اناتومى ياآلهى

امبارح كان امتحان العملى بتاع الاناتومى بتاعى(التشريح)طبعا امتحان العملى كان عاداتنا كل سنه بيبقى ست ترابيزات كل ترابيزه عليها عينتين وكل ترابيزه دقيقتين او دقيقه اونص

المهم السنه دى ولاول مره فى تاريخ قسم الاناتومى يبقى الامتحان كل ترابيزه عينه واحده المهم عشان متتخناقوش من الاناتومى زى ما احنا مخنوقين احب اقولكم الامتحان كان الحمد لله تمام وربنا اكرمنا يارب نوفق فى باقى الامتحانات

بس بجد يا جماعه احنا خلاص هنبدأ الجد الجد من يوم السبت

وربكم يسترها بقى

اوعى تنسونى من صالح دعاؤكم لان الامتحان اللى جاى

بيوكيمسترى

كيمياء حيويه

وربنا معانا بجد

اصل احنا لازم نبدأ بمواد طب وبعدين مواد علاج طبيعى عشان ختامها يبقى............ ولا بلاش البدايه والله زى النهايه

المهم يا جماعه تدعولى

بس انا بقى جايه النهارده عشان حاجه مهمه اوى

بكره ليله رأس السنه والليله ديه فى ناس كتير اوى بتعصى ربنا فيها وبتستقبل السنه الجديده بمعصيه كبيره

ايه رأيكم احنا كلنا نتفق نقوم بالليل والساعه اتناشر نقعد ندعى ونقرأ قرآن ونصلى ولو ركعتين

عشان ربنا يفرح بينا

لان فى حديث فيما معناه ان عباده فى الهرج كهجره الى

(اى الى رسول الله)

يبقى بجد يا جماعه نحاول ننفذ كده

الرساله ديه جاتلى على ايميلى ياريت كلنا نحاول ننشر الفكره

والله المستعان

انى احبكم فى الله شكلى كده هاعتكف

مع كتاب البيو وربنا معانا

لماذا أُحرَم من أهلي؟! بقلم الدكتور أمير بسام ( المعتقل على ذمة العسكرية )

21 / 12 / 2007
من أسعد الأيام التي أقضيها مع أسرتي هو يوم عيد الأضحى من كل عام؛ ففي هذا اليوم أجتمع أنا وأسرتي عقب صلاة العيد الأضحى لنشهد ذبح الأضحية، وبعد الذبح يكون الاجتماع على طعامٍ معَدٍّ من جزء الأضحية، ثم يكون آخر النهار موعد زيارات للأهل والأقارب، وفي المساء يكون عشاء أسري، نتناول فيه الأحاديث والذكريات.
وفي محبس هذا العام أقبلت عليَّ العشر الأوائل من ذي الحجة وقارب عيد الأضحى على المجيء، وتنازعت نفسي مشاعر متناقضة، وطاف بعقلي خواطر متباينة، بعضها مصبِّرة وأخرى مثبِّطة، وبعضها يرفعني نحو السماء، وبعضها يجذبني ناحية الأرض، أسأل نفسي: لماذا أُحرَم من أهلي ومن أمي الغالية ومن زوجتي الحنون؟! لماذا أبعد عن أولادي الكبار فضلاً عن الصغار؟ لماذا أكون بعيدًا عن أهلي وأحبائي؟ لماذا تحرم أسرتي فرحة العيد؟ ولماذا يحرمون لحظات السعادة؟ لماذا يفتقدون في برد الشتاء دفء الأب وحنان المشاعر؟!

لماذا يرى صغاري أقرانهم وهم مع آبائهم يخرجون للعيد ثم يعودون للأضحية, بينما هم تعلو وجوههم الصغيرة حسرةَ فراق الأب، وتُزَاحِم عقولهم القاصرة أسئلةٌ حائرةٌ: لماذا أبي ليس معي مثل كل عام؟!

لماذا تذهب الأسر للمنتزهات، بينما يتكبَّد أبنائي مشقة السفر في يوم العيد لزيارتي في السجن؛ حيث زحام وآلام، وجلسات بين أجساد متلاصقة، تكبت فرحة الطفل الصغير، وتسيل دمعة الكبير، ثم لماذا وُضعت في السجن؟ لأنني أحببت وطني، هل لأنني أردت الخير لشعبي؟

هل لأنني أريد الإسلام حكمًا ومنهاجًا؟ لماذا أوضع في السجن؟ هل لأنني فضحت الفساد والمفسدين؟ وقاومت الاستبداد والمستبدين؟ هل لأنني نصحت حكام بلادي ولكن للأسف لا يحبون الناصحين؟!

ودارت في نفسي مشاعر مريرة.. لماذا العذاب؟ لماذا السجين والسجان؟ وأغمض عيني فأتذكر عددًا غفيرًا من الناس عند أمي ليأخذوا نصيبهم من اللَّحم، وإن كان هذا يحدث كل عام، إلا أنه في العيد الماضي كان مثيرًا تساؤلات عديدة.

دارت في نفسي زحام عراك بين الفقراء ثورة جياع محدودة أمام منزل أمي الغالية، حينما رأيت تجمُّع الفقراء وتزاحمهم ولهفتهم على قطعة من اللحم، يسدُّون بها رمق صغارهم، أحسست بمدى جرم هذا الظلم الذي أفقره وأذل نفسه، وأذهب كبرياءه، حتى إنه يتقاتل مرة كل عام من أجل قطعة لحم!!.

وكأن النظام قد حاسبني على خواطري، فكان اعتقاله لي بعدها بساعات، وكانت التهمة أنني مشارك في لجنة البر والتي تساعد الفقراء والمساكين.. يا له من نظام!! ويا لها من اتهامات!!.

ظلت مشاهد العيد السابق وما قبله من الأعياد وغيرها من الذكريات تمر بخاطري، فتزيد ألمي.. تضع الحسرة في قلبي.. تسكب المرارة في فمي.. ذهب النوم من عيني.. أخذ الأرق يرافقني!!.

ومع تكرار المشاهد ووسوسة الشيطان.. لم أجد إلا رفيقي الدائم ألجأ إليه.. أشكو إليه بثي وحزني.. إنه مصحفي.. إنه القرآن الكريم، فتحت المصحف ووقعت عيناي على آيات في سورة (الرعد) وكأنها خطاب الله لمن هو على حالي فقرأت قوله تعالى (والذين صبروا ابتغاء وجه ربهم وأقاموا الصلاة وأنفقوا مما رزقناهم سرًّا وعلانيةً ويدرأون بالحسنة السيئة أولئك لهم عقبى الدار* جنات عدن يدخلونها ومن صلح من آبائهم وأزواجهم وذرياتهم والملائكة يدخلون عليهم من كل باب* سلام عليكم بما صبرتم فنعم عقبى الدار).

