يوم ميلادى

دى بتاعتى أنا لوحدى ماشى

دى ممكن حد يقاسمنى فيها مش مشكله يلا
ودى لباقى المدونين والمدونات
(انا كنت منزله تورته بالكريمه بس مش عارفه بلوجر تقريبا بيهيس عموما اقروءا بقى

20\4\1989

20\4\2009

مثل هذا اليوم التقت الأحلام ع أرض الواقع لتتكرم بنوته صغيره شقيه على عائلتها الكريمه وتأتى بعد معاناه فى ولادتها

وحلفان ميت يمين من اجمل أم فى الدنيا انها مش تنجب بعدها تانى

وفرح من العيله

رغم انى آخر العنقود

وخصوصا لانها ولدت أثناء صلاه الفجر وفى رمضان

من الاخر بنوته بركه


طبعا أكيد اكيد عرفتم مين هيا

انها

الحلم الذى يدفعنى للأمام

انها

صاحبه هذه المدونه

عاشقة الأقصى

من يومى وأنا تاعبه ماما

لازم أتميز ياجدعان امال آيه

هههههههه


...........

بكره يوم ميلادى

كان عندى شعور كده انى مش هبقى فرحانه

بس لقيت نفسى فرحانه جدااااااااااااااااا

اولا

لأنى هكمل عشرين سنه

وأنا أصلا بحب رقم 20

ثانيا

لأنى من يومين بالظبط

حلمت حلم حلو اوووووى

وكان فيه بابا حبيبى

ومن يومها صراحه وأنا مبسوطه
مش مضايقانى غير انى رديت على ناس ليهم مكانه

رد مش حلو بس اعتذرت بعدها

يارب ميبقاش حد زعلان منى

رغم انهم كالعاده نرفزونى بس يلا الطيبات لله

طيبتى ديه هيا اللى هتودينى فى داهيه المهم

ثالثا ودا الأهم

انى لازم أفرح هو مش يوم ميلادى

...........

أجمل حاجه اتعملتى السنه دى البوست اللى مريم حبيبتى كاتبتوا ع المدونه بتاعتها
http://zeinabelghazaly.blogspot.com/



وموضوع رودى صاحبتى كتبته على المنتدى بتاع الكليه


http://www.cairopt.net/Ips/index.php?showtopic=18009


حاجه جميله برضه

الهدايا اللى جابوهلى شله الطفوله

كان فيها بوبى عسول اووووووووووى

كبير ويحسسك بالدفء كده

نام معايا يوم ما جالى

وطبعا كالعاده ان الهدايا ببتتعان عشان مملكتى


وكمان تهانى الناس على الفاس بوك

بجد مكنتش متوقعه كده خالص


بجد فرحانه


...............

ندخل فى الجد بقى

السنه اللى فاتت كانت سنه حلوه اوى فيه حاجات كتير مهمه بالنسبه لى

اى نعم ختمت مش حلو اوى

لكن الحمد لله

أكيد ربنا مهما كان اللى بيحصل بيحبنى

واثقه من ذلك

السنه دى بقى نفسى فى حاجات كتييييييييييييييير اووووووووووى


نفسى ارجع معنديش هموم وأطير فوق فى السما وأغنى أغنيه بحب النور وصوت عصفور عارفيينها

نفسى أحقق التغيير اللى يرضى طموحاتى

نفسى أحقق حلم جميل بحلم بيه دايما وهرخم كالعاده ومش هأقولكم عليه نفسى أحققه بسرعه بس بأتقان وأفضل عايشه فيه طول حياتى

نفسى أكون أكثر عقلانيه وأفضل برضه عاطفيه ورمانسيه ولولاتياه ومحدش يسأل دى مدرسه من مدارس الحياه

مدرستى الخاصه ان شاء الله هأبقى أعلمكم مبادئها

نفسى أكون زى ما أنا نفسى أكون


نفسى أحقق حلم تانى كده معاند معايا وبحاول معاها ومش راضى يتلم ويتحقق بس لا أنا لاهو دا ممكن أقولكم عليه حلم خاص بالكليه الا مايعلم بيها الا ربنا

نفسى ماما تبقى راضيه عنى ع طول ونبطل نختلف اى نعم بقى نادر الاختلاف بس أهو أمنيه برضه
(لان بجد ماما ديه احلى أم فى الدنيا (


.............

دايما كنت بقول كلمه حبيت أقولها ليكم بالمناسبه الحلوه دى

وهيا

)أحلامنا بكره تلاقى ارض(


وبس
...........

كمان أنا بجد حاسه انى طايره ع الكيبورد

يمكن حاسه ان فيه حاجه حلوه اوووى هتحصلى

مش عارفه ليه

كمان حاسه انى فى حاله من السعاده الممتزجه بمشاعر الحب

ربنا بس يسترها لأنى واحده مزاجيه وممكن تلاقينى بكره بنفض المدونه وقافلها ربنا يستر

.............

طبعا اتكلمت كتير

بس نفسى أقولكم حاجه

ان كل يوم بيعدى عليا فى الدنيا بحس انه أكيد بكره أحلى

وان بجد أجمل شئ فى الدنيا حياه فى طاعه مع صحبه صالحه

وان أمتع شئ قلوب تحبك وتخاف عليك وتحزن لحزنك وتفرح لفرحك تحس بيك من غير ماتتكلم وتطبطب عليك من غيرما تلمسك وتشاركك كل همومك حتى لو بعيد وتتمنى لك الخير والتميز ويبقى نفسهاتكون أحسن حد

القلوب ديه تستحق منى انى اقولها أنتم أجمل شئ فى حياتى ولن أبعد عنكم أبدا وفعلا الأرواح جنود مجنده زى ما علمتنى القلوب الرقيقه ديه


وأن أروع لحظه لما دموعك تنزل وتحس بأيد بتمسحها حتى لو بعيد


وأن أسعد لحظه لما تكون فى حضنك امك وفى وسط عيلتك رغم صداع الأشبال الجدد


وأن أصفى يوم لما الدنيا تتضحك وتكون بتتمشى مع أصحابك وتتضحكوا من قلوبكم

بحبكم اوووى ياكل اصحابى


وان رغم غياب أجمل ما فى حياتى لازم من الوفاء انى أقول لأجمل بابا فى الدنيا كنت بتعملى أحلى بارتى فى الدنيا كل سنه .انا لسه بعمل بس معلش السنه دى ماما انشغلت شويه لظروف عائليه

بس متخافش حقى مش هأسيبه

ورغم الغياب معايا الى الأبد

ع فكره أنا كبرت ياحبيبى

وكبرت أحلامى معايا

متخافش بيدلعونى برضه

بس طبعا مش زيك

بحبك

.........

وكل سنه وأحلامى بتتحقق

كل سنه وربنا يثبتنى ع طريق الدعوه

كل سنه وانا وسط اجمل قلب وأحن أم وأجمل عيله

كل سنه ورفقاء الحلم بيقونىوبيدعمونى

كل سنه وانا طيبه

وكفايه كلام كتير

ع الهامش

صور التورته مريم حبيبتى هيا اللى جايبها

يلا مش هأخلى فى نفسكم حاجه

بحبكم