Tuesday, May 31, 2011

مولانا .....لم كنت تملك عجلة الزمن time machine وعادت بك الأيام للوراء للدراسة الجامعية ماهي الكلية التي ستلتحق بها ولماذا؟؟؟ وتحب تشرب الشاي سادة ولا بالنعناع ولا بالحليب :D :D

سأعود بالآله رغم انى مقتنعة ان الزمن لن يعود وان احسن حاجة حصلت انى دخلت فى معركة العلاج الطبيعى:)

لكن فعليا عندى شغف انى ارجع معاها واتخيل

كنت هأدرس حاجة بحبها اوى من زمااااااان ومعرفش غابت عنى ازاى لحد دلوقتى

هما حاجتين ادرس تخصص رئيسى تااااااااااااااااااااااااريخ
تارييييييييييييييخ تااااااااااااااااااريخ

اعشقه بشده جدا وكنت متميزة للغاية فيه فى اعدادى لدرجة انى كنت بذاكر حاجات اضافية على المنهج
لكن دخلت علمى فى الثانوية بقى

وتخصص فرعى ادرس حاجة له علاقة بالفن وترتبط مع التاريخ بشكل وثيق معرفش دا اسمه ايه بس كنت هأبقى مبسوطة اوى


طبعا انا لن اسمح يعنى لطموحات تروح ادارج الرياح لكن يوما ما نعمل اللى احنا بنحبه

مش بشرب شاى على فكره
الا مرة واحدة اسبوعيا :)

وبيبقى سادة وباللبن نادرا جدا جدا

وزماااان وانا صغيرة كنت بشربه بالنعناع مع بابا رحمه الله

Ask me anything

Friday, May 20, 2011

لو ترشح الرباعي للرئاسة أيهما تفضلي ولو ماذا 1-د/عبدالمنعم 2-د/العوا 3-د/البرادعي 4-د/عصام شرف وهل لو رأيك خالف رأي الجماعة بعد دعمه لأحدهما ستتنازلي عن اختيارك وتنزلي على رأي الجماعة؟؟؟؟

لم أحسم رأيى لأن لا أحد فيهم عرض على الشعب برنامجه الإنتخابى

ماذا لو خالف رأيى رأى الجماعة
لاأعتقد ان الجماعة ستفرض على اعضائها انتخاب مين
ولو خالف رأيى لأسباب انا مقتنعة بيها سأنتخب من أرى انه يستحق صوتى

لو قالت الجماعة العوا وانا لست مقتنعة به كرجل مرحلة مثلا لن انتخبه

حين يحسم امر الترشح للرئاسة ويعطينا كل مرشح برنامجه الإنتخابى وقتها سنحسم امرنا

بالمناسبة لن يترشح د عصام شرف للرئاسة
والبرادعى اصبح ورقة محروقة للغاية لاادرى من سيدعمه

العوا فى نظرى وعبد المنعم ابو الفتوح
هم فرسان ولكن ليست المرحلة مرحلتهم

وخصوصا د عبد المنهم لو ترشح الدورة القادمة سيكون افضل لمصر خسارة ان تضيع جهود د عبد المنعم فى مرحلة انتقالية


مازلت انتظر برامجهم الانتخابيه وبعدها القرار لكن هذا فقط توضيح للأربعة اسماء

ما انا ممكن انتخب اسم خامس :)

Ask me anything

أنا من الناس المخفية عندك ولا لأ :D تتوقعي إيه خلال الـ 10 سنوات القادمة لمصر؟

اتوقعها مصر الحقيقة
تقدم فى المجال العلمى بشكل غير عادى
والمجال الفكرى سيكون اقتحمه الشباب بشكل تخصصى
يحققونه فيه سبق تاريخى حقيقى وفكرينى وقتها اقولك على اسماء بعينها ستكون فى مقدمة الصفوف
ستكون فى الخطوة الثانية او الثالثة فى طريقها للنهضة الشاملة

سيعود لها دورها القيادى فى المنطقة فعليا لاشرفيا

هنلاقى مصر جديدة تانية يعنى


لأ مش من الناس المخفية ياحلوة :)
معدتش خفيه حد تقريبا

Ask me anything

فين الإخوان م اللـ بيحصل ؟ :D

بما انى لست المرشد فلست انا من اسأل
لكن فى ايه بالظبط من اللى بيحصل؟؟

Ask me anything

ما رأيك فيما يحدث لمصر الآن ..... وهل ترين أنه من الممكن عودة النظام القديم ؟؟؟

مايحدث فى مصر الآن مابين كونه طبيعى جدا وان احنا مستعجلين فى حدوث التغيير الجذرى ,ومابين سخافة ان المجلس العسكرى بيمارس لعبة ظريفة او اسلوب كدا وهو اسلوب مقياس رد الفعل تحدث أشياء وينتظر رد فعل الشارع لو الشارع سكت هيكمل لو لأ يتراجع ودا اسلوب بيفقد الشارع الثقه فيه
المشهد رغم انه متراكب جدا لكن انا فى رأيى انه فقد يحتاج بعض الصبر وحالة التأهب القصوى يعنى لانقنع أنفسنا اننا اصبحنا فى المدينة الفاضلة الشهور القادمة ستكون مرحلة مفصليه فى تاريخ امه مش مصر بس بسبب وضعنا الاستراتيجى القوى الخارجيه مؤكد لن يسرها قليلا او كثيرا ان نكون اقوياء وبالتالى هنعيش حالة صعاب تتلوها صعاب
الثورة لم تؤتى ثمارها بعد بل مازالت تحبو
نحن ازلنا اول قيد وهو مبارك لكن نظامه كان متغلل فى الوطن فى اخلاقيات الشعب نفسه فى حياته
وبالتالى القادم ليس بهين

عودة النظام القديم
غير ممكنه بنسبه كبيرة
اولا لأن لم يعد لدينا شئ نخسره اكثر مما خسرنا
يعنى مفيش حد هيخاف على ولاده تانى لأن الناس كلها شافت كوارث النظام السابق
الفكرة الا يعود النظام السابق مقنع

انا اشعر اننا محتاجين نكون كخلية نحل دؤؤبة فى كل المجالات
وحالة تأهب قصوى حتى استقرار الاوضاع مابعد انتخابات الرئاسة
جهد جهيد عشان مصر تقف على رجليها يعنى

Ask me anything

تشوفى نفسك ازاى دلوقتى يا لولا ؟؟

ممممم تصورى سؤال صعب اوى

لأنى لما بسأله لنفسى ببقى مش عارفه اختصره فى جمله قصيرة
يعنى من فترة كنت بقول حلم يسير بقوة

دلوقتى ممكن أقول حلم لمس جزء من واقعيته ومازال يسير بقوة وبروح مختلفة
اكثر اتزانا اكثر نضجا اكثر استقرارا
واكثر جنونا :):):)

Ask me anything