وكانت الإجابة في الآيات عن تساؤلاتي وافيةً، كأن الله تعالى يقول لي: فراقك لأهلك في الدنيا- إن صبرت عليه- ثوابه اجتماع شملكم في الجنة؛ حيث النعيم المقيم، والثواب العظيم؛ حيث روح وريحان وربٌّ غير غضبان؛ حيث لا صخب ولا وصب ولا نصب ولا همَّ ولا حزن.. بل الفرح والسرور والغنى والحبور.

فوجدتني- بعد قراءة الآيات- أهتف من أعماق قلبي: ربح البيع.. ربح البيع، ستجدني يا رب إن شاء الله من الصابرين، وسأظل يا رب على طريقك من السائرين، وسأتمسَّك بالحق المبين، ولن يثنيني عما أنا فيه ظلم الظالمين.. أقولها ولو ظللتُ بقية عمري سجينًا.

العيد السنه دى احلى كل الاعياد

كل سنه وانتم طيبين

كل سنه والعيد مليان افراح





العيد السنه دى كان عندى كل افراح





بدايه من زواج زهره حياتى اختى





وحج دكتورنا محمود اخويا الكبير







وختاما بوصول





نووووووووووووووووووووووور الدين محمود





ابن اخى وحبيبى ونور عينى





قائد جيوش المسلمين وقاهر اليهود





انبته الله نباتا حسنا





بجد انا فرحتى كبيرررررررررره اوى



ربنا يتم الفرحه





بس بجد خلاص امتحاناتى بعد كام يوم





كل ما افتكر الامتحانات المقرفه ديه يلا خير





ربنا يعديها بس على خير





فرحه فرحه فرحه







ومش هنسى فى عز فرحتى ادعى لاخوانا فى فلسطين وفى كل بقاع الارض ان ربنا يفك حصارهم واسرهم امين يارب العالمين

عام واحباؤنا خلف القضبان

عام مضى حاملا على تلك المسرحيه الهزليه التى خططتها ايدى حقيره .عام مضى حاملا كل الاحزان معه حاملا جراح والام وفراق ووحشه وسجن ومرض.عام مضى وعلماؤنا خلف قضبان السجون منهم الشيخ ومنهم الشاب ومنهم مابين ذلك وهؤلاء رجال من صفوه الرجال حملوا رايات الدعوه الى الله والاصلاح واختاروا ان يكون هذا الطريق طريقهم لم يفكروا للحظه واحده فى ان يحيدوا عنه مهما كابدوا من اجله .لأنهم يعلمون ان للحق رجال يسطرونه بدمائهم .منهم من تزوجت ابنته وه فى غيابات السجون ومنهم من يعانى من المرض وفوق كل هذا يأتى العيد باى حال عدت ياعيد وهم فى منأى عن ذويهم

باى حق وفى اى شريعه يسجن الابرياء والمفسدين فى اسواق لندن يتسوقون

بأى حق وفى اى كتاب يعتقل الشرفاء والخائنين يقسمون الوطن الى قطع لكل منهم قطعه

بأى حق وفى اى مواثيق للحقوق الانسان لا يفرح الاب بابنته ولا يقف الزوج بجوار زوجته ولا يفرح الاب بنجاح فلذات اكباده

لهذه الدرجه وصل بنا الحال

ولكن مهما مضت اعوا نعلم انكم صامدين صامتين على درب الهدى سائرين

الى

ساره والزهراء عائشه

الى كل ابناء المعتقلين خلف غيابات السجون

لا تهنوا ولا تحزنوا

وان شاء الله ستشرق الشمس بعد طول غيب

ولكن هى ضريبه الدعوه

وتذكروا الله غايتنا الرسول قدوتنا القرآن سبيلنا والموت فى سبيل الله اسمى امانينا

مهما تكالبت الاحزان سنصمد لان الله اختارنا لحمل تلك الدعوه

واقولها الى كل اذيال الخيبه والعار

لن يرحم التاريخ من يخزن

والله لن يرحم التاريخ من يخون

حكايه كل يوم

الحكايه حكايه كل يوم بنشوفها وبنتعامل معها وكأنها اصبحت حاجه عاديه جدا لكن مش عارفه ليها المره ديه خصوصا فكرت وتأملت والحكايه معدتش عادى

كان الطريق واقف كالعاده فى طريقى الى كوبرى الجامعه

وكوبرى الجامعه ده للعايز يعرفه هو الكوبرى اللى بيوصل مابين جامعه القاهره واول المنيل

بالظبط قبل الكوبرى بشويه التاكسى وقف عادى يعنى دايما بتحصل مفيش مشاكل

شويه ولقيت واحده من صحباتى بتبص للورا وبتقولى شوفى بيضربوا ازاى؟ فطبعا رد فعل طبيعى انى ابص ورايا لارئ شاب من شبابنا نزل من العربيه عشان يضرب ولد صغير من اطفال الشوراع لانه كانت قاعد يخبط فى العربيه

والولد الصغير كان مش بيخبط لطلب شئ غالبا هو كان ماشى يخبط فى كل العربيات.مش المشكله ان الشاب ده ضربه المشكله ان ساعاته لقيت الولد جرى شويه وقعد يلعب مع اصحابه وكأن شيئا لم يكن والمصيبه انك تلاقى طفل لم يتجاوز عمره 8 سنين بيشرب سجاير

ساعاته انا قولت كلمه واحده بس فى رقبه مين ذنب الولد ده

ابوه وامه اللى سابوه فى رقبه الحكومه واللى فى رقبه الشعب كله

ذنبه ايه يشوف غيره راكب عربيه احدث موديل وهو مش لاقى يأكل

وطبعا الشاب اللى نزل من العربيه كان بجوار صاحبه اللى بيسوق العربيه والاغانى الاجنبيه باعلى صوت .حاجه عاديه المنظر ده

لكن متعودش انى اشوف حاجه وما انظرش نظره تفكر ولو لدقيقه واحده مش مثاليه ولا حاجه لكن بجد المنظر كان منظر لازم اتوقف عنده كان لازم اكتب عشان يمكن مش عارفه نعمل ايه؟ فى كتير اه ممكن نعمله ان احنا نفجر من تانى القضيه مش مجرد كلام بيتقال مش معقول نعتمد على مسلسل اتعمل بس

كام فيلم كل يوم بينتجوا بحجه اطفال الشوارع

مع كل اصحاب الفكر اللى شايفين ان رساله الفن انه يفجر القضايا لكن لازم يحصل. حاجه الولد الصغير ده بكره يكبر بكره يبقى شاب من شباب الامه اللى بتضيع واحنا وكأن على رؤؤسنا الطير

ياريت كلنا نفكر فى الموضوع ده كويس

وياريت تقولوا ارائكم

كل عام وانتم الى الله اقرب

بقالى كتير اوى ما دخلتش على البلوج وكمان ما كتبتش حاجه وكنت حاسه انى كت فى دوامه كبيره وحصلت احداث كتيره كان نفسى ادونه بس الحمد لله الاحداث ديه كانت قريبه والحمد لله لسه فاكره منها كتيره

اول حاجه نفسى اتكلم عنها انى ما انساش اقولكم كل عام وانتم الى الله اقرب وبجد ياريت كلنا ندعى لبعض ياريت كلنا بظهر الغيب وخصوصا واحنا فى ايام عصيبه من الضغط النفسى والعصبى بسبب الامتحانات التى لا تنتهى.

