Saturday, December 13, 2008

متفرفات

سأسافر

هكذا ينطق عقلى الآن يقولها بشده ستتركين مكانك لأيام ق تكون اطول من اى مره لكن هناك سفر

لا أنكر اننى توحشنى أصحابى توحشتنى المذاكره بما أنى هنا لم أنجح فى تحصيل اى شئ

ولكنى سأفتقد أشياء

لم اعد كسالف عهدى أكتئب يوم سفرى

لكن هذه المره بالذات كانت بالنسبه لى كخروجه من وسط كم من الضغوط هناك

كنت أتمنى ان تتطول اكثر

لا أعرف ماذا حدث لى

أصبحت لا اتمنى ان اتواجد وسط حياتى هناك

من الممكن انه عندما تزيد الضغوط وتجد مخرجا تحاول ان تتشبث بيه ولكن تقريبا

معظم الضغوط قد زالت
اتمنى ان تكون فتره الامتحانات فتره لم للشتات نفسى
...........


هناك من اريد ان اكتب عنها كلمات ولو قليله

انه انسانه من اغلى الناس علي وبالطبع لا اتحدث عن أمى لأن كل كلمات الكون لاتكفى من أجلها بارك الله لى فيها

لكن انها حبيبتى ورفيقتى مريم(أميره الجنه)كما تكتب على مدونتها

صدقا كم أحب هذه البنت التى طالما تحملتنى حتى عندما بعدت عنها لفتره كبيره وعدنا من جديد اصدقاء عادت لى وبكل قوه

اكتب لها كلمه

هنا من اجلها

حبيبتى ستمر الايام بحلوه وبمرها ولن يضيعك الله
ثقى فى الله
هى تفهم ما اقصد

...........

هناك أحيانا أشياء تجعلك تتعجب من نفسك لماذا تضيع أوقاتنا مننا

وبكل مره نحاول أن نقوم لنستثمر ما بقى ونفشل
مع علمنا بقيمه الوقت

هل لأننا لا نملك الأراده ام لاننا احيانا من كثره ما نكون فيه نفقد السيطره

كنت قد رسمت خطه للمذاكره فى العيد ولكن وللأسف لأسباب عديده فشلت الخطه

لتعلن عصيانها على

لكنى صدقا اسأل نفسى لماذا؟؟؟؟؟؟؟؟؟؟

................


فى الخيال أحيانا نعيش ولكن عندما يتملك منا الأيمان بالفكره ونرى كل تفاصيله نعمل فيصبح الحلم حقيقه

بداخلى أحلام ساعمل بعون الله وقوته لتتحقق وأسعد فى النهايه
سأكون كما أنا ولكن بقدر اكبر من الواقع يحرك الحلم
.................

كل يوم نكبر وتكبر أفكارنا معنا كل يوم نقابل أشخاص نتعلم منهم

نوضع فى أماكن قد لانرى أنفسنا بداخلها ولكننا ننجح

احيانا وسط نجاحاتك تجد من يحطم لك فرحتك بها

ولكن حتى لا تظن ان النجاح من صنعك انه من صنع الله

..............


فى ظل كل هذا أحس وكأننى أطير فى السماء روحى تهفو وبشده الى الله

سأسافر الى الله

سفرا اناجى فيه ربى

سأسافر ولعلنا نجدد توبتنا اليه

واملى ان يرضى عنى ربى

اللهم ارزقنا التقى والهدى والعفاف والغنى

................

تكلمت كثيرا وكتبت اليكم

ساغيب ولكن سأتابع

ادعو لى وبشده لأننى فى أمس الحاجه الى الدعاء

والسلام عليكم ورحمه الله وبركاته

دمتم جميعا بود وخير

Sunday, December 7, 2008

بكره العيد ونعيد

كل عام وأنتم الى الله أقرب وعلى طاعته أدوم
وبكره العيد ونعيد وسيبك بقى من اى حاجه فى الدنيا وحشه كانت او حلوه بكره صلاه عيد ونلقى الاحبه بعد غياب ولمه عيله رغم انهم مأنسين كتير هههههههه عندنا حضانه سى معاذ وسى نور لحد لما خلاص دماغى ضربت

والعيد فرحه وان شاء الله لا يأتى العيد القادم الا والأسلام عزيز وعندنا يقين فى ان النصر بأيدينا هنصنعه

عشان كده فى كلمات حبيبت اكتبها لبعض الأشخاص

الى حبيبى دائما الى أرق قلب عرفته فى حياتى اليك بعد الرحيل أقول لك
اذا فرقتنا الدنيا فعند الجنه الملتقى سنهنأ لا محاله

