السلام عليكم
ازيكم وعاملين آيه طبعا الساحه مليئه بالمواضيع اللى المفروض نتكلم فيها بس حبيبت الاول ارسم ليكم صوره واقعيه لحالى وهدفى مؤكد مؤكد
انكم تدعو وتكثفوا الدعاء
الحمدلله اتطحنت طحنه تمام
وكنت مضغوطه جدا الأسابيع اللى فاتت
تقريبا اخدت نفسى النهارده
ومابين امتحانات وامتحانات وامتحانات
وأشياء لازم الواحد يعملها
الحمد لله الذى لايحمد على مكره سواه
بس الادهى بجد فى اللى جاى
سيادتنا هنبدا امتحانات العملى والشفوى للترم
يوم 18 \12
ومن يوم 18 الى يوم 29\1
امتحانات امتحانات امتحانات
انا عندى استعداد اكتبلوكم الجدول
يعنى ممكن يرأفوا علينا بيوم تلاته كده قبل اول ماده
الى وقتنا هذا مش متخيله انا هأقعد فى بنت المعز المده ديه ازاى
طب اخد عربيه اكل يعنى ولا آيه انا مش فاهمه
امنيه حياتى أعرف هو ليه احنا بنطحن كده
بغض النظر
انا خلاص بقيت بكتب على كتبى
وكتاب الفسيولوجى يشهد
كليه العذاب الطبيعى
بس بجد انا التدوين والمتابعه وحشانى موووووووووت
لكن العيد تقريبا مش عيد الا اول يوم وخصوصا الصلاه
يعنى بعد كده المفروض المفروضالمفروض
هنذاكر عشان العاصفه اللى هتهب علينا بألأمتحانات
انا خلاص والله هأعيط
بس حاسه انى الى حد ما مبسوطه
مش عارفه ليه
يمكن عشان معظم الضغوط خلصت
ولا عشان العيد خلاص قرب
هشوف الناس اللى مش بشوفهم خالص
انا أصحابى نسيونى ياجدعان
يلا محدش بياكولها بالساهل
احب أقولكم حاجه
ان شاء الله اكيد هنزل بوستات قادمه عشان نوفى حق كل المواضيع الكتير اللى ع الساحه
لكن وصيتى اليكم
غزه
لاتنسوها من الدعاء
ونفعل القضيه أكتر
وادعوا كمان لأخواننا المعتقلين
لان الاعتقالات شغاله نار
وطبعا التضامن مع محمد عادل صاحب مدونه العميد ميت ومحمد خيرى صاحب مدونه جر شكل
ان شاء الله اكتب أكتر فى مرات قادمه
لكن دعواتكم
بورك خطوكم
6 comments:
لا نملك فى الوقت الحالى الا الدعاء لك بالصمود والتحدى والنجاح الباهر بأذن الله ... وشدى حيلك ..هانت كلها ايام وترجعى لنا تانى موفقة بأذن الله
مع خالص تحياتى
وعيد سعيد عليك وعلينا وعلى امة محمد صلى الله عليه وسلم أجمعين .. آمين
ربنا مع حضرتك يارب
وكل سنه وحضرتك طيبه
الله معك حبيبتي في الله
ربنا يوفقك يااااارب
انا عارفة قد ايه كليتك صعبة
لكن ماذا يقف أمام
الدعاء .. والاجتهاد ... وتقوى الله
ومن يتق الله يجعل له مخرجا ويرزقه من حيث لا يحتسب
ربنا يوفقك بإذنه
وحشتيني
الأخت الفاضلة
السلام عليكم ورحمة الله وبركاته
وكل عام وأنت بخير وإن شاء الله عيد سعيد
وندعو الله تعالى أن يوفقك فى امتحاناتك
وأن يجعلها سهلة يسيرة ويكللها عليك بالنجاح والتوفيق
اللهم آمين
أخوك
محمد
ربنا يوفقك يا أختنا
و لن ننسى غزة بإذن الله
ربنا يجزيكى خير على الوصية دى
و يثبتك على الإيمان
د.حماس
موفقة باذن الله تعالى
يسر الله لنا ولكم الامر العسير
Post a Comment