اصل احنا عندنا فى الكليه الدكاتره حالفين ميت يمين انهم يخلونا لو عصرونا ننزل امتحانات المهم يعنى

جاءت ايام العشر ليغسلنا الله من ذنوبنا وربنا يرزقنا صيامها وقيامها ويرزقنا كل الاعمال الصالحه اللى اكيد المذاكره منها

لازم نذاكر عشان ننصر امتنا بالعلم

انتظروا بقى تانى حاجه حصلت وهو كان منظر عادى لكنه حرك كل احزان الوطن المكلومه

عاشقه الاقصى.

خلاص امتحانات امتحانات

اوشك موسم الامتحان على البدايه اذا ما كنش بدأ عند ناس كتير زى حالتنا.وفى البعض من الناس لسه عندهم موسم الامتحانا ت مش بدأ وناس من اول يوم اتولدت فيه بتمتحن برضه زى حالتنا.

حاله كده من الرعب والخوف الوقت سرقنا ولا حسينا بيه والله يا اخوانا الواحد كان لسه داخل مبالوش يومين وشويه يقولوا دا الميد تيرم وحبه العملى وحبه الشفوى وشويه النظرى.الواحد بيحس ان فى دوامه مش بيخرج منها

وبمأن هذا الموسم العظيم قد بدأ فكل واحد المفروض يعنى بدخل الصومعه الخاصه بيها ويقعد يذاكر لحد لو تطلع عنيه

وتبقى حياته كلها اناتومى وفسيولوجى وبيو

وفى الاخر الدكاتره يقرفونا فى الشفوى ثم بعد ذلك

يأتى امتحان النظرى بما لذا وطاب

والله من كتر الامتحانات الواحد خايف لا ننسى الاجازات

واللى لما بتيجى بتبقى برضه مستنين النتايج اللى برضه مرتبطه بالامتحانات

امتحانات امتحانات

والله ساعات ايام الامتحان بتبقى احلى ايام

بس طبعا عشان محدش يحدفنى بحاجه بعد اما تخلص بنقول عليها كده لانها بصراحه بتبقى ايام عصيبه جدا

بس والله فى مواقف بتحصل جوا لجان الامتحان بتخلى الواحد يقعد يضخك جوا الامتحان

انا اتذكر ان فى امتحان اللى ما يسماش الفسيولوجى(علم وظائف الاعضاء)ان واحد معانا فى اللجنه عامل الورقه قرطاس جوا اللجنه

وبعدين عمالها طياره اصل يوميها الامتحان كان ما يعلم بيه الا ربن

واللجنه كلها جالها هستيريا فى الضحك محدش عارف يكتب حاجه

ا

فعلا ربنا علمنا ان احنا نشكره على السراء والضراء

وامتحانتنا بتبقى ضراء

بجد ايام بتبقى صعبه بس بتعدى زى ايام كتير فى حياتنا صعبه بتعدى

لكن بعد اما ضحكنا واتريقنا على الامتحانات

بجد كام واحد فينا عامل حسابه علىالامتحان اللى لارجعه فيه ولا ليه دور تانى ولا نأجيل

كلنا عاملين حسابنا على اليوم اللى هنقف فيه بين ايادى الله

ولا ايه ظروفنا وايه اخبار عبادتنا؟

هل عاملين حسابنا وبتنود ليه زى ما بنقعد ونذاكر ليل ونهار عشان امتحان للكليه ولو كان صغير وبنلغى اى حاجه ورانا ونعمل استعدات كتير

يا ترى فاكرين ان يوم امتحان الاخره قريب ممنا اوى ممكن يكون انهارده مين فين اصلا عارف هو ممكن يموت امتى .

يا ريت نفكر ولو مره واحد فى عمرنا ونعمل طاعات لعل الله يتغمدنا برحمته ويتجاوز عنا

قلبنها دراما بس ديه الحقيقه

ويلا عايزين موسم الامتحانات كلها طاعات وعبادات ومش عشان الامتحانات بس لكن عشان ربنا

اصل فى ظاهره بتطلع جديده وقت الامتحانات ان تلاقى كل الطلبه بيصلوا ويقروأ قرأن واول ما الامتحانات تخلص تلاقى كل ده اتنسى

بجد محتاجين نجدد العهد مع الله

وموسم امتحانات سعيد وكل سنه وانتم طيبين للناس اللى بدأت واللى لسه هتبدأ

والى كل طلاب الكليات العمليه بقولكم من قلبى ربنا معانا كلنا

هو قدر ومكتوووووووووووووووووب ان احنا نفضل طوووووووووول حياتنا نمتحن

والسلام ختام

ياترى فينا ايه؟؟؟؟؟؟؟؟

اخيراااااااااااااااا رجعت ادون من تانى وبجد كتنت بدخل على النت لكن كنت بحس انى مش لاقيه كلام اكتبه ولا اقوله ليه الاحساس ده؟

الله اعلم

المهم انا راجعه بس للاسف مضايقه وحزينه جدا على حاجات كتييييييييييييييير بقت بتحثل حوالينا

منها والله قدرا بدون اى تخطيط كنت خارجه من الاوضه بتاع الكمبيوتر ولمحه ولد شاب بيقول كلمات اغنيه وكانت قناه الرساله استغربت اوى فوقفت اشوفه بيعمل ايه لقيت ريبورتاج فى برنامج (خواطر 3)لأحمد الشقيرى

وكان بيسأل الشباب فى بلادنا العربيه عن تكمله حديث مكنش الشاب او الفتاه تعرف لكن يقولهم اول كلمه فى اغنيه يقولها وكانهم حافظينها عن ظهر قلب

حزنت اكتر لانها كانت احاديث سهله جدا

لدرجه ديه وصل بينا الحال نسينا سنتنا وضعنا وسط المتاهه

ياجماعه الامر مش سهل دى سنه نبينا ووالله لو كان قالوهم سوره من جزء عم ما كان عرفوا

ياترى العيب فينا ولا فى التعليم ولا فى المجتمع ولا فى التربيه ولا فيه بالظبط ياريت تقولنا العيب فى ايه؟

ياترى احنا نقدر نعمل ايه عشان نغير من نفسنا شباببنا بقى حافظ العنب والبطاطس ومش عارف ايه او حديث او حتى اسم صحابى بيبقى فيه وقت للاغانى ومفيش وقت لحفظ القرآن

ياترى ايه اللى بيحصلنا كمسلمين .ياترى احنا رايحين على فين

ياريت تردوا وتقولوا ارائكم الموضوع يهمنى

فى حاجات كتير خنقت الواحد لكن دى اول حاجه نتناقش فيها وللحديث بقيه

عاشقه الاقصى

وحشنى التدوين

بقالى كتير مكتبتش موضوعات على المدونه بتاعتى اللى انا بحبها جداااااا وبحب اشوف ارائكم عليها

البلوج ده يا جماعه حاجه بتربطنى بتعليقاتكم على كل حاجه بكتبها ومشتاقه جدا انك اكتب ليكم وانزل مواضيع كتير بس والله الدراسه وكده

والامتحانات ادعولنا ربنا يوفقنا وانا ان شاء الله اوعدكم بمواضيع كتير جميله انتظرونا .