كل عام وانت فى القلب دائما يا أبى
..........
الى رفاق الدرب

انتم فى القلب ترسمون أجمل صوره بك مهما اختلفت الرؤى فالغايه واحده

ومهما بعدت المسافات فورد الرابطه يجمعنا

كل عام وانتم فى سبيل الله وهبتم الحياه فأصدقوا العهد مع الله
.................
الى من تستحق الكثير والكثير

الى أرض العزه الى أرض الصمود

الى غزه

عذرا فلا وجه لى حتى أقول لكى كل عام وانتى ابيه كل عام وانتى شامخه ونحن نصنع العار بأيدينا

ولكنى اقولها وبصدق لعل العيد القادم يأتى ونصلى جميعا فى المسجد الأقصى ونزورك وتزول الخطوب
.......................
الى من رسموا معى احلامى بالرغم من جنونى

من تحملونى وجعلونى فى حياتهم

من كانت كلماتهم البلسم لى عند الألم
كل عام وأنتم الى الله أقرب
......................

الى زوار مدونتى ورفاق درب التدوين

رسمتم معى بكلماتكم حياه مختلفه

أشتاق اليها دائما واحن الى تفاصيلها

بوركتم للأسلام وبورك كلماتكم

كل عام وأنتم أحرار
....................

الى كل معتقلى الحريه

من المحاكم العسكريه الى المدونين الى حمله الاعتقالات الاخيره

انتم الاحرار وانتم الأبطال

كل عام وانتم أحرار وانتم تضحون بانفسكم من اجل كلمه الحق

لاتهنوا ولاتحزنوا وأنتم الأعلون

انتم أحرار بالرغم من كل القيود
....................
الى الامه التى تأن من كثره الجراح فى مشارق الأرض ومغاربها الى الشيشان والبلقان والقوقاز وبورما وكوسوفا
الى العراق ولبنان وفلسطين وسوريا

الى كل شبر يهان فيه الأسلام

الفجر قادم وسنرسمه بأيدينا

كل عام وانتم مرابطون

رساله خاصه الى نفسى

ان بعد العسر يسرا

والعيد فرحه الله يكرمك
تقبل الله منا ومنكم..............

Friday, December 5, 2008

لأنهم أحرار

لا أجد بدايه تعبر فنحن أصبحنا نعيش فى وطن ليس بوطننا وطن يذبح ابناءه وطن يزداد كل يوم حاكميه فى قمع كل من يقول لا.وطن أصبح لفظ مدونه فيه خط احمر يهز لواءات الداخليه ويجعلوهم يهبوا من مكاتبهم بحثا عن هذا المدون.وطن لا يملك من أمره شيئا لأن الفساد انتشر فى اواصره وللأسف بيد من يدعون ابوته لهم.وطن يعتقل فيها الشرفاء لا لجريمه سوى انهم شرفاء
مؤكد كل قرأ وسمع اعتقال المدون محمد عادل آسفه اختطاف المدون محمد عادل وعبد العزيز مجاهد ومحمد خيرى ومن قبلهم حسام الوكيل ومسعد ابو الفجر
طويله القائمه
مفزعه التفاصيل
تعرض محمد عادل للتعذيب هو وعبد العزيز مجاهد
هذا ما قراته من لحظات
لماذا
لانهم يحبون هذا الوطن
لانهم يحبون غزه ودخلوا الى القطاع والتقطوا صور تذكاريه مع قاده حماس
لأنهم يحبون هويتهم الأسلاميه
لماذا محمد عادل وغيره
لأنهم اصروا على ان يكونوا مع اخوانهم فى غزه
مع كل قضيه حقوق انسان
لماذا
المدونين يعتقلون
لأننا تحت حكم طواغيت يدعون الوداعه
لأننا فى وطن يحكمه الظلم
اكتب وانا صدقا بالرغم من يقينى فى النصر
اشعر بحال والد ووالده كل المعتقلين
اشعر باحساس ساره خيرت التى زفت الى زوجها دون أبيها
اشعر باولاد المعتقلين
والادهى انهم قاموا بحمله اعتقالات موسعه لكثير من الاخوان فى بعض المحافظات
تخيلوا عيد دون رب الأسره لا لشئ الا انه من الأحرار
كما قرات على مدونه حبيبتى اميره محمد محمد محمد
ما مات من قال لا
صدقا أقوله لكم وبقوه)
لن نموت اذا تحركنا
سنظل كما نحن ندافع عن حريتنا بكل ما أوتينا من قوه
اعتقال المدونين
لن يجعلنا نتراجع او نسلم الرايه
انه عهد مع الله
بل سيفجر بداخلنا روح المقاومه ولو بكلمه تهز عرش الظالم
ولو بصوره ترعبه
غريب فالطاغوت اصبح يخشى حتى الصور
لن تجعلوا منا هنودا حمرا
فليعتقلوا من يعتقلوا وليختطفوا من يريدوا
وليفعلوا ما يريدوا
لو اعتقل كل مدون
ستظل كلماتنا تشهد على ظلم الطواغيت لتذكر كل الناس
لن تكتم افواهنا
ونعلم ان الجريمه الشنعاء
للأعتقال
لأنهم أحرار

