حضن فى مواقف معينه ومش يلاقيه مقاسه فيزعل على آيه نكون احنا الحضن وماله بس هنحتاج مؤكد لحضن بس نقول يارب

كلمه بقى قيلت لى وبجد برضه لسه فى دماغى هيا قالت قبلها عباره ليه أحب احتفظ بيها عشان هيا فيها حبه مدح المهم(لاتنظرى الى قله السالكين)بتفرق أوى مع الواحد والله مش مشكله احنا كام لسه محتفظين بالالتزام مش مشكله كام بيشتغل المهم انا بعمل آيه؟؟؟؟

وديه بصراحه أجمل كلمه اتقالتى وطبعا من اكثر الناس فهما لى فى الحياه

اخت عندنا فى الكليه

علاج طبيعى ناس جامده برضه

نحسبها كذلك ولانزكيها على الله

اخر حاجه حبيت أختم بيها نظرا لأنها شكلت محور حياتى الفتره اللى فاتت

كلمه اتقالت ليا من شخصيه بقولها جزاكم الله خيرا

ستظلى تعلمى كل من حولك دون كلام

أفعالك تكفى

الكلمه بقى آيه (اتعلقى بالله)وكفى به

دى مجرد كلمات ءاثرت فى حياتى جدا

ودعواتكم بقى وكمان فيه تدوينه جديده على مدونتى (ابحار فى أعماق السكون)معلش قلبها هناك نكد شويه

وانتظروا منى تدوينه ان شاء الله تانيه معلش أصلا خلاص يوم السبت هنشد الرحال على قاهره المعز حيث الدراسه الممتعه

http://dr3ashaktalaksa.blogspot.com/

انا لله وانا اليه راجعون

هكذا القدر يذكرنا دائما بذكريات لا ننساها منذ دقئق كنت قد أوشكت ان انتهى من كتابه تدوينه ولكن جاءنى خبر صدقا أحزننى لأنى أشع بهم جدا

وفاه والد اسلام صاحبتى

بجد حاسه انى انا اللى بابا بيتوفى من جديد لأنى عارفه اد آيه هذا الأحساس واد ايه الأب دا غالى أوى اوى اوى اوى

واد آيه فقده صعب مش عارفه أعمل حاجه غير انى ادعيله بالرحمه ونشوف هنروح لها ازاى ولا هنعمل آيه