وداعا رمضان

بسم الله الرحمن الرحيم

خلاص رمضان ودعنا بكل ايامه ولياليه بكل ذكرياته الجميله .واكيد ساب فينا حاجات كتيير وغير فينا كتير ياترى احنا من اللى اتغيروا ولا من مين بالظبط.

بجد كان احساس صعب امبارح والواحد بيودع الشهر الكريم الجميل ده وبجد نفسى اوى نكون اتغيرنا للاحسن ونكون عباد ربانيين لله جل وعلا.وبجد كانت الكتابه ليكم وحشانى اوى وردودكم الجميله وارائكم .بجد بقول لكل اللى يعرف مدونتى كل سنه كل لحظه كل دقيقه وانتم فى سعاده والاسلام فى عز وزياده.ويارب كل واحد فينا يحقق احلامه وطموحاته وربنا يتقبل منا ومنكم.

يوم مع الملائكه

امبارح كانت كليتنااالمصونه منظمه افطار ل600يتيم ومعاق عشان مئويه جامعه القاهرهوكان لازم كاعضاء منتدى كايرو بى تى نعمل حاجه ولو صغيره وحاولنا ان اسرتنا (قلب واحد)تنظم الافطار وبجد كان اجمل احساس احسه فى حياتى اما ندخل السرور على قلب طفل فقد .واحنا كاعضاء منتدى كليه العلاج الطبيعى جمل معانى فى الحياه وهيه الحب والحنان وحاجات كتيره هو ميعرفهاش .مش هتتخيلوا قد ايه كانت فرحتنا كلنا لما حاسينا ان احنا فرحناهم كنا جروبين بنات وولاد .احنا كبنات لعبن مع البنات الصغيرين وغنينا معاهم وصورنهم .حسيت وانا بغنى لهم انى مكانهم بلا حنان بلا حب الا اللى الناس بتتكرم عليه بيهم والله ومش ببالغ انا كدت ابكى وانا بغنى والعابهم وهما بينطقوا اسمى ويندهوه على كل اصحابى بس حبست دموعى عشان افرحهم اكتر.عمرى ما حسيت احساس زى ده اصل صعب اوى اللى هما فيه صعب ان الانسان يكون بلا اهل وبلا عواطف ومشاعر.يا جماعه الاطفال ديه كانت بتنادى على الحنان انوا يطلعوا مننا مفتقدين جدا بس بيحاولوا ياخدوه من اى حد.اد ايه حسيت بنعمه البيت والاسره والاهل وعرفت ان مهما كانت ايامنا وظروفنا وخناقتنا مع اهالينا احنا برضه من غيرهم ولا حاجه.والله ياجماعه اجمل احساس فى الكون انك تلاقى حد يحبك من قلبه حد يحس بيك بجد احساس افطار امبارح احساس اكتر من رائع وهما بيحضنوا فينا وبيلعبا معانا وبنصورهم وهما فرحانين اوى بينا ويحيونا ويفضلوا يعملوا باى باى لنا لحد ام يمشوا بجد كان اكتر من رائع.والله ياجماعه احنا لازم نحمد ربنا فى كل ثانيه من عمرنا على كل حاجه فى حياتنا.بجد انت او انتى لو حطيت نفسك مكانهم مش هطيق الحياه.بجد هما اجمل ما يكون وبجد محتاجين حب مش بس يوم واحد فى يوم اليتيم او فى رمضان هم محتاجين لنا فى كل وقت فى كل زمان ومكان.ياجماعه لازم نحس بغيرنا بقى عشان نقدر نتعايش معاهم لما يكبروا هما مش محتاجين حب وحنان بس هما محتاجين رعايه اوى

والله ياجماعه هما للاسف انا بشفق عليهم اوى لانهم مش لاقيين حد يزرع فيهم معانى كتير احنا اتربينا عليها لكن لازم نساعدهم ولو بابتسامه وحضن حنان ولعب وضحك معاهم الناس ديه احنا بننساها ياريت بقى نفتكرهم عشان صعب اوى ما هم فيه .

بجد كان يوم رائع فى طاعه ربنا ونيتنا كلنا ان احنا ندخل السرور على قلب مسلم ونمسح على شعرهم عشان ننول الجنه

والاجمل من ده ان فى دكتور معانا على المنتدى هما بجد شاعر المنتدى الف زجل فى لحظته وقالوا بعد الفطار للاولاد والبنات دول اللى هما اجمل من اى حد فى الدنيا وكان شعره بيمسنا كلنا لانه خرج من قلبه بعد اما حس ان لسه فى خير فينا بجداليوم كله كان يوم رائع

جروب البنات بيلعب مع البنات وجروب الولاد بيلاعبوا الولاد قد ايه فرحوا ولعبوا وقد ايه الناس كانت بتحاول تفرحهم من قلبها بجد اجمل يوم فى حياتى

بس احب اقولكم حاجه مهمه اوى انى والله حبيت الولاد والبنات دول وبحبهم جدا ولو خيرونى بين انى الف دول العالم وانى اقعد معاهم يوم هاقعد معاهم احسن لى من الدنيا وما فيها.

