Friday, August 15, 2008

يوم من حياتى

السلام عليكم
انهارده كانت حفله ختام التحفيظ فى مسجدى الحبيب
الحفله الحمد لله الى حد ما كانت حلوه
انهارده بجد كان حلو جداااا فى حياتى
اى نعم مش زى ما اتدربنا وزى ماتمنينا لكن كل الناس كانت مبسوطه
بجد كان يوم حلو جدا
انا فى حياتى بحب اوى الشغل
وياسلام لما أكون بمارس حاجه بحبها
انا بعشق حاجه اسمها الأنشاد والاخراج
طبعا مكنتش لوحدى
كان معايا اخواتنا اللى كانوا بيحفظوا معايا
كلنا تعبنا
اى نعم حددنا الحفله بسرعه ومش دربنا البنات الا اسبوع
لكن احلى مافى الموضوع
روح البنات نفسهم وحرصهم على الحفله
طبعا البنت اللى كانت بتقدم الحفله مع شويه تدريب كده هتبقى تمام اوى فى التقديم
ربنا يكرمها
قدمت الحمد لله تمام
بدأنا بالقرآن
ثم احاديث
وبعدين نشيد
أسلامنا كله حياه
البنات الحمد لله
كان اداءهم جميل
بس مش عارفه ليه كنت حاسه انهم كانوا اجمل فى التدريب
المهم يعنى
بعد كده أنشدوا
هما مين دول
مجموعه اللى فى سنه اولى وتانيه ابتدائى وحضانه كمان
انشدوا
منعونا نحلم وننام
بصراحه كانوا جامديين جدااا
واللى كانت بدربهم
صاحبتى الى انا كنت كاتبه عن خطوبتها
بصراحه البنات طلعوا عنيها
بس كله فى ميزان حسناتك يامنى
بعد كده كان الدور على الأسكتش
استاذ سعيد الحر
وكان بيتكلم عن الحجاب والحريه
البنات ابدعوا
بس .......الحمد لله على كل شئ
ثم جاء دور الكلمه
لأخت انا عن نفسى لها مكانه خاصه فى نفسى
هيا بالنسبه لينا مش مجرد اخت مسئوله عننا
هيا صوره حلوه جدا امام اعيننا
احسبها ولا ازكى ع الله أحدا
وكانت الكلمه عن رمضان والأستعداد له
وبعد كده
كان الدور على نشيد رباه يارباه
وبعديه
بابا تليفون
وبجد البنوته اللى غنته كانت عسل وكلهم كان تمام
ثم النشيد الختامى
لا لا مش هنفارق
بجد هيوحشونى اوووووووووووووووى البنات
هيوحشنى لما كنا نجيى ويقعدوا يرفرفوا حوالينا زى العصافير
بجد الأطفال دول نعمه
حسيت معاهم البراءه والحب
وبجد كانوا مع بعض كويسين اوى
فى التدريب
كان نفسى ندربهم اكتر
الحمد لله
بجد المسجد وتربيه البنات والأولاد فيه من أعظم الأمور
دور المسجد مش مجرد دار للصلاه وفقط
وانما يخرج منه النشئ ويخرج منه المجاهدين
يخرج متسلحين بالدين والأيمان
دورنا احنا ان احنا نزرع حاجه حلوه فى البنات والولاد دول
ياترى ربنا هيقدر لنا العيش للسنه اللى جايه وننزل المسجد للتحفيظ تانى
اللهم استعملنا ولا تستبدلنا
وتقبل مننا جميعا عملنا خالصا لوجهك الكريم
اللهم ارزقنا ثباتا على طريقك
مش قادره أوصف لكم بجد فرحتى
بيهم النهارده
وبرضه زعلى على انى مش هاشوفك الا نادرا
نسيت اقولكم بقى على نجمه الحفله النهارده اخت اخت معانا
لسه فى تانيه حضانه بس ماشاء الله عليها بجد فى الحفظ
وماشاء الله عليه فى الحفله انهارده فى منعونا نحلم ونام
بجد انا متوقعه
ليها مستقبل باهر جدا
زى اختها
ربنا بس يهديهم لما يكبروا ويفضل أثر المسجد معاهم
حتى لا بعدوا شويه هيرجعوا تانى
فاكرونى النهارده بنفسى
لأن من المسجد كانت البدايه ثم بعدنا شويه ورجعنا تانى
التربيه فى الطفوله بتفرق كتيييييييييييييييير
وبتحط بذره الخير جوانا
حتى لو بعدنا بنرجع تانى
معلش البوست ممكن يكون متلخبط شويه
بس اان خرجت اللى ف قلبى بسرعه لأنى عايزه أكتب
بس بجد اوصيكم ونفسى باننا نشتغل لله
فى اى مكان نروحه
وربنا يجبر تقصيرنا مع البنات ديه
ويرزقنا الأخلاص
فى أمان الله

33 comments:

أميرة محمد محمد محمد said...

