Friday, January 30, 2009

فخفخينا

اخييييييييييييييييييييييييييرا

السلام عليكم ورحمه الله وبركاته

بعد فتره عصيبه جدا مع الأشتباكات العقليه بيننا نحن طلاب الفرقه التانيه كليه العذاااااااااااااااااب الطبيعى

اخيرا وحصريا اخدنا اجااااااااااااااااااااااااااااازه ودا فى حد ذاته انجاز حضارى

أذهب عقل البعض فقامت احداهما بزرغوطه حلوه كده بعد الامتحان فى ساحه الكليه

وجعلنا طلعين سيكو خالص من امتحان السيكولوجى

هذا وقد أفادت مراسلتنا من امام كليه العلاج الطبيعى ان الحاله العامه لعموم الطلبه الفرح الشديد لا لشئ الا انهم خلصوا امتحانات

وعدت الى قواعدى سالمه بأقل خسائر ممكنه

كانت معاكم مراسلتكم

عاشقه الأقصى

ندخل بقى ع المهم وابطل هزار
.................
اولا انهارده 30-1-2009
6اعوام

احب أبعت رساله الى شخص غاب ولن يعود وأقوله أحسنت البناء لاتقلق

مازالت على عهدى معك

.............

اخدت الحمد اجازه دا معناه حاجات كتيير مش كتير اوى ناويه اعملها ان شاء الله

الله المستعان بس ع التنفيذ


..........

اهم حاجه اثناء الامتحانات كل الابداعات الكتابيه بتخرج

من طقوسى المعتاده انى قبل المذاكره بعد لما استفتح كده وأقرآ قرآن أمسك الكتاب هما خمسه عشر دقايق ويبدأ يتسرب الملل

كنت معله جدول الامتحانات وفوقه الآيه(والذين جاهدوا فينا لنهدينهم سبلنا)

اقول يارب قوينى واقول لنفسى يابت استحملى معلش انتى الكبيره ذاكرى بس كده والدنيا هتمشى
اعصر على نفسى كيس لمون واحاول وبرضه ما فى فايده

ابقى افتكر اى حاجه تخنقنى فاعمل فيها البت المخنوقه او حاجه تضحكنى والتهييس يشتغل

لكن لما كانت الدنيا تقفل اعرف اللى فيها واجيب الكشكول واعد اكتب اكتب اى كلام واى حاجه

المهم يعنى كنت ساعات فى حاجات بكتبها بتبقى كويسه بس بحب احتفظ بيها فى اوراقى ومش بحب أنشرها رخامه يعنى

بقولكم ليه

برضه رخامه

.................


انهارده يوم اللخبطيطه العالمى فاحكيلوكم على حاجه رائعه جدا

قبل الامتحان انا واتنين من صحابتى بنقعد نراجع المهم

انا كعادتى فى ناس واخدين فكره عنى انى سوسه وبدوووس اوى فى المذاكره

رغم انى مش كده ولله الحمد

انا الحمد لله بذاكر بس مش ببقى قاعده مع الدكتور وهو بيحط الامتحان
المهم مره قلتلهم شويه حاجات وجات فى الامتحان

غلطه يعنى

من يوميها

كل لما يشوفنى ايه الامتحان هيجى ازاى

رديت وقلت

صدقونى ياجماعه الدكتور ما اتصلش وقالى وضحكت


وكذلك يوم امتحان العملى فى الباثلوجى مكنش عارفيين هنمتحن فين كل اللى يشوفنى ايه الامتحان فين

قلتلهم ياجدعان انا مش سكرتيره العميد

حاجه تجن بس تتضحك
.......

ايام الامتحانات بقى كلها نوادر زى نوادر حجا

مثلا مثلا يعنى حاله من هيستيريا الضحك تيجى لينا فى اللجنه

اللى ورايا فى امتحان طول الامتحان بتحسبن

بتقول حسبى الله ونعم الوكيل

للناس اللى جايين من الهند الشقيق

بس صراحه خرجت من الأمتحانات عندى اقبال ع الحياه

يمكن لآنى كنت فى الفتره ديه حالتى النفسيه صعبه جدا وحاولت اتصالح مع نفسى

لانها كانت بتتطلب منى نكد

بس حاسه انى الى حد ما بدأت اعرف الطريق اللى انا عاوزاها

مش اللى انا موجوده فيه

بقول ألغاز وطلاسم والنهارده يوم غريب

بصوا استحملوا بقى كل الكلام الكتير ده وان شاء الله

وصدقا كل واحد معاه مفتاح سعاده نفسه


اخر حاجه حابه أختم بيها

غزه رمز العزه ورمز الصمود ورمز التربيه الايمانيه

اوصى نفسى واياكم

الا نبخل بآى جهد من أجلها

القضيه مستمره
والسلام عليكم>

Friday, January 23, 2009

ماذا بعد؟؟؟؟؟؟؟

السلام عليكم

طبعا كبدايه لا يعتقد احد من البشر انى خلصت امتحانات لا سمح الله الحمد لله انا أرفع شعار مطحون مطحون مطحون ياولدى