هما بجد اجمل حاجه شوفتها فى حياتى حسوا بغيركم يا شباب عشان محدش فينا كان ضامن انواكان يبقى زيهم

بحبهم جدا وبشكر ربنا انو وفقنا امبارح ان احنا يكون العمل خالص لوجه الكريم

رمضان خير ورحمات

بسم الله الرحمن الرحيم
فات يوم من شهر رمضان الشهر اللى بنستناه من السنه للسنه الشهر العظيم ده اللى كان فاتحه خير على ناس كتير ومنهم انا شخصيا الشهر ده ياجماعه يعنى لى كل الذكريات الجميله والايام المباركه يعنى لينا كلنا لمه العيله والحب والتفاهم والخير والبركه بجد انا بعشق شهر رمضان لان باختصار الشهر ده شهر بيبقى الواحد مننا قريب اوى من ربنا وحاسس ان الملائكه بتحوم حواليه فى المسجد فى البيت وفى كل مكان صدقونى الايام الجميله والمباركه ديه لازم نستغلها ونحسن استغلالها .عشان نعتق من النار ولا انتم مش عايزين العتق؟فى حد فينا مش محتاج لرحمه ربنا ؟فى حد فينا مش محتاج للمغفره .اكيد كلنا محتاجين جدا .عشان كده ياريت كلنا ياجماعه نصوم رمضان ايمانا واحتسابا نصوم صوم الجوارح مش مجرد صوم عن الاكل والشرب يا شباب رمضان منهج اصلاح للامه ومنهج تربيه للامه مش شهر خمول .لازم كلنا نجتهد فيه فى الطاعه والعباده وخلاص الدراسه على الابواب لازم كلنا نذاك ومنقولش لنفسنا مش بنعرف ونضيع ايامه ولياليه ما بين فوازير ومسلسلات فوقوا بقى وادركوا اوكازيون الحسنات واجتهدوا عشان ربنا يرزقنا ليله القدر.والله يا شباب ما فيش حاجه فى الدنيا تعوض لذه الطاعه عشان كده لازم كلنا نعبد الله بجد ونخشع فى صلاتنا ونجتهد فى ختم القران ونزود من الطاعهات عل الله يرحمنا ويغفر لنا ويعتقنا.كلنا نشد من عزم بعض ونشجع بعض علشان مفترش همتنا بعد كام يوم من رمضان.

لست ادرى؟

احيانا ما تجد الحياه تبتسم لك فى كل وقت وكل حين وتجد الدنيا وقد تحلت لك باحلى

الثياب وتجملت لك فتجد نفسك وكأنك ستطير من الفرحه .واحيانا اخرى تجد نفسك وحيدا بالرغم من انك وسط جموع الناس الذين تحبوهم ويحبونك تجد نفسك ولا تدرى هل احلامك مازالت معك ام هربت منك هل احلامك مازالت تركض وانت تركض خلفها ام ماذا؟ لا تدرى. والغريب من كل هذا انه فى لحظات من المفترض ان حدوث شئ ما لك سيسعدك فتجد نفسك ان هذا الشئ يزيدك عذاب فوق العذاب واهات فوق الاهات بالرغم من ان هذا الشئ هو سر حياتك ودافعك الوحيد نحو النجاح ولكن تللك الاشياء التى لا نقدر الان على امتلاكها تسبب لنا الالام لاننا سنظل نحتاج اليها وهى بعيده عنا كل البعد بالرغم من قربها منا .وبالرغم من قربها منا لانقدر على ان نلمسها.فمن الصعب ان تجد احلامك امامك ولا تلمسها .ولكن سنتدرك كل شئ للقدر الذى يفعل بنا ما يشاء ولكن تلك هى الحياه مجموعه من المتناقضات تبعث الينا الفرحه تاره وتبعث الينا الالم تاره اخرى .ولكن يبقى السؤال الى متى سنظل هكذا نرى احلامنا امامنا ولا نستطيع ان نلمسها؟.ولكن ليست كل الاحلام لا نقدر على لمسها فهناك احلام نحاول فى تحقيقها لنلمس مالا نستطيع لمسه. ولكن متى ذلك الوقت؟ لست ادرى

يوميات بى تى شقيه2

وعدت انى اكمل لكم يوميات بى تى شقيه .ودى تاني حلقه من بى تى شقيه يمكن العنوان يوحى بانى كنت شقيه لكنى فى ظل كليتنا المصونه مكنتش شقيه اوى .انهارده بقى احكيلكم عن سفرى ورحلتى اليوميه مع القطر المكيف اللى خرب بيتنا والحمد لله بس .

القطر دى بقى شوفت فيه كل الناس الطلبه والطالبات الناس الكبيره ودكاتره الجامعه .ستات وبنات بيشتغلوا فى القاهره وبيسافروا يوميا.صدقونى اللى كان بيهون علينا السفر ان احنا كنا بنحس ان لو حد عملنا حاجه فى معانا ناس محترمه ترد عليه.السفر والقطر كان فى البدايه عذاااااااااااااااااااااااااااااب لكن اتعودت بس كان مجهود رهيب جدا.ويا سلام ياجماعه ام تسافروا فى قطر الفجر يا سلام مش رايحين كليه كنا بنروح نبيع لبن .وعارفين القطر ده ياااااااااااااه كانت ايام جميله كان ساعات يتأخر وساعات يوصل بدرى وساعات يشلنا فى الطريق وكان سياده القطر المصون مش بيحب يتأخر الا لو حاسس ان احنا عندنا امتحانات وعايزين نروح نذاكر .بجد الواحد لما كان بيدخلوه من كتر ماقعد فيه كان بيحس انه بيته التانى مش مجرد وسيله مواصلات.وبعدين انا كونت من خلاله علاقات بناس كتير ناس حبتنى جدا وناس عرفتنى مجرد معرفه.وسعت دايره علاقاتى وشوفت افكار للناس عمرى ما كنت اتخيل ان تفكيرنا كشبا ب بقى وسورى فى الكلمه تافهه.وكل همهم اللبس والماكياج والولاد

لكن كان فى ناس تانيه محترمه جدا وجواهم خير كبير اوى بس عايزه حد ياخد بايدها وفى القطر لازم الواحد يعمل لنفسه شخصيه جامده فى ناس تعتبرها مقفله اوى حاجه بس احسن.كان لازم نحافظ على نفسنا من الاخوخ الرخمين خريجى جامعات الرخامه على البنات.بس الحمد لله ربنا بيحفظ امائه اللى بيرجو انهم يكون صالحين وملتزمين باوامره بس انتوا عارفين الحاجه اللى كنت مفتقداها هيه ايه؟؟؟؟؟؟؟؟؟؟؟

صحبيتى صحبه المسجد اصحابى الانتيم .وبالاخص واحده منهم كنا نفسنا ما يفرقناش اى حاجه بس هو القدر.بس تصدقوه رغم التعب كل واحد فينا له ذكريات جميله جدا فى اى مكان بيروح فيه .بس الذكى اللى يتعلم من اللى بيحصل حواليا.لازم يكون بينظر للايام الى فاتت عليه بعين العظه والتفكر فيها مش يقول ايام وعدت وخلاص وكان لازم اتعلم من كل حاجه بتحصل حواليا.انتم عارفين انك تكون جرئ دى احلى حاجه فى الدنيا وتخوض تجارب وتتعلم منها يعنى السفر اليومى ده تجربه كانت جميله كانت ساعات مؤلمه لكن اتعلمت منها الكتيررررررررررررررر.صدقونى مذاكرتى وحكاياتى دى مش محرد حكى ولا سرد للحكايات لكن دى ذكريات وتجارب اتعلمت منها.