Thursday, December 4, 2008

مطحون مطحون مطحون

السلام عليكم
ازيكم وعاملين آيه طبعا الساحه مليئه بالمواضيع اللى المفروض نتكلم فيها بس حبيبت الاول ارسم ليكم صوره واقعيه لحالى وهدفى مؤكد مؤكد
انكم تدعو وتكثفوا الدعاء
الحمدلله اتطحنت طحنه تمام
وكنت مضغوطه جدا الأسابيع اللى فاتت
تقريبا اخدت نفسى النهارده
ومابين امتحانات وامتحانات وامتحانات
وأشياء لازم الواحد يعملها
الحمد لله الذى لايحمد على مكره سواه
بس الادهى بجد فى اللى جاى
سيادتنا هنبدا امتحانات العملى والشفوى للترم
يوم 18 \12
ومن يوم 18 الى يوم 29\1
امتحانات امتحانات امتحانات
انا عندى استعداد اكتبلوكم الجدول
يعنى ممكن يرأفوا علينا بيوم تلاته كده قبل اول ماده
الى وقتنا هذا مش متخيله انا هأقعد فى بنت المعز المده ديه ازاى
طب اخد عربيه اكل يعنى ولا آيه انا مش فاهمه
امنيه حياتى أعرف هو ليه احنا بنطحن كده
بغض النظر
انا خلاص بقيت بكتب على كتبى
وكتاب الفسيولوجى يشهد
كليه العذاب الطبيعى
بس بجد انا التدوين والمتابعه وحشانى موووووووووت
لكن العيد تقريبا مش عيد الا اول يوم وخصوصا الصلاه
يعنى بعد كده المفروض المفروضالمفروض
هنذاكر عشان العاصفه اللى هتهب علينا بألأمتحانات
انا خلاص والله هأعيط
بس حاسه انى الى حد ما مبسوطه
مش عارفه ليه
يمكن عشان معظم الضغوط خلصت
ولا عشان العيد خلاص قرب
هشوف الناس اللى مش بشوفهم خالص
انا أصحابى نسيونى ياجدعان
يلا محدش بياكولها بالساهل
احب أقولكم حاجه
ان شاء الله اكيد هنزل بوستات قادمه عشان نوفى حق كل المواضيع الكتير اللى ع الساحه
لكن وصيتى اليكم
غزه
لاتنسوها من الدعاء
ونفعل القضيه أكتر
وادعوا كمان لأخواننا المعتقلين
لان الاعتقالات شغاله نار
وطبعا التضامن مع محمد عادل صاحب مدونه العميد ميت ومحمد خيرى صاحب مدونه جر شكل
ان شاء الله اكتب أكتر فى مرات قادمه
لكن دعواتكم
بورك خطوكم

Saturday, November 22, 2008

يانفسى وحشتينى

وحشتينى
وحشتينى وأسفى انا ليك
بقولك بجد وحشتينى
وحاسه بغربتى فيكى
ومش عارفه أدارى شوقى لعينيك
لقلبك حتى وملامحك
نسيت ضحكه اللؤلى
نسيت الفرحه فى عنيكى
وحشتينى
وأكتب ايه
وحلمى جوا احلامك
وجرحى جوه أيامك
بعدى عنى سبتينى
لاقيت المر فى بعادك
يانفسى
يلا صالحينى
وآمحى آلمى وأنينى
يانفسى نفسى الاقكى
لأنك انتى عرفنى
وعارفه ان احلامى
بحضن يسمع لكلامى
وقلب يحس الآمى
مهوش لازم
نلاقى القلب يسمعنا
وايه لو ننسى اوجاعنا
اهو احساس
وبرضه بقولك
يانفسى
وحشتينى

I have a dream

Martin Luther King "I have a dream
"