بجد أنا حاسه بيها أوى حاسه برحله مرضه القصيره معاهم

حاسه يعنى آيه موت وفقد

ياجماعه بجد الفراق أصعب شئ فى الحياه

ولكن لا نقول الا مايرضى ربنا

انا لله وانا اليه راجعون

رحمه الله وغفر له وأدخله فسيح جناته فى هذه الأيام المباركه

وغفر لأبى ورحمه ولكل موات المسلمين

الحريه للمنير

الحريه للمنير اخر معتقلى 6 أبريل

الجروب على الفاس بوك

http://www.facebook.com/group.php?gid=27057444313&ref=mf

شاكوا معانا

كلمه حق فى وجه سلطان جائر

فى امل صدقونى

اولا الحمد لله رمضان هذا العام أحسن كتير اكيد فيه تقصير والواحد عارفه لكن هناك برضه خطوات نحو التغيير .يالله بجد الحمد لله.بفكر اكافئ نفسى كنوع من انواع التربيه ليه لما تتظبط اكافئها ودى طبعا مش فكرتى دى فكره مفتبسه لكن حاسه انها برضه محتاجه شويه تأديب وتهذيب وأصلاح اصلى طماعه مش مشكله الطمع طالما فى طاعه .المهم يعنى حاسه لأول مره فى حياتى ان قربت بجد احقق تغيير فى شئ كان لازم اغيره من زمان .على الأقل بنسبه 50 فى الميه يعنى الواحد بدأ بجد يبقى قد كلمته شويه طبعا واكيد ومن البديهى ان هذا مش من عندى دا من فضل ربنا اولا واخيرا.تانى حاجه انى الحمد لله برضه انى حاسه انى برضى أمى اصل انتم مش تعرفوا انى نفسى بجد ابقى ابنه باره .هو دا عيب ان الواحد يبقى صغير والمشكله الاكبر انى كنت قريبه للغايه من بابا ومحدش يقولى بتحاول تقربى لأمك من سته سنين وبتفشلى عشان مش اعيط لكن كان لازم الواحد يجى على نفسه غصب عنه عشان الجنه ودا امى اللى مدلعانى بصراحه وكل طلباتى مجابه وكفايه بجد ان انا بنتها بتصعب عليها والله انا الحمد لله مش شقيه اوى لكن احيانا معاهده الصلح بتتفك والمصلحين طبعا العطس بيولعوا الدنيا لكن الحمد لله دعواتكم بقى.تالت شئ بقى ودا الاهم انى نفسى اول لكل حد فى الدنيا خايف من ايه وعلى آيه وانت عندك رب اسمه الرزاق .بجد بقول لكل واحد نفسه فى امنيه وحاسس ان الطريق لسه بدرى وطبعا بقول الكلام لنفسى اولا رزقك ربنا كاتبهولك اسعى بقى واجتهد عشان ربنا يكرمك لكل حد خايف يشارك فى العمل لله عشان امن الكليه خايف ليه هو مش التقدير رزق والتعليم رزق يبقى توكل على الله وكن صاحب رساله بقى مره فى حياتك.لكل بنوته عسوله اتأخر زواجها او خايفه مش تأخد الحد اللى تتمنها طبعا مش قصدى على اى حاجه تغضب ربنا صدقينى محدش بيتجوز مرات حد وكل واحده قدرها ان شاء الله هتشوفه نفسى اعرف مستعجلين على آيه .استشعروا الله الرزاق ربنا اللى بيحبنا كلنا لسه بعيدا يلا تعالوا نجدد توبيتنا وعهدنا مع الله كل واحد فينا ليه عهد مع الله ادعيله يثبتك ويعينك والله مش هتلاقى غير ربنا جنبك يعينك واوعوا تنسوا تتدعولى انا قولت اهوه عند الفطار وفى وقت السحر وف كل وقت معلش طمعا فى كرم اخلاقكم .وان على فكره بدعى ومش هتصدقوا لكل المدونين واللى بيطلبوا بدعى بالأسم اى خدمه دمتم فى امان الله

اخر اخبار حمله فك الحصار لغزه

وكالعاده لأننا أظن اننا اعداءهم ليسوا بأهلم وكأن ايضا اهل غزه ليس ببشر فالأمن المصرى كما يعتبر نفسه يواصل فضائحه مع القوافل

المتجهه لرفح

كانت أمنيتى انى اكون معهم ولكن هذا قدرنا

لمتابعه اخر الأخبار

تابعوا
www.newspalestina.blogspot.com/

مدونه فلسطين نيوز

وحسبى الله ونعم الوكيل

فيما يحدث

لك الله يابلادى

عايز اكون ده

انهارده ايام الرحمه هتخلص وهند خل على ايام المغفره ياترى ربنا رحمنا ان شاء الله يكون رحمنا وغفر لنا انا ثقتى بربنا كبيره

اخبار الهمه ايه علوا الهمه امال ؟؟؟؟؟؟؟

.عارفين واحد رايح مكانا ما والمكان ده بيفكره بحاجاه هو بيهرب منها وتلاقيه لما بيروح المكان ده ويجرى بسرعه منه مش عايز يفتكر او لما يعملل ذنب معين كبير كان او صغير لكنه تعبه اوووى وتلاقيه مش عايز آى حاجه تفكره بهذا الذنب بل بالعكس من تأنيبه واحساسه بالذنب يفضل يبكى لربنا عشان ربنا يغفر له مش ظن منه ان ربنا مش غفر ليه لكن لأنه محتاج يقرب أكتر لربنا.وكمان بيحاول يتجنب كل حاجه بتأثر على علاقاته بربنا حتى لو حاجه عاديه لكنه هو عارف نفسه فيبعد أحسن .حتى لو مفيش حد جنبه حتى لو كل الناس فى وادى وهو فى وادى لازم يكون يوسف ويستعصم مهما كانت المغريات حواليه وتلاقيه عارف نفسه هو رايح فين وجاى منين بيقدر يتحكم فى تصرفاته وبيعالج نفسه أول بأول مش كل همه الدنيا وان كانت فى آيده بيرسم أحلامه وعارفه انه هيحققها فى دعوته شغال فى بيته انسان بجد مش هيستسلم للعقبات مره تانيه ومش هيعلق كل حاجه على شماعه الظروف.عيوبه هو عارفها وبيصلحها عاطفته بيجمح زمام امورها ما هو عارف سرها وعارف لازم يعمل آيه مشاكله هو نفسه أدرى بيها.بدأ يعقل ويفكر بهدوء بدأ يعطى كل انسان قيمته فى حياته مش هتبقى حياته فرصه لكل من هب ودب هيعمل فلتر لأصحابه عشان يعرف هو رايح فين مع علاقاته .غايته الله وقدوته الرسول وكتابه القرىن اللى هيحيأ بيه والجهاد عارف ان هو السبيل والأستشهاد فى سبيل الله أسمى شئ يتمناه بصدق.