اتعلمت انى فى كل مكان لازم مهما كان اللى حواليا انى اكون ثابيته على مبادئ وما اضعفش.عرفت قيه اخواتى فى الله وانهم نعمه كبيره جداااااااااااااااا.عرفت ان فى شباب كتير بقى تفكيرهم تافهه جدا ولازم يكون فى صحوه للشباب دى وان احنا لازم نتحرك وعرفت برضه ان الخير فى وفى امتى الى يوم القيامه.لما تلاقى ناس كتير جدا يوميا اول ماتدخل القطر تقول الاذكار وتلاقى المصاحف وكانها تيجان على رؤؤسهم ومش فى رمضان بس دا كل يوم.فعلا تحس بالخير وتدعى ان ربنا يهدى شبابنا .فعلا ما اجمل ايام القطر دى وكلها ايام ونرجع.وربنا يكرمنا ونستقر السنه دى.جميله الايام دى والانسان فعلا مش عارف الخير فين.وانتظرونى فى باقى الذكريات واليوميات والمره الجايه احكيلكم عن المشرحه وعن القصر العينى وعن النشاط.سلام يا شباب على امل العوده

يوميات بى تى شقيه

فى البدايه كتير منكم مش عارفين يعنى ايه بى تى

بى تى اختصار لكلمه(PHISOTHERAPY)

يعنى اخصائى علاج طبيعى ودا اختصار

ام عن يوميات وانا هاكتبلوكم عن سنه كامله قضيتها فى كليتى المصونه العلاج الطبيعى با ختصار وبدون تطويل .الكليه دى يا جماعه كليه جميله جدا وبتوفر لينا حاجات كتير بالرغم من عيوب كتير ربنا يسهل وتتغير

اما عن اليوميات فهى عن الحياه فى الكليه وسفرى اليومى لقاهره المعز والبهدله والضحك والهزار وساعات البكاء

والله ياجماعه انا قابلت ناس وشوفت حاجات لو كنت اقعدت ميت سنه مكنتش هاعرفها وربنا رزقنى بناس كويسين اوى واتصاحبنا وبقينا اكتر من الاخوات بنحب بعض بجد .

كنا بنخرج من المحاضره ولو خلصنا نروح نجيب اكل من عند محل اسمه الشبراوى مشهور جداااااااا فى الدقى وفى القاهره كلها ويا سلام على بطاطس الشبراوى بالكاتشب والمايونيز ولا الفول والله كان تحفه محل اصلا رائع

ونقعد ناكل فى الكليه وكنا بنلفها عشان نلاقى مكان نعرف ناكل فيه بعيدا عن شارع الحب اللى ورا الكليه

على فكره الكلام ده كان فى الترم التانى لانى للاسف فى الترم الاول كنت مع نفسى بالرغم من انى اجتماعيه جدا بس الغربه وحشه اوى.

وكمان والله ياجماعه كنت بحس مع اصحابى فى الكليه انى مع صحبه صالحه بتعيين على الطاعه ونشجع بعض على الخير والمذاكره

كانت ايامنا بتمر ما بين امتحانات ما فى السكاشن او امتحانات ميدتيرم او عملى لحد النظرى بس قدرنا وسط كل ده نفرح ونمرح ونحب بعض فى الله جدا بجد كانت نهبالرغم من قسوتها عليا فى البدايه لكن كانت حلوه وكلها ذكريات وان شاء الله اكمل معاكم يومياتى واحكيلكم عن القطر وعن القصر العينى والمشرحه ان شاء الله انتظرونى

بحب يا نااااااااااااااااااااااااااس.

النهارده انا حبيت اكتب تانى عن حاجه مهمه جدا فى حياتى وحياتكم كلكم وهيه الحب فى الله.

وموضوع الحب فى الله ده يحمل معى اجمل زكريات واجمل ايام .كل حاجه حلوه عندى كان سببها حب فى الله . اول موضوع اكتبه على

مدونتى واعمل كلام ليا فى عالم التدوين كان عن الحب فى الله

.

لكن ليه حبيت اكتب فيه تانى ؟

لان صدقونى والله انك تلاقى حد يحبك فى الزمن ده ويعبرلك عن مشاعره واحاسيسه بكل طريقه ممكنه وبشتى الطرق الممكنه دا شئ نادر

وامه تلاقيه لازم تمسك فيه بايديك وسنانك انك تعيش وانت حاسس ان ليك نص تانى لو غاب عنك تتجنن وفاكره دايما فى كل حاجه فى حياتك حتى فى نومك دا قمه الحب فى الله

انك لما تحصله مصيبه وتحصله ازمه تبقى حاسس ان المصيبه مصيبتك والازمه ازمتك .دا هو الحب فى الله. انك تحس ان فى حزنك وفرحك ان فيه حاسس بيك اوى وبجد عايش معاك كل لحظه فى حياتك . انك تكون كل اسرارك معاه وكل اسراره معاك انت .وتعيشوا مع بعض اجمل قصه حب فى الله دا اسمى شئ فى الوجود انك لما تسمع اى انشوده عن الاخوه فى الله او اى شعر تحس انك بتقولوه له بس. يبقى ده هو الاخوه فى الله.والله يا جماعه احنا من غير الحب فى الله ولا نسوى شئ وطبعا (اجمل ما فى الحياه الحب فى الله)شئ اجمل من الخيال والله احساس رائع جدا لما تحب مجموعه معينه وتسير معهم مع احسن صحبه وتحبوا بعض فى الله وتعيشوا لحظات جميله مع بعض .الشعور فى اللحظات ديه والله صدقونى لا يعوض ولا يساويه مال.

لان اسمى ما فى الوجود الحب وانك تلاقى حد يخاف عليك ويحبك من قلبه ويعبر عن حبه بشتى الطرق الممكنه وما بالك ام يبقى فى الله ولله تلك الحب الذى يعيش مهما فاتت السنين وتقلب الزمان فهو ثابت مهما يحدث فى الوجود

فاللهم ادم حبى فى الله لكل من احبهم وانت تعلم ما فى قلبى لهم واحفظ لى حبيبتى فى الله وكل احبائى فى الله

واقعنا اه. بس ممكن........................؟؟؟؟؟؟؟؟؟؟؟؟؟؟؟؟؟

كتير ام بنفكر ونشوف ايه الواقع اللى حوالينا بنحس باليأش والاكتئاب لاننا للاسف بنحيى واقع مؤلم للغايه واقع كله مشكلات وصراعات بين البشر.