August,28 1963





بدايه انا مش هأحلل الخطبه او هأعلق عليها



لكن هأقول ليكم خواطر مرت بداخلى عندما اتيحت لى الفرصه انى اشاهد فيديو الخطبه ديه



كنت بتفرج ع الخطبه عادى جدا


ولكن عنوانها هو اكتر شئ شدنى جدا



ازاى الراجل ده كان شايف حلمه قدامه واضح اوى



شايف ان السود فى يوم هيعيشوا مع البيض دون عنصريه



شايف ان حلمه هيتحقق



حتى لو مش دلوقتى



بيعلم الاجيال اللى جايه ان الحلم فى يوم هيتحقق


بس لو ركزنا عليه وعملنا ليه



وشوفوا بعد كام سنه اتحقق حلمه



وحكم امريكا



واحد من السود (أوباما)طب ليه انا بكتب كلامى ده



هل أنبهار بمارتن كينج



ولا ايه؟



اولا لنتفق انه قائد جمع حواليه محبيه على فكره



قائد قدر ازاى يحلم حلمه ويشوفوا كويس اوى



واتحقق حلمه



لكن أنا بس حبيت أوضح شئ



ان الناس ديه كانت بتحلم بفكره



بتعمل عشانها واتحققت



طب ما نرجع لينا بقى احنا



احنا معانا الحق وعارفين كده كويس



وفى فى الأسلام امثاله على كده كتير




رسولنا علمنا ازاى معنى القياده



فى مواقف كتير



وديننا ملئ بنماذج القياده
لكن الحكمه ضاله المؤمن

فلذا استعنت بالفيديو ده


انا اتكلمت عن الخطبه ديه دلوقتى



لان مثال أوباما واضح قدام الناس



يعنى الحلم



والحقيقه بتاعته



حلم مارتن والحقيقه فى أوباما

برضه لسه هدفى اليكم مش واضح اوضح اكتر



انا اكتر حاجه جالت بخاطرى



ان الواحد لازم يعيش لفكرته ويكون عندنا يقين فى تحقيقه



كتير مننا أحيانا بيصاب بفتور ومش هقول يأس



بيحس انه خلاص ضاع حلمه



وانا عن تجربه من فتره حسيت ان احد أحلامى كان هيضيع منى



لكن شاء ربنا ان يبين لى أشياء مكنتش شايفها



ومريت بتجربه جعلتنى أدافع عن حلمى أكتر من الاول اتمسك بيه أكتر



اعمل عشانه أكتر



كانت تجربه صعبه عليا كنفس بشريه



لكن اتعلمت



ياجماعه أحلامنا احنا اللى لازم نصنعاه ندافع عنها ونحولها لواقع ملموس مش نتركها فى عالم التمنى فقط




ياشباب احنا خير أمه أخرجت للناس



مينفعش نبقى ضايعين وتايهين



مينفعش نعيش بدون فكره نعمل عشانها وحلم يحرك الفكره ديه



تعالوا كلنا نقول



i have adream



على الهامش

اعذرونى بشده بعدم ردى وزيارتى لكل الناس اللى بتشرفنى بتعليقاتها

صدقا والله انا مطحونه جدا

ان شاء الله أرد على كل الناس وارجع اتواجد

ادعولى بس بشده

Sunday, November 16, 2008

لكنها الحياه

حياتى

جميله مليئه بالحب والسعاده

حياتى

فى ذات الوقت فاقده لبعض الأشياء

حياتى

مختلفه ومتميزه ولكنها تؤلمنى بهذا التميز

حياتى

بالرغم من حسد الآخرين لى عليها الأ انها مغلقه عليا ولا يعلم عنها أحدا شئ
بالرغم من اعتقادهم فى صراحتها لهم

حياتى

ترنيمه ومقطوعه موسيسقه تحمل بداخلها الشجن فى أحيانا ليست بالقليله ولا بالكثيره

حياتى

كنت أتمنى فيها أشياء وشاء القدر ان لا تحدث لمنحه ستجئ يوما ما

حياتى

بالرغم من قسوتها عليا أحيانا أحبها

حياتى

بها الكثير وأنتظر أن أحقق فيها المزيد

حياتى

مضغوطه كثيرا ولكنها لاشئ بالنسبه ليا
عباره قد لايفهمها الا انا

حياتى

مهمه لآخرين ولكن ليس بالشكل الذى أرجو أن تكون عليه

حياتى

أحلام بعضها مؤجل وأحلام لن تؤجل وأحلام تحقق

حياتى

بها كثيرا من الأصحاب وكثيرا من العلاقات تضجج بالناس كأننى أعرف الجميع ولكنها تبحث عن شئ مفقود عن حضن أرمى بداخله همومى عن صديق دائم وحبيب لا يفارقنى وعون معى ومؤكد ليس لى سوى ربى قادر أن يبعث لى من يفهمنى


