Thursday, March 5, 2009

فى طريقى للعوده

فى طريق العوده من حفل توقيع كتاب (أنا أنثى)الكتاب الثالث فى سلسله مدونات مصريه للجيب كانت لى هذه الخاطره التى جالت فى عقلى وكنت أتمنى أن أكتبها حينها

كنت أسير ولا أعبأ بما حولى ربما يكون الطريق ليس بطويلا ولا بقصيرا ربما يكون طوله عاديا. .كنت أسير وأنا أحس باننى لا أشعر بمن حولى أفكر فى أشياء كثيره تجول بخاطرى بأشياء على أن أفعلها بمهام لم تنفذ بعد.حاولت أطرد كل هذه الافكار التى تجعلنى أختنق وبشده فى أجمل لحظاتى وقررت ان اشترى كوب من المانجو مؤكد عصير فريش .أخذت ارتشف من كوب المانجو وأنا وأفكر ولكن هذه المره طردت من عقلى كل الاشياء الكئيبه التى تتضايقنى حاولت أن أستمتع باللحظه وأكملت المسير كنت أحس اننى كأليس فى بلاد العجائب فأنا أسير وكأنى أرى هذا الشارع لأول مره رغم ان الطريق من بنك فيصل الى مركز البحوث طريق سرت فيه كثيرا جداا ولكن كنت أرى الأشياء وكأنى أول مره أراها كنت أحس اننى أسير واحلامى تتراقص من حولى تحاول أن تصنع حولى مدار واسع حتى أتحرك فيه بحريه.لكننى كنت أرى حالى أمامى هو آيضا يسألنى سؤال أراضيه عن حالك.لا أكذبك خبرا أنى غير راضيه عن حالى هذه الأيام ربما تكون مجرد فتره وستمضى لكنى حاولت أن أرد عليه وأقول له أننى أحاول كثيرا وبشده وهناك أشياء أستطيع أن أفعلها وأشياء لا.كنت أحاول أن أتحدث مع نفسى بصوت مسموع كى ترد على ولا تتركنى كعادتها.لكن نفسى كانت تريد الأستمتاع فكانت تلهينى بكوب العصير وتحذرنى لقد اوشك ع الأنتهاء فأستمر فى الاستمتاع متناسيه كل من حولى وما حولى.كنت أحس اننى فى حاله غريبه من السعاده الممتزجه ببعض الشجن .حاله يمكن أن أوصف مشاعرى فيها كموج البحر الذى يعلو فجأءه وينخفض فجأءه كنت لا أخشى أن أصل سريعا فانا ومنذ فتره كبيره كل ما أصل الى المكان الذى أسكن فيه أصاب بحاله من الصمت الرهييب وأحس اننى لا أريد أن اسمع اى كلمات من اى حد .كثيرا ما تغضب منى صحويباتى ولكنهم تعودوا وتأقلموا مع حالتى.فى الطريق كنت أحاول أن أحاول فهم نفسى ومصالحتها من جديد فى الطريق كنت احاول ان يكون