بأذن الله هأخلص يوم الخميس بعد عناء وتعب ومذاكره من زماااااان وانا بمتحن الحمد لله على كل شئ


نسالكم بقى الدعاء يوم الاحد فى ماده حبيبه الى قلبى والواحد نفسه يجيب تقدير ندخل بقى عل المفيد

الفتره اللى فاتت كانت فتره عصيبه جدا

فتره عصيبه على الامه كلها وفتره عصيبه عليا شخصيا

كان نفسى صدقا أكتب وأتابع أكثر ربما تابعت الكثير والكثير عن مايحدث فى غزه لكن صدقا مكنتش بقدر أكتب اى حاجه اى حاجه

كان أحساسى ان مش عارفه لا أجمع أفكارى ولا أكتب كنت غالبا لما كنت تلح عليه نفسى انى اكتب كنت بكتب ع الورق

ولكن جئت النهارده عشان أقول لكم عن أشياء مهمه

فى زياره فريق أصدقاء لجنه الاغاثه لمستشفى الهلال الأحمر

كانت هناك حالات كتير صدقا لم أتخيل ازاى الواحد استحمل انه يرى الحالات ديه دون أن ينهار

ولكن الأشياء اللى لفتت نظرى

قوه وتماسك وصبر معظم المرضى ايمانهم الشديد بالنصر وايمانهم بان ماحدث ماهو الا منحه ربانيه

كانت العزه تخرج من عيونهم والله صدقا وليس مبالغه

معظهم كان ماشاء الله عليهم احنا بالنسبه لهم احنا اللى نحتاج حد يزورنا ويدعمنا

ام هم فالعزه فى اعيهم وفى كلامهم

كانوا سعداء جدا بينا

لدرجه انى مكنتش نفسى امشى واسيبهم

كنا بنلح عليهم جدا لكى يطلبوا اى طلب وكان كتير بيرفضوا نهائيا وآخرون بعد الحاح شديد

واحد منهم شاب صغير قالنا أنا هطلب منكم تلات طلبات شديده اوى تقدروا قولنا ليه ان شاء الله

قالنا
1 تدعولى فى كل صلاه
2 تتدعولى وانتم بتصلوا قيام الليل
3-تتصلوا تتطمنوا عليا

شوفتوا قالنا آيه

هذا الجريح اللى فى نظرى بطل يستحق ان كلنا نرفع ليه القبعه احتراما

رجليه الاتنين مبتورين وعلى ما أذكر ودراع كمان مبتور

ولو رأيتوا هذا البطل هتعرفوا يعنى آيه كلمه الصبر المتمثله فى ابتسامته التى لاتفارقه

الحكاوى كتير عن الجرحى لكن دى أكتر حاجه أثرت فيا

ياجماعه القضيه مش عاوزينها تتنسى بوقف أطلاق النار

غزه تحتاج جهودنا بجد تحتاح ان احنا نفكر ازاى ننصرها بكل مااؤتينا من قوه

لن أطل عليكم

واسألكم الدعاء وبشده يوم الاحد الساعه اتنين ظهرا بتوقيت القاهره

بس الله يكرمكم ادعوا باخلاص شويه عشان انها البيو كيمسترى

والله المستعان

Thursday, January 8, 2009

غزه لن تموت (جروب على الفاس بوك محتاجينكم معانا)


تحديث مهم
تم ترجمه الرساله الموجوده ع الجروب بالانجليزيه
ياريت ياجماعه كلنا نشترك ونبعت رسايل لناس كتير نعرفهم بالقضيه وخصوصا الناس الاجانب اللى مش عارفيين حاجه عن قضيتنا لو الرساله عجبتكم ابعتوها ولو لا ابتكروا وابعتولنا واحنا ننزل كذا صيغه للرساله