حياتى

حلمى أن تكون لله وكفى

حينها سيكون كل شئ فى الحياه هين مهما كان صعبا ولين مهما كان قاسى

ولكنها الحياه

Friday, November 14, 2008

وصل ياجدعان

السلام عليكم
افتقدتكم جدا وبشده الأيام اللى فاتت
صدقا وحشتينى المدونه وكما وحشنى متابعتى ليكم
مش عارفه أقولكم ايه بجد لكن انا تقريبا فى كليه العذاب الطبيعى
بقالى تقريبا من يوم السبت اللى فات ليوم الخميس كل يوم امتحان وايام امتحانين
عشر امتحانات فى سته أيام احساس رائع طبعا
مذاكره مذاكره مذاكره
لدرجه انى كرهت الكلمه نفسها هههههه
المهم ياجماعه طبعا انا كنت ناوى انى اقعد الأسبوع التالت للتوالى ف قاهره المعز
ولكن حدث هبوط اضطرارى
وكلها يركز اوى فى اللى جاى
لأن هناك حدث مهم فى حياتى
الأ وهو
وصول
القائد الهمام
معاذ علاء
ابن اختى المبجل
بعد تسعه أشهر حضرته قاعد جوه
طبعا كان لازم احضر اللحظه التاريخيه ديه
عشان
كلاكيت اول مره هأبقى خاله ياجدعان
ولازم برضه أبقى موجوده
سبت كل حاجه ونزلت طبعا
وع فكره انا عندى امتحان بكره
ودعواتكم بشده
وفيه خمسميه موضوع نفسى أكتبهم
نفسى أتابع الناس الحلوين اللى كنت بدخل عندهم
ولكن ليس كل ما يتمناه المرء يدركه
ان شاء الله على أمل العوده على الأقل أتابع أسبوعيا
وعايزه أسمع احلى تعظيم سلام لمعاذ
عشان لما يكبر اقولها المدونين والمدونات
عملولك احلى تشريفه
وبس وسلام عليكم

Saturday, November 1, 2008

تساؤلات

السلام عليكم ورحمه الله وبركاته
تقريبا ايام وهبدأ ماراثون أمتحانات الميد تيرم
يعنى محتاجين دعوات كل المدونين
صراحه المواضيع اللى نفسى أتكلم فيها كتير وأفكارى متلخبطه جدا
لكن هأحاول اكتب شويه أشياء بجد محتاره فيها جدا
ليه احنا بنقصر فى أعمالنا وبنطلع لنفسنا أعذار؟ هل لضعف فى عزيمتنا ولا لاننا بنستهين بها وآيه حصل لينا
ليه احيانا بنحس ان احنا مضغوطيين اوى وان اللى احنا فيه احنا اقل منه بكتير ودا سؤال بجد نفسى حد يجاوب عليه الواحد ساعات بيخاف على نفسه يكون اى عمل بيعمله طريق لهلاكه بيخاف يكون بيعمل دون زاد حركه دون ايمان بجد ربنا يرزقنا الأخلاص؟
ليه أحلامنا اللى بنبنيها أحيانا بنحس ان فى ناس عايزه تهدمها بحجه انهم يرون مالا نراه او انهم أكبر مننا وأكثر مننا خبره ليه مش يدونا الفرصه نجرب ونحلم .بصراحه انا عن نفسى ممكن أدافع عن أحلامى بشراسه ولن يستطيع أحدا ان يهدمها أبدا بس هو مجرد سؤال؟
هل احنا حاسيين ان احنا سبب فى تأخر النصر؟ الفساد والانحلال بيزيد المعصيه بتزيد الحياء بيقل محتاجيين نشتغل بكل ما اؤتينا من قوه عشان الدين دا غالى اوى بس جاوبوا على السؤال؟
ياترى كل واحد فينا حقق آد أيه من مشروعه الشخصى حتى ولو قليل لما الواحد بيحقق حاجه ولو صغيره فى مشروعه بيفرح او دعواتكم لينا بقى؟
عايز أقول ان كنت بتكلم مع اخت اعرفها وكنا بنتكلم عن التدوين ومن ضمن الكلام انها قالتلى كلمه جميله اوى ان الواحد ممكن تفكيره يتغير بعد فتره طبعا للأفضل وينظر للى كان بيعملها قبل الفتره دى ايه اللى كنت بعمله ده؟
كلامه طبعا صح الفكر بينمو وبينضح لكن لما فكرت لقيت ان كل حاجه الواحد بيعمله مهما كانت تافهه فى نظر ناس تانيه هيا بتضيف على رصيده الحياتى كتير
كفايه تساؤلات ليكم
بتوحشنى المدونه جدا
بحاول أتابع لكن أعذرونى
لما بجى حد البيت
القائد نور الدين منورانا
وطبعا بقعد ألعب معاه
نسيت أقولكم
وجود نور الدين فى البيت رغم عدم تواجده ع طول عندنا
بيحسننا بقمه الفرح والسعاده
وطبعا وجود اخويا بيحسسنى بالامان وما أجمل هذا الاحساس
ان شاء الله احطلكوا صور نور الدين فى بوست بعد كده واكلمكم عنه
المهم لاتنسونا من الدعاء
ودمتم بخير