لكن النظره ديه لو احنا نظرنا للحياه بصوره ماديه فقط ونسينا الروحانيات والايمانيات اللى بجد بتساعدنا اوى على التغلب على كل مشاكلنا .لكن لو نظرنا للحياه بمنظور الثقه فى الله وان احنا مؤمنين بالقدر وان ربنا قادر انه يساعدنا ويقف جمبنا لو فكرنا ان احنا لازم نتحرك ونشتغل ونتعايش مع بعض .لو فكرنا ان احنا لازم نفكر وندرب نفسنا على مهارات جديده تساعدنا فى الحياه .لو كلنا فكرنا كده الحياه هتتغير الواقع نفسه هيتغيير لو خلينا كلمه اليأس تخرج من قاموس حياتنا وبدلنا مكانها كلمه ان اى شئ محتاج لصبر عشان نوصله.اكيد هنقدر نغير الواقع .فاكرين بدايات برنامج صناع الحياه لاستاذى ومعلمى عمرو خالد .فاكرين همتنا فيه فاكرين ازاى قدرنا نتطلع طاقتنا ونشتغل لربنا بجد شوفته ان احنا بالاصرار والعمل ممكن نغير الواقع تعالوا سوا نرفع شعار

معا نصنع الحياه ومش بس هنصنع الحياه احنا معا نتحدى الواقع

فكره؟؟؟؟؟؟؟؟؟؟؟؟؟؟؟؟؟؟؟؟؟؟

بسم الله الرحمن الرحيم

الفكره اللى عايزه اقولكم عليها هيه فكره زميله ليه على المنتدى بتاع كليتنا المصونه وهى ان احنا عايزين نعمل موقع(يبين صوره الاسلام الصحيحه ودافع عنه والموقع ده موجه للغرب وهيبقى بالانجليزى

يا جماعه صاحبتنا دى عملت الموقع فعلا بس لسه تحت الانشاء ان شاء الله احنا هنكلم دعاه وعلماء باذن الله وهنحاول نجيب رقم ا\عمرو خالد ونكلمه واكيد هيساعدنا

واحنا هنرفع شعار معا نصنع الحياه ونتحدى الصعاب

وياريت الكل يشارك بافكاره ومقترحاتهم

احنا عارفين ان الموضوع مش سهل لكن هنحاول ولينا شرف المحاوله

غربتنا ما بين الروح والجسد

هناك لحظات تمر على الانسان يجد نفسه ابعد مايكون عن كل الناس .يجد نفسه فى غربه ولكنها ليست غربه بالجسد ولكنها بالروح دائما ما ينتابنا ذلك الاحساس بعد اى مصيبه او صدمه تحدث لنا يتمنى ان يهرب من الواقع بأى طريقه كى يحس به الاخرين ولكن ذلك الشعور الرهيب بالغربه والوحده من الممكن ان نستبدلها بشعور بمعيه الله وان الله يختبرنا فيريد ان نتقرب اليه اكثر وان نناجيه. كثيرا ماكنت اجلس فى وقت السحر وكنت اناجى ربى واتحدث معه عندما تضيق الدنيا علي وكنت اشكو الى الله ضعف قوتى وقله حيلتى وهوانى على االناس. وحقيقه ان ربنا بيخفف على الانسان الصدمات اللى بيقابلها فى حياته بانه يعطينا فى داخل كل محنه منحه ربانيه من الممكن اننا لانعرفها الان ولكن من الؤكد انها ستأتى يوما ما.

فاوالله ان هناك لحظات تمر فى حياه الانسان يجد امامه الدنيا اشبه بليل حالك السواد ليس به بصيص من امل ولانور ويحس ايضا بانه ينهار ولكن يكون هناك امل وحيد قد يكتشفه كلا منا عاجلا او اجلا ان الله يقدر لنا الخير اينما نكون.ولكن هى النفس البشريه التى تحزن لمصيبه اصابتها او صدمه وهى ايضا النفس البشريه التى تحاول ان تخرج من ازمتها ولكن كلا منا حسب ارادته

ولكن ليكون فى بالنا ان الله يحبنا فيبتلينا وانه هو القادر على ان يذهب احزاننا ويبدلنا خيرا منها فرحا وسرورا وان تعود البسمه الينا

ااااااااااااااااااااااااااااااااااااااه ابى

القصه قصه دمويه تحدث فى اليوم والليله قصه طفله من ارض فلسطين الابيه انها قصه مأساويه تحمل فى طياتها دليل تخاذل امتنا العربيه احلفكم بالله ان تحيوا القصه كما هى وتعيشوا معها اللحظات التى لا تكفى دموع العين ان ترثى فيها الانسانيه.

شاء القدر ان تولد حماس تلك الطفله التى كانت تحمل ملامحها البراءه

مختلطه بالاحزان فى مخيم خان يونس للاجئين ولدت وترعرت تلك الطفله وهى لا اب لها فابوها فى غيابات السجون الاسرائيليه منذ نعومه اظافرها ولكن امها زرعت فيها معانى الحماس وحب الاوطان وحب الشهاده والموت فى سبيل الحريه وفى يوم بعد ان بلغت العاشره من عمرها كتبت تلك الرساله لابيهاابى يا اجمل اب فى العالم ياطوق نجاتى وجنه ايامى اشتقت لحضنك يا ابى الى قلبك الدافئ الذى حرمت منه ايام وليالى فانا يا ابى وحيده يتيمه بالرغم من وجودك فى الدنيا ابى لقد فاضت دموعى وانا اكتب كلماتى ابى لقد تمنيت ان يأخذوا عمرى كله وان اراك ولو لحظه واحده ابى كيف حالك لاتخاف يا ابى فالنصر قادم لا محاله وستكون فلسطين لنا مهما طال العمر فالنصر قادم لا محاله .لا تخش على ابى فانا حماس بنت فلسطين سا غسل العار العربى فى يوم ما مهما كلفنى ذلك من جهد او وقت او حتى ان افدى وطنى بروحى لن ابخل يوما بالروح. ابى يا من احبتتك وعشقتك وكتبت فى حبك احلى كلام العشق يا عمرى القادم والماضى يا كل املى وفرحتى يا نور عينى ثبتك الله على المحن ابى اشتقت لك لكن ليس كل مايتمنه المرء ييدركه فبعدك علمنى البطوله لن تفتر يوما عزيمتى ابى بدموعى اكتب كلماتى اتخيل صورتك العذبه وانت تقرأ اهاتى ارجوك ابى الا تيكى فبكائى ليس حزنا لكنه فرحا انى اكتب لاغلى اب فى الكون كلمات حب ووفاء للاب الحانى والقلب الصافى احبك ابى احبك ابى ولكن اريد ان اكتب كلمتى الى كل المجتمعات الانسانيه لحقوق الانسان والى كل الشعوب العربيه اتحسون بمأساتى بالامى اتحسون بما فى قلبى من حزن من كمد انا طفله حرمت ابها من الصغر حرمت حنان الاب فى ليله العيد رحمت حضنه الدافئ حرمت وانتم تنعمون حرمت وانتم تلهون وتقولون ما دورونا ما ذنبنا نحن اطفال فلسطين ان نحيى فى الذل والهوان ونذوق معنى الحرمان ماذنبنا لكننا وتذكروها يا كل العرب لن امضى الا فى دروب الحق وانا ارفع هامتى سنعيد مجد امتى ولكن اقول كلمتى عار على الرجال عار على حماه حصن الا سلام عااااااااااااار عليكم ياعرب فدموعنا اعراضنا اهاتنا اناتنا فى رقبه كل العربوختمت حماس رسالتها وهى تبكى دموعا بل نارا تتأجج فى القلب والواجدان وتنادي فينا اين العروبه والرجوله ياعرب .اخذت تصرخ ودموعها ملئ العيون ااااااااااااه ابى ماذنبنا؟؟؟؟؟القصه من وحى خيالى ولكنها تحدث كل يوم فى فلسطين_