عارفيين الحد دا مين

انا بصراحه معرفش هو مين

لكن نفسى اكونه بجد واطلع من رمضان كده

بقلب ربانى

بجد اكتر اسم مدونه أثر فيه ومناسب اوى لكلامى

يارب ثبات على طريقك )

بعد رمضان ان شاء الله

مش انتم كمان نفسكم تبقوا كدا

دعواتكم بالله عليكم بظهر الغيب

ربنا يثبتنا ويرزقنا الأخلاص

.

معا لفك حصار غزه

يَا أَيُّهَا الَّذِينَ آمَنُواْ مَا لَكُمْ إِذَا قِيلَ لَكُمُ انفِرُواْ فِي سَبِيلِ اللّهِ اثَّاقَلْتُمْ إِلَى الأَرْضِ أَرَضِيتُم بِالْحَيَاةِ الدُّنْيَا مِنَ الآخِرَةِ فَمَا مَتَاعُ الْحَيَاةِ الدُّنْيَا فِي الآخِرَةِ إِلاَّ قَلِيلٌ
إِلاَّ تَنفِرُواْ يُعَذِّبْكُمْ عَذَابًا أَلِيمًا وَيَسْتَبْدِلْ قَوْمًا غَيْرَكُمْ وَلاَ تَضُرُّوهُ شَيْئًا وَاللّهُ عَلَى كُلِّ شَيْءٍ قَدِيرٌ
****************************************
الدعوة بأسفل منشورة على عدة مدونات…….كنت انتظر حتى يتم تأكيدها وها قد حدث
هذه الدعوة ستمحصنا جميعا…من فعلا ينصر دينه وامته والمستضعفين…….ومن هو ذا كلام وخطب ووقت الفعل الحقيقي ينكص على عقبيه
سيفكر بعضنا في عمله…في اولاده….في وقته…في ماله
ولكن وقتها فما اشبه اليوم بيوم تبوك…وبيوم ذات الرقاع
من سورة الفتح
سَيَقُولُ لَكَ الْمُخَلَّفُونَ مِنَ الْأَعْرَابِ شَغَلَتْنَا أَمْوَالُنَا وَأَهْلُونَا فَاسْتَغْفِرْ لَنَا يَقُولُونَ بِأَلْسِنَتِهِم مَّا لَيْسَ فِي قُلُوبِهِمْ قُلْ فَمَن يَمْلِكُ لَكُم مِّنَ اللَّهِ شَيْئًا إِنْ أَرَادَ بِكُمْ ضَرًّا أَوْ أَرَادَ بِكُمْ نَفْعًا بَلْ كَانَ اللَّهُ بِمَا تَعْمَلُونَ خَبِيرًا طبعا الناس مش رايحة تحارب…هي مسيرة سلمية لتوصيل المساعدات وفك الحصار…ولكنها ستكون بروفة صغيرة على قدر زماننا ووقتنا
عن نفسي بما انها مدونتي وخواطري…فعندي مشكلات لهذا اليوم بالذات…..خاصة انه سيكون من الصعب عدم الذهاب لعملي في هذا اليوم لضغط العمل المتوقع هذه الاسبوع
ولكن
ان لم افكر في الذهاب او فكرت دون محاولة جدية وحميمة لتوفيق اوضاعي واكتفيت في خلفية عقلي بمثل هذه الحجج اكون ممن قال فيهم الله
فَلَمَّا كُتِبَ عَلَيْهِمُ الْقِتَالُ تَوَلَّوْاْ إِلاَّ قَلِيلاً مِّنْهُمْ وَاللّهُ عَلِيمٌ بِالظَّالِمِينَمباشرة وبلا مواربة
وان حاولت توفيق اوضاعي وفشلت أكون ممن خسروا هذا العمل ببعض ما كسبوا…كمن قيل فيهم :
إِنَّ الَّذِينَ تَوَلَّوْاْ مِنكُمْ يَوْمَ الْتَقَى الْجَمْعَانِ إِنَّمَا اسْتَزَلَّهُمُ الشَّيْطَانُ بِبَعْضِ مَا كَسَبُواْ وَلَقَدْ عَفَا اللّهُ عَنْهُمْ إِنَّ اللّهَ غَفُورٌ حَلِيمٌ
الحجج التي ستسوقها نفس كل واحد منا وفينا والحجج التي سيسوقها شياطين الانس والجن كثيرة…..وبعض التسفيه المتوقع
حرارة الجو…الصيام…..بعد المسافة……صراع فتح وحماس على السلطة (الكلام من عينة دول ولاد كلب بيضربوا في بعض واحنا مالنا)……مصر اولا ولنصلح الامور الفاسدة في مصر اولا ومن لم يطالب بالحقوق في مصر فلا يطالب بها في مكان آخر…..بيتي اولى…اولادي اولى….اهلي مش هيرضوا (دون حتى ان يحاول ان يجد حلا لهذا الامر)…….مشغول عندي حفل إفطار مهم…….الاسئلة من عينة وهي دي اللي هتحل المشكلة…..الخ