Friday, October 24, 2008

مطر منحنى الحياه

مع هطول الامطار وجدت نفسى تتوق أن تكتب .تكتب عن البشرى فى المطر عن الحياه التى توهب للأرض الجدباء بهطول المطر عليها.جميل منظر المطر اليوم وانا انظر اليه من شباك غرفتى كنت اتامله وهو يهبط بغزاره وانا ادعو بكل ما اتمناه ادعو وكأننى لأول مره أدعو من الممكن لاننى تقريبا عدت الى الحياه مره أخرى .او لأن بهطول المطر كان تحقيقا لحلم حلمته منذ أيام ان الدنيا ستمطر فى كل مكان وقصصت الحلم على أمى لتقول لى انه خير ان شاء الله كعاده اى أم عندما يحكى لها اولادها عن اى حلم.او كعاده شعبنا الطيب.كنت أنظر للمطر وانا أقول له اشتقت اليك كثيرا فمنذ شهور لم أراك رائحه الطين التى تعشقها أختى وحبيبتى هى آيضا لها ذكريات للطفوله الجميله التى عشناها سويا. انا الآن ها قد كبرت وكبرت أحلامى وهى تنتظر مولودها الاول جميله الحياه بكل ما فيها ففى كل لحظه وكل حدث نجد ذكريات رائعه.اكمل حديثى عن المطر الذى جعلنى سعيده جدا لدرجه لا تتخيلوها بالرغم من تقلباتى المزاجيه فى الفتره السابقه والتى كانت الى حد ما حالكه لكننى الآن أشعر اننى أكاد الامس السماء بيدى لا لشئ الا اننى تعلمت ان كل يوم يمضى عليا مهما كان صعوبته فهو يصنعنى لأن فى هذه الفتره رزقنى الله بأشياء كثيره زادت من رصيدى الحياتى .غريبه أنا اليس كذلك ؟اعلم ان هناك من سيقول هكذا ولكن صدقا مع هطول المطر ارتاحت سريره نفسى.كم أحمد الله كثيرا على عطاءاته لى حتى وانا كانت فى صوره محن او منح.فانا الآن أتمنى ان أكتب كثيرا وان اعود من جديد ادون وابدع لانه هذا الزمن ليس زمن التقليدين انه زمن المبدعين.ولكن ما باليد حيله انها الدراسه التى تحرمنى من جهازى المبجل طوال الأسبوع ولاننا نجتهد هذا العام ونحتاج الدعاء لاننا لدينا سيل من المواد سنؤثر ان نكتب ونتابع بقدر الاستطاعه فلا تنسونى من الدعاء فهو سلاح المؤمن ورزقنى الله به لحظه هطول المطر فالحمد لله على نعمه الكثير قد اكون أثقلت بكلامى عليكم ولكن هذا بوح الخاطر ودمتم بكل خير
ع الهامش
كتبت فصحى لأننى شعرت بهذا الآن وبهذا الطريقه وبهذه اللغه فتقبلونى
عاشقه الأقصى .