ربنا يكرمك ويعزك يا قمر
بجد لو كلنا عملنا اللي بنحبه واختارنا المجال اللي بنحبه كل حاجه هتتغير
ربنا يقدرك وتقربي من الناس اكتر
ويرزقك القبول
سلام

dr/tito said...

الله بجد
الموضوع حلو اوى
تعرفى
انا فى مسجد جمبنا بيعمل حفلات نهايه التحفيظ دى
وكان فى فتره انا اشتركت فيها
اد ايه كانت فتره حلوه اوى
وكنت انا مستمتع
وبجد ربنا هيجازى خير كل اللى فى الحفله ده
وبجد الموضوع رائع
وفعلا لو كل واحد عرف قيمته
ودوره فى المجتمع
هنبقى كويسين اوى
شكرا يا دارين على الموضوع
ربنا يجازيك خير

حسن حنفى said...

بسم الله ماشاء الله

ربنا يبارك في حضرتك

بوست مميز

walaa rizk said...

اميره محمد محمد محمد

اهلا بيكى ياحبيبتى

زى ما انتى قولتى لو كل واح داختار مجاله هنغير

بس قد يكون مجال الشغل غير مواهبك

ربنا يقدرنا ونقدر نشتغل اكتر ونعمل ذره من حقه علينا

وماقدروا الله حق قدره

walaa rizk said...

dr\tito

اهلا بيك اولا

بصراحه تعليقات رابطه منتدانا بصراحه بتشجعنى جداااا

بجد زى ما انت قلت بتبقى مستمتع

كفايه الاطفال والله

جزاك الله خيرا على التعليق الجامد ده

walaa rizk said...

حسن حنفى

أميره سبقتك كنت دايما اول اتعليق يلا مش مشكله

منور والله

جزيت خيرا ع التعليق

ست البنات said...

مبروك على الحفلة
وأن ربنا تمم لكم على خير

مدونتك حلوة :)

Anonymous said...

جزاكم الله كل الخير يارب
التعليم ف الصغر كالنقش ع الحجر
انا الله لايضيع اجر من احسن عملا

عاشقة القمر said...

الموضوع حلو اوى
الموضوع حلو اوى
ربنا يبارك في حضرتك

walaa rizk said...

ست البنات

جزاك الله خيرا على تعليقك ومرورك

walaa rizk said...

احمد

اهلا بحضرتك فى المدونه
وجزيتم خيرا على التعليق

walaa rizk said...
This comment has been removed by the author.
walaa rizk said...

عاشقه القمر

الله يكرم كيا قمر

منوره المدونه

Unknown said...

ماشاء الله
تقبل الله اعمالكم ,ونفعكم ونفع بكم,
فعلا دور المسجد مهم جدا في التربية في الصغر والكبر ايضا,
ان ترك المساجد كارثة بحق علي المسلمين لانهم فقدوا الحضانة الاساسية والرئيسية للمجتمع المسلم
وقد قال ابن مسعود عن صلاة الجماعة
"علمناها وما يتأخر عنها الا منافق معلوم النفاق"
---
فعلا الاطفال هم امل هذه الامة يجب ان نضع فيهم بذر الاسلام من منبعه الصافي ونعلمهم ان الاسلام منهج حياة شامل كامل لكل مظاهر الحياة فإذا ارادوا السعادة والضحك واللعب والتفوق فعليهم بالاسلام
---
ممكن تتفقوا علي يوم في الاسبوع او الشهر في فترة الدراسة تتقابلوا فيه في المسجد زي يوم الجمعه مثلا ,ويكون يوم ترفيهي فقط لربط الاطفال بكم دائما ,
وجزاكم الله كل خير و احسن الله اليكم

Anonymous said...

بارك الله فيكم

زمرده said...

الله يبارك فيكم ويجزيكم الخير انتي والى
معك , حقيقي جميل انك تقضى وقتك بعمل
الخير , وجميل كونك مستمتعه بهذا

الله يسعدك دائما حبيبتي ويعينك
وعلى فكره لك وجب عندي بس بماانك
مشغوله خليه على راحتك وقت ماتحبي خذيه

والله يوفقك ويسعدك

walaa rizk said...

اخونا الفاضل

الفاتح الجعفرى

اولا جزيت كل الخير على تعليقك

فعلا انا بتلمس فيهم الأمل
البنات ماشاء الله عليهم

فيهم خير كتيير اوى

بس يحسن استغلالهم


ونصيحه ان احنا نقابلهم بأذن الله فى خطتنا فعلا

منتظرين مواضيع حضرتك

بقالك كتير مش بتكتب

walaa rizk said...

ِِAdem El-Mahdy

جزاكم الله خيرا

walaa rizk said...

زمرده

الله يكرم كويعزك

وحشانى اوووووى

اكيد هاجيى

والحمد لله فضينا شويه نجاوب التاج

احنا نقدر نتأخر عليكى

"النجم القادم" said...