لكن الحق بين والحلال بين والحرام بين
من سورة التوبة
لَّيْسَ عَلَى الضُّعَفَاء وَلاَ عَلَى الْمَرْضَى وَلاَ عَلَى الَّذِينَ لاَ يَجِدُونَ مَا يُنفِقُونَ حَرَجٌ إِذَا نَصَحُواْ لِلّهِ وَرَسُولِهِ مَا عَلَى الْمُحْسِنِينَ مِن سَبِيلٍ وَاللّهُ غَفُورٌ رَّحِيمٌ
وَلاَ عَلَى الَّذِينَ إِذَا مَا أَتَوْكَ لِتَحْمِلَهُمْ قُلْتَ لاَ أَجِدُ مَا أَحْمِلُكُمْ عَلَيْهِ تَوَلَّواْ وَّأَعْيُنُهُمْ تَفِيضُ مِنَ الدَّمْعِ حَزَنًا أَلاَّ يَجِدُواْ مَا يُنفِقُونَ
إِنَّمَا السَّبِيلُ عَلَى الَّذِينَ يَسْتَأْذِنُونَكَ وَهُمْ أَغْنِيَاء رَضُواْ بِأَن يَكُونُواْ مَعَ الْخَوَالِفِ وَطَبَعَ اللّهُ عَلَى قُلُوبِهِمْ فَهُمْ لاَ يَعْلَمُونَ
يَعْتَذِرُونَ إِلَيْكُمْ إِذَا رَجَعْتُمْ إِلَيْهِمْ قُل لاَّ تَعْتَذِرُواْ لَن نُّؤْمِنَ لَكُمْ قَدْ نَبَّأَنَا اللّهُ مِنْ أَخْبَارِكُمْ وَسَيَرَى اللّهُ عَمَلَكُمْ وَرَسُولُهُ ثُمَّ تُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ
سَيَحْلِفُونَ بِاللّهِ لَكُمْ إِذَا انقَلَبْتُمْ إِلَيْهِمْ لِتُعْرِضُواْ عَنْهُمْ فَأَعْرِضُواْ عَنْهُمْ إِنَّهُمْ رِجْسٌ وَمَأْوَاهُمْ جَهَنَّمُ جَزَاء بِمَا كَانُواْ يَكْسِبُونَ
يَحْلِفُونَ لَكُمْ لِتَرْضَوْاْ عَنْهُمْ فَإِن تَرْضَوْاْ عَنْهُمْ فَإِنَّ اللّهَ لاَ يَرْضَى عَنِ الْقَوْمِ الْفَاسِقِينَ والموضوع محتاج لعدد كبير كي ينجح بإذن الله…..نريد ان نصل لعدد مليون شخص متجهين لكسر الحصار
رجاء نشر الدعوة على كل المدونات
لا يكلف الله نفسا الا وسعها…..لكن فلنستجمع انفسنا وايماننا ولنتوكل على الله
***************
وَلِيُمَحِّصَ اللّهُ الَّذِينَ آمَنُواْ وَيَمْحَقَ الْكَافِرِينَ
وقد أعلنت اللجنه المصريه لفك الحصار عن غزه عن التحرك بقافله من أمام نقابة الصحفيين بالقاهره يوم الأربعاء 10 رمضان الموافق يوم 10 سبتمبر بإتجاه معبر رفح .. علي أن يكون موعد الإنطلاق في تمام الساعه 6 صباحا مباشره .
* نرجو ممن يود المشاركه الإتصال باللجنه علي الأرقام التاليه للحجز من أجل توفير أماكن و أوتوبيسات للجميع
* الإشتراك بالقافله ب 30 جنيه للفرد الواحد
* نرجو الإتصال بالأرقام 0105805657 - 0106832876 من أجل الحجز وتوفير أوتوبيسات للجميع
* من يستطيع القدوم بمساعدات مهما كان حجمها نرجوا إحضارها معه وسيتم إرفاقها بالأوتوبيس لتوصيلها للقطاع إن شاء الله
* عنوان نقابة الصحفيين بالقاهره : 3 شارع عبد الخالق ثروت ( المتفرع من شارع رمسيس) - منطقه الإسعاف - محطه مترو جمال عبد الناصر ( خلف دار القضاء العالي )الأربعاء 10 رمضان - 10 سبتمتبرالساعه 6 صباحاأمام نقابة الصحفيين بالقاهرهقافله بإتجاه قطاع غزه المحاصرللحجز والإستعلام والمعلومات0105805657 - 0106832876فاكس:0223623935E-mail : for.ghaza@gmail.com
عن مدونة الصارم الحاسم
—-