Friday, October 17, 2008

تاج متأخر

تاج من مدونه
نأسف ع التأخير shevaاخونا الفاضل حسن حنفى
اول سؤال: اية معنى السعادة من وجهة نظرك ؟ حاسس انك سعيد ؟
السعاده فى نظرى انى اعيش حياتى زى ما اتمناها وبالطريقه اللى اتمناها وانى استغل كل لحظه حلوه تمر عليا وعمرها ماهتيجى غير لو قلوبنا لله
انا حاسه انى الى حد كبير جدااا بحس بالسعاده لكن لحظات كتير فى عمرنا حلوه مش بترجع
تانى سؤال: امتى حسيت انك ظلمت انسان ولية ؟ محتاج للحظة غفران منة ؟
اكييد ظلمت بس ظلمت نفسى كتييييييييييييييييير اوى ونفسى تسامحنى ونفتح سوا صفحه جديده مش متذكره ظلمت حد بجد ظلم مادى لكن ممكن ظلم من الداخل فى حكمى على اى حد سؤال صعب اووى
تالت سؤال: بتعمل اية لما تكون مضايق بعد ما تصلى ؟
ببقى نفسى اما اترمى فى حضن اى حد فاهم انا مضايقه ليه او الأغلب بقعد لوحدى وغالبا بكتب
رابع سؤال: امتى حسيت انك اتظلمت ؟ ولية ؟
مش عاوزه اجاوب السؤال ده
خامس سؤال : اية اكتر احساس بيراودك هذة الايام تجاة نفسك والاخرين ؟
احساس انى محتاجه فتره ألم شتات نفسى بالنسبه لأشياء كتير اوى فى حياتى
اما الآخرين
هناك من الناس من اتمنى انهم يفضلوا معايا على طوول
لكن الحياه بتفرق
ولكن يبقى الاحساس والاخوه والحب فى الله


سادس سؤال: امتى ممكن تتنازل عن حق من حقوقك ؟ والسبب ؟
اتنازل عن حقوقى السؤال واسع اوى وكبير
لو حق ارضى بيتى كده لن أتنازل طبعا
لكن لو حد غلط فيا واحده صاحبتى ضايقتى بسامح وبنسى
عشان الدنيا مش مستاهله
لكن احيانا ناس تجرحك وتدوس وتظلم يبقى لازم وقفه
عشان تتبين مش ممكن يكونوا هما اللى مظلومين كده يعنى
جزاكم الله خيرا ع التاج
**************
تاج الدكتور المبجله نور
انا جاوبت ياحبيتى قبل كده
لكن ان شاء الله هأجاوبه وقت تانى
لأن بجد للأسف مش عارفه اكمل كتابه ولا اجاوب على اى حاجه مضغوطه شويه
ودعواتكم ياجماعه لا تبخلوا بالدعاء

Wednesday, October 15, 2008

مهما كان الليل طويل بعده فجر من الامل


التاريخ مش مهم كتير لكنه كان يوم 14/10
والمكان كل حته فى مصر حره بتشتكى من الظلم
والاحداث كتير هأحاول أنجز شرحها
والشهود كل حته جنب القبه ومعاها العاشره مساءا والاوربت ومراسلوا الصحف ليشهدوا
باختصار
11 عام من الآسى
11 عام على المهزله
11 عام على التزوير
بهذه الكلمات بدأ طلاب الاخوان المسلمين مؤتمرهم الصحفى من امام قبه الجامعه وفى جو اختنق من كثره الظلم فيه وخارج الأسوار حشود من قوات الامن والتى كانت تحاصر الجامعه بدأ يشتكون الى الله وينهون تتر المسرحيه الهزليه التى تقوم بها اداره الجامعات المصريه بشطبهم من انتخابات اتحاد الطلبه .والتهمه انهم احرار والحريه فى هذا الزمان جريمه.بالطبع كلنا يعلم ان الحكومه الامنيه للمصر لاتسمح لآى صوت شريف يخرج وسط الظلام وخاصه لو كانوا طلاب الاخوان فالشطب والاعتقالات والتحقيقات التى جابت وصالت وجالت فى كل جامعات مصر هى الرد على فعله طلاب الاخوا ن الشنعاء فى الترشح للأتحاد .بالطبع هذا ليس بجديد على الحكم البوليسى لمصر ولكن الجديد ان طلاب الأخوان قدموا هذا العام مبارده مئويه الأمل لكى يقموا باقامه انشطتهم من خلال اسر شرعيه ولكن كان الرد للأسف رفض رئيس الجامعه مقابلتهم وقالوا نتقدم للجنه واحده فقط فى الاتحاد فى جميع الكليات وكان الرد الشطب والذى شمل حتى اللجان التى لم تكن بها غير طلاب الاخوان.وفى فعاليات المؤتمر ردد طلاب الاخوان وكل الحضور ومندوبى الجامعات المصريه الذين حضروا من عشر جامعات هتافات ضد ما حدث لهم .تحدث الطالب محمد محيى ممثل طلاب الاخوان جامعه القاهره عن خوفه من احتضاره المبارده التى لاقت استحسان كل من قراها ويأمل فى ان تفعل الاداره شئ وانهم سيستمروا فى النشاط مهما كان لأنهم اصحاب غايه.واضاف عبد الرحمن الخولى ممثل طلاب الاخوان بجامعه المنصوره عن القمع والظلم والاعتقالات فى صفوف طلاب الجامعه وانهم سيقومون بعمل الاتحاد الحر للعام التالت ع التوالى ثم تحدث محمد بدوى ممثل طلاب الاخوان جامعه الزقازيق عن الانتهاكات وفضائح الادارت فى الكليات ضد طلاب الاخوان .ولكن هل تكفى الشعارات للرد القى الطالب احمد البيطار ممثل جامعه الأزهر بيانا كان ابرز ما جاء فيه اعلان الحداد يوم الاتنين يوم 20\10 يوم تنصيب امناء الاتحادات يوم اوضع فيه ورود على نعش الحريه ويكون يوم مشهود فى جميع الجامعات المصريه
ولكن ولأن طلاب الاخوان لم يعتادوا الكلام كان هناك رد ابلغ بكثييييييييييييييييير على الشطب