انا لن اسلم رايتى

حقيقه مأساويه بل حقيقه ذل ابديه .اصبح قاموسنا ملئ بمفردات الذل والهوان والضعف والاستسلام اصبح اطفالنا يتعلمون قتل ذبح بدلا من زرع حصد.كل هذه الحقائق التى لايختلف عليها اثنان تزداد يوما بعد يوم يزداد الذل والهوان نخضع ونستسلم بحجج واهيه بسلام زائف .نضعف امام قوى الغرب يوما بعد يوم نضعف سياسيااقتصاديا عسكريا كل يوم الليل يزداد سودا وطول نتساءل ام آن لليل الظلم ان ينقشع؟ قبل ان نسأل انفسنا متى ينقشع الليل نسأل انفسنا متى تفيق امتنا من غفلتها متى نعود امه قال الله تعالى عنها (كنتم خير أمه اخرجت للناس)هل نحن خير امه اخرجت للناس فى الوقت الحالى .من ضيع هويتنا غيرنا من جرى وراء اذيال الحضاره الغربيه غيرنا اوليس نحن الذين ضيعنا هويتنا طمسنا مبادئنا وارتمينا بأحضان الغرب نقلده فى الاشياء التى تتنافى مع اسلامنا ونبعد عن الاشياء التى أخذها الغرب عننا وتركنها نحن بدلا من ان نبحث ونتساءل عن متى ينقشع الليل وتسطع شمس الاسلام ويرتفع لواءه .

فلنكن نحن اداه من ادوات التغيير نكون ايجابين نبحث عن الحقيقه ونغير من انفسنا حتى يرزقنا الله النصرقال تعالى (ان الله لايغير ما بقوم حتى يغيروا ما بأنفسهم)فلنكن نحن الامل .

يا امه سادت قرونا قومى من غفلتى الاستسلام والهوان وتشبثى بالحق ان الحق نورا وتبيان

فالحق ات فى يدى انا لن اسلم رايتى مهما بذلت من الدماء ارواحنا ابنائنا هما للوطن خير الفداء

فلنكن سويا سائرين على درب الايمان حتى يعود مجدنا كما كا ن

بناء شخصيتك بدايته فكر راقى

فى البدايه التجربه دايما بتبقى خير دليل وعشان كده كل حاجه فى حياتنا مش بنقتنع بيها الا لما نجربها المهم
ايه بناء شخصيتك وفكر والفيلم ده انا هاقولكم اول خطوه عشان تبقى انسان ليك ارائك اللى تحترم لازم يبقى ليك وجهه مبادئ بتقتنع بيها تدافع عنها وتحاول تنشرها وسط الناس واكيد طبعا خليك من الباحثين عن الحقيقه انا عملت كده فى حياتى جريت وراء الحقيقه اتعلمت قرايت فى بدايه طريقى اللى بدات التزم بتعاليم دينا الجميل حاولت امشى واقابل واحاور ناس عايز اتعلم اقرا كتب يمكن كانت كبيره على سنى بس الحمد لله وصلت الكتاب ياجماعه بيفرق كتير فى شخصيه الواحد كل واحد فينا عارف هو ايه وعايز ايه عايز تبقى صاحب وجهه ولا تبقى انسان ماشى وخلاص عايز تبقى انسان تأثر فى المجتمع ولا لا عايز تضيف فى قاموس البشريه حاجه ولا لا كتير هيسخروا منى وهيقولوا بقى احنا اللى هنضيف؟ ايوه انتم اللى هتضيفوا هتضيفوا حاجات كتير كل واحد فينا بيأثر فى المجتمع اللى بيعيش فيه اما بالسلب او الا يجاب ياجماعه حاولوا تبنوا نفسكم وانتم لسه فى بدايه العمر قبل ما يمشى العمر بينا ام تبقى شخصيه ذات فكر واسلوب وتأثير احسن ماتبقى مالكش لزمه جيت الحياه زى ما جيت الكلام حلو بس يارب نفذ هتفرق كتيرررررررراوى لو بقى عندك فكر ووجهه ويبقى ليك مبادئ تؤمن بيها والحمد لله ان اسلامنا علمنا كده لا يكن احدكم امعه الله عليك يارسولى الحبيب اتكلمت عن كل حاجه فعلا وما ينطق عن الهوى

احنا فين من احلامنا

كل واحد فينا كانت ليه احلام عاش لها ايام وليالى كتيره وبعدين فجأه صحى لاقى كل حاجه ضاعت .هل هى ضاعت فعلا مننا ولا احنا اللى ضيعناها ولا ايه بالظبط من رايئ ان فى احلام بضيع بمزاجنا واحلامنا بيبقى ربنا مقدر لنا انها تتحقق طب بتضيع بمزاجنا ازاى هقولكم ازاى ما عشناش الحلم ما سعيناش ان احنا نحققه يبقى احنا ضيعناها بايدينا بس الاحلام اللى ربنا ما اراد انها تتحقق اكيد مكنش لنا فيها خير عشان كده كل واحد يحاول يسعى لتحقيق احلامه مهما كان الحلم صعب وبلاش نفضل نحلم ونضيع وقتنا فى احلام ومنحققش اى حاجه منها خلونا نبقى اكثر واقعيه ونسعى لتحقيق الحلم واكبر حلم لينا اكيد تحرير اراضينا وقبلها تحرير انفسنا اللى كلت من العصيان والبعد عن ربها ساعتها ربنا هيفتح علينا ونبقى زى الفل ونكون بجد عباد لله ونحقق كل احلامنا

الحب الذى هرب منا سنينا

لو اول مره احس تلك الاحساس الرهيب بل هو احساس جميل احساس لم يحسه اى محبوبان على وجه الدنيا حب منزهه عن الاغراض والمصالح.تلك الحب الذى اصبحت لا استغنى عنه انه الحب فى الله الذى طالما بحثت عنه ايام وليال طوال ابحث عنه وانا تائهه فى بحر الحياه تلك الحب الذى يجعلنا نضحى من اجله صدقونى عندما وجدته احسست بمعنى الحياه ومعنى الحب لان القلب دائما ما يبحث عن الحب فهل وجدتموه انتم ايضا اذا كنتم ما زلتم تبحثوا عن صديق وفى او عن رفيق لدرب الحياه او صاحب يتخطى معك الصعاب فليكن شعارك الحب فى الله فهو اجمل مافى الوجود