تقبل الله منك

انا نجحت على فكرة

امنية said...

للأسف مفهوم المسجد عند أغلب المسلمين هو مكان للصلاة وفقط!

المسجد حياة

ربنا يبارك فيكي

.

.

نفسى اشوفك أون لاين !

سمية-بنت البنا- said...

السلام عليكم ورحمة الله وبركاته

حبيبتي عاشقة الأقــصي ...

كيف الحال:(..؟


أتعــرفي ..أنا عائدة الان من حفلة لدينــا .. وكانت رائعة بفضل الله تعالي..

ذكرتني كلماتكِ اخيتي بهــا ..

جعل الله حفلتكمـ ودعوتكمـ وعملكمـ بالمسجد في ميزان حسناتكِ ...

****
أحبك في الله
اشتقت لحديثي معكِ
اعذريني لتقصيري..
بوركتِ غاليتي
___
أختكِ::
سمية_بنت البنا_

walaa rizk said...

اخونا النجم القادم

جزيتم خيرا على مرورك

والف مبروك

ونا بارك تهناك فى مدونتك

walaa rizk said...

امنيه
عندك حق والله

دا احنا بنشوف حاجات من الناس الكبار فى المسجد

هداهم الله بجد

الحمد لله

انتى وحشتينى جدااااااا

بجد انا كمان نفسى اشوفك اون لاين

walaa rizk said...

حبيبتى

اخجلتينى بكلماتك

انا لما كلماتك مكنتش قرات هذه الكلمات

اما الحفل

فصدقا كم تسمو قلوبنا بهذه الاعمال

رزقنا الله الاخلاص

اولا واخيرا
بوكت ياحبيبتى الغاليه

وبورك لدعوتنا التى جمعتنا

وربنا يكرم مخترع النت

عاشــــــ النقاب ـقــــة"نونو" said...

ربنا يبارك فيكن ويجله في ميزان حسناتكم جميعا
كل عام وانتي الى الله اقرب

الزهراء said...

للاسف معندناش مسجد نقدر نمارس فيه انشطتنا
لكن طبعا دعوتنا لا تتوقف والحمدلله البيوت موجودة والتحفيظ شغال
.......
بس الحمدلله عملنا حفلة الجمعة اللى فاتت فى نادى الصيادلة مع باقى الشعبة
ومجموعتى قدموا نشيد الاسلام غيرنى كتير والاداء كان حلو الحمدلله خصوصا انهم ادربوا عليه فى نص ساعة بس .
ربنا يتقبل منكم ويبارك فيكى و كل اخوات المحلة وادعيلنا تتحل مشكلة
المسجد.
..............
دمتِ بكل الخير حبيبتى

walaa rizk said...

عاشقه النقاب

منورنى والله

جزاكى الله خيرا على تعليقك

walaa rizk said...

الزهراء

انتم يا بنتى عندكم واخدين النقابه لحسابكم

اللهم لاحسد والله

ربنا يخليكى ياقمر

على تعليقك


وحاضر هدعيلك

خالد فوده said...

لالالالالالالا
انتي بتعشقي حاجه اسمها الانشاد
انا بخاف من الانشاد وقرأه القرأن علي الملاء
انا مع نفسي في الحمام
مع ان فيه اخوه
بيقولو لي انت صوتك جميييييييييييييل
مش عارف اعمل ايه
اكيد انتي مريتي بالظروف دي

eman alaa eldin said...

الله ..بجد احساس اوى
لما تكون عندنا حفلة فى المسجد او فى اى نادى بيكون اليوم جمييل اوى والبنات الصغيرين بيبدعوا بجد

وفعلا جميلة اوى النصيحة اللى فى الاخر اننا نعمل كل حاجة لله فقط
وربنا يجعله فى ميزان حسناتكم

على فكرة انا كتبت بوستين عن الامام حسن البنا ياريت تشوفيهم

Anonymous said...

السلام عليكم
تقبل الله منكن يااستاذة وجعل ذلك اليوم في ميزان حسناتكن
تربية الاطفال شئ مهم للغاية
اعانكم الله
والسلام

مصعب رجب said...

أختي الكريمة :

بالنسبة لمستوى الأداء أثناء التدريبات ثم أثناء الحفلة

يوجد العديد من العوامل التي تسبب في انخفاض المستوى منها عامل السن ( كلهن زهراوات في الابتدائي على ما أظن )
ومنها أيضا عامل الرهبة من الجمهور وهذه نقطة أساسية .
إذا كان كثير من طلاب الجامعة ينسى كل ما قام بتحضيره بمجرد أن يصعد على المدرج ليقول كلمة للطلاب فما بالك بأطفال صغار ؟

في النهاية عندي تساؤل برئ ؟
ما الذي يمنعكن من الاستمرار مع البنات في حلقات مسجدية ولو مرة واحدة اسبوعيا ؟
جزاكم الله خيرا
والسلام عليكم ورحمة الله وبركاته