وكان هذا الرد






انها الانطلاقه

انطلاق حمله رسم قلب




انطلقت من ساحه كليه التجاره حفله وصفت الحمله كانت فيها تى شيرتات الولاد واوشحه البنات الدليل على شئ مهم ان قلوبنا بيضا بس محتاجه رسم..




بص حواليك



هكذا كانت البدايه فى كروت تدشين حمله القلوب





بص لنعمه الكثيره التى لم نحمده












بص الى كل ما متعك الله به






















من صحه وبصر



بص لكل شئ جميل

نعم كتييييييييير














قلب بيصرخ


















سامع قلبك وهو بيصرخ











من كتر المعاصى





سامع الأنين















يلا نصحى القلب ده بقى





















وكان تالت حاجه






















قلبك مش بس ليك حس بيهم






















1000 مشروع خيرى هنعمله






















هنروح لأيتام هنزور مستشفيات






















هنعمل معرض طبق الخير






















هننظف جامعتنا






















هنعمل اعمال كتير






















ومش بس لوحدنا لأ






















كل طلبه جامعه القاهره هيشاركوا معانا لأن نجاح الحمله بيهم ومش بحد تانى






















تابعوا كل القعاليات على موقع كل الطلبه













































































وجروب الفاس بوك






















http://www.facebook.com/group.php?gid=29767338321&ref=mf





















ويلا الهمه ياناس دى حمله القلوب










والله الموفق

معلش طوليت عليكم استحملونا بقى

Thursday, October 9, 2008

شخابيط ورق

احيانا بتمر فى حياتك بمواقف تفضل تعلمك بالرغم من انها خلاص عدت وفاتت لكن جوه اى مشكله بتمر بينا او موقف يجرحنا بنتعلم بس للأسف بقى بنتألم شويه لكن والله مفيش حاجه تستاهل احلامنا وحياتنا وأهدافنا محتاجين كل ذره جهد فينا.يبقى مهما سأصل الى يوما ما مهما اشتدت بقى العواصف ورياح الدنيا حوالينا متعرفوش ايه الفلسفه اللى حاطه ع الواحد انهارده .
......................
تانى حاجه بجد
مقابله كنت نفسى فيها من زمان وكنت بنتظره لأن نظرتى فى الناس بتحكمها نظره قلبيه الى حد كبير
شوفتها وقابلتها واتكلمنا وتعايشت معاها لعده ساعات
هيا فعلا واحده من الناس
اللى احسبه ولا ازكى ع الله احدا
دخلت وتربعت فى قلبى
فى وقت انا فيه فى مرحله اخطر ما يكون فى علاقاتى مع الناس
من جوايا ع الاقل
انها حبيبتى فى الله
أروى الطويل
واللى كمان عرفتنى على حد جميل جدااااااااااااااااااااااااااا
واحببته جداااا
اميره محمد محمد محمد
كلامى قليل اوى عليهم ويكفيهم ما فى قلبى لهم
ربنا يخلى القوافل لينا
رغم معاناه اليوم من غباء النظام
لكن انها المنحه الربانيه
....................
انهارده بقى
كان تانى
لقاء تدوينى لرابطه المحله
عدد المدونين زاد
كان لقاء الى حد كبير فادنى كتير
هأتكلم عنه فى بوست تانى
قريبا
بس حبيت أقولكم
لانستهين بأفكارنا مهما كانت
.........
طبعا ديه متفرقات
وبسبب معتقل الدراسه اللى بدأ
انا مش عارفه أرد ع تعليقات الناس عندى ولا ادخل مدونات وبجد نفسى ادخل لكل الناس بس عذرا الاسبوع ده لان لسه جايه انهارده ومسافره بكره
دعواتكم بقى كده
دعواتكم بجد
عايزه اكتب كلام كتيييير
القاكم قريبا