كنت هأموت واروح لكن للأسف مفيش محرم أروح معاه وهكذا حال كل بنت بجد زعلانه اوى كان نفسى أروح مش عارفه أقول آيه بصراحه

اللهم كلل جهد كل من يذهب معهم

والله المستعان

مدونه تبحر بداخلى

مازال الأبحار مستمر داخل اعماق السكون

لن أعيش بل .....هناك انتظركم

http://dr3ashaktalaksa.blogspot.com/

عطاءات ربانيه

اخباركم ايه ايها المدونين والمدونات

يارب يكون رمضان بيغير فينا بجد الى بر الامان

يارب نكون حاسيين لسه بعلو الهمه

يارب نحيى بالقرآن فيه بجد

وحشانى الكتابه ومتابعتكم لكن فعلا الوقت

ونفسنا نستغل رمضان وننهل من بحور الحسنات

انا بس جايه أقولكم على كذا حاجه حصلت فى حياتى وفرحتنييييى جداااااااااااااااااااا

اول حاجه

2\9\2008

اول تقرير ينزل ليا على موقع الجزيره توك

اللى بجد بقولهم جزاكم الله خيرا

وان شاء الله الموقع يكبر اكتر واكتر واكتر واكتر

ودا اللينك

http://www.aljazeeratalk.net/portal/content/view/3219/1/

برضه

فى حدث تاريخى بالنسبه ليه

لا لا

بالنسبه للعيله كلها

هيحصل اول يوم العيد بأذن الله

هأسيبه مفأجاه

بس اوعوا عقلكم يروح لبعيد

انا قاعده معاكم مش مستعجله

الحدث ده فعلا كان مفآجاه لينا كلنا

عارف لما تكون روحك بعيد عنك وفجأءه ترجع

او لما تروح مكان كل حاجات انت بتكرهها وفجأءه تروح تقابل صحبتك الجميله

لا احساسى انا اكبر بكتير من كده

احساسى أنا مش قادره أوصفه فعلا

بصوا أسيبكوا تفكروا بس اوعوا تروح بعيد انا بأكد اهوه

يلا حزروا فزروا

تالت حاجه بقى خلتنيى أطير

مكالمه من الامارات

من اسراء حبيبتى

رفيقه رحله السكن الجامعى

اسووووو حبيبتى كلمتنيى وقعدنا نرغى فى التليفون

وحشتها طبعا فكلمتنى

وهيا كمان وحشتنيى

المهم

انا حاسه ان الحاجات ديه كلها عطاءات ربانيه ليا

عشان كده

اللهم لك الحمد كما ينبغى لجلال وجهك ولعظيم سلطانك

انا بحب ربنااااااااااااااااااااااااااااا

لاتنسونى من الدعاء

سأحيا بالقرآن

هذا هو شعار برنامج الداعيه \عمرو خالد هذا العام

فى برنامجه

قصص القرآن

يذاع على قناه الرساله والمحور

فى 10 مساءا بتوقيت القاهره

سنحيى جميعا بالقرآن

تابعوها لن تندموا

حلقه النهارده كانت أكثر من رائعه

وان شاء الله ستكون ع الموقع اليوم

وآيضا يذاع ع قناه آقرا برنامج الكنز المفقود

للداعيه مصطفى حسنى

الساعه 11 بتوقيت القاهره

(وكفايه كده بقى)شدوا حيكلم ودعواتكم