غزه لن تموت






جروب على الفاس بوك






بجد محتاجين الناس جدااااااااا معانا نظرا لان احنا عندنا امتحانات






الفكره على الجروب والتواصل من خلاله ياريت ياجماعه تتفاعلوا معانا






Monday, January 5, 2009

بكره ياليفنى هتبكى كتير



ع شريط الجزيره ومن لحظات




ليفنى تقول




ان العمل مستمر ضد الأرهاب وضد حماس




آين الأرهاب هذا




هو قتل الاطفال ده ضد أرهاب




ارهاب آيه اللى هيه بتقول عليه


أرهاب العزل ولا ارهاب الثكالى




ارهاب مئات الشهداء والآلآف الجرحى




اى آرهاب ياليفنى




اى أرهاب




ولكن عندها حق




احنا اللى هانت علينا نفسنا




احنا اللى حكامنا الخونه واحد واحد




باعونا




احنا اللى بعدنا عن طريق ربنا فحصل فينا كده




لكن ماذنب الاطفال ماذنب الأبرياء




كذبتى يا ليفنى لو قلتى بتحاربى حماس




كذبتى




من أعوام واعوام وانتم تدكون بيوت الفلسطينين




تقتل وتشردوا




تاريخ معلمك شارون فى المذابح أسود




لم ننسى قانا وصابرا وشاتيلا وخان يونس




لم ولن ننسى




لم تكن حماس حينها فى السلطه




ليستيقظ العالم كفايه بجد كفايه




التحرك الدولى بطئ




العالم بيتفرج ع أطفال المسلمين وهما بيبادوا




صدقا لا أعلم اين الأأرهاب هذا




هما لما نرد ع المعتدى نبقى أرهابين




ليفنى تقول عليهم آرهاب




وحكومتنا تصفنا بمهددى أمنها




قرأت ع الشريط نفسها ان قوه الأمن المصريه منعت مظاهرتين فى القاهره




هأحاول أعرف تفاصيل وأكتب




والله والله والله




ستبكى يا ليفنى كثيرا




لن تضيع دماء أطفالنا أبدا




ياجماعه انا بكتب وبصراحه مش عارفه أقول آيه او آكتب آيه




كلامنا مش هيداوى الجراح




ولا هيجيب اللى راح لازم نعمل حاجه




ولكنها تذكره






حسبى الله ونعم الوكيل




عودوا الى دينكم تعد لكم عزتكم




Sunday, January 4, 2009

................


لملمت كل أغراضها المتبعثره هنا وهناك وارتشفت رشفه من كوب الكوفى ميكس وهمت ان تجلس لتذاكر.احيانا تتولد لديها الرغبه أن تكتب ولكنها تكتب عن ماذا وعن من.عن احلام وآمال عن سعاده ام عن حزن.تكتب عن من عن حبيب غائب ام صديق مفتقد ولن يعود.كثيره هى همومها أكبر من حجمها كثيره الأشياء التى تشغل عقلها.تبحث عن من يحترم تفكيرها ويشاركها رفيقه من الرفاق ولكن الجميع بالنسبه لها سواء قد تزيد الموده بينها وبين احداهما ولكن فى النهايه هى تعيش أحلك الأوقات وحدها.لايهم كثيرا ذلك فى مسيره حياتها تمضى ولاتبالى فحوادث الحياه جعلتها تقرر هذا.كل شئ جميل تحاول أن تتذكره تحاول ان تضعه امام عينيها عندما تكتئب او تثبط عزيمتها.تتذكر هذه الأبتسامه التى تحبها وهذا القلب الذى يحبها دون اى مقابل.تتذكر أشخاص يقتسمون معها أحلامها حتى وان كانوا بعيدين.تتذكر ماضى ذهب ليس لتعيش فيه ولكن لتجد السلوى ايام قد مضت فى دلال وطفوله جميله.تعود بذاكرتها للواقع الذى أمامها ولكنها تأبى أن تتضيع الفرصه فتعود لتفكر عن ماذا أكتب كثيره المواضيع كثيره الاحداث فجرح غزه مازال ينزف والعام الجديد أقبل والصداقه الضائعه تصلح.ومواضيع تحيرها فى علاقات العمل بين الاولاد والبنات تلح عليها لكنها وجدت نفسها لاتصلح الآن الا ان تتحدث عن شئ واحد.انها لاول مره تحس انها كسبت نفسها ربما لانها تحاول ولا تيأس ربما لأنها تربى نفسها بنفسها.ربما لانها منذ فتره طويله لم تجد لذه القرب من الله مثل هذه الأيام.غريبه هى بالفعل غريبه صدقونى انا اعرفها جيدا غريبه ولكنها فى نفس الوقت تبحث عن البساطه لا تحب التعقييد غريبه لانها الى الآن مازالت تبحث عنها حتى مع وجود كل الرفاق.غريبه هى لانها مازالت تعيش بقلبها رغم الكثير الذى ألم به.لا أمدح فيه ولكن مهما كانت غرابتها لن تتغير الى الأسوء ولكنها ستتغير بنفس القلب ونفس الجنون ستتغير الى الاحسن لتكون .لا يهم كثيرا الآن غرابتها او قلبها جنونها او عقلها.المهم انها كتبت عباره فى آخر كلامها (لست وحدى)وعادت لتذاكر من اجل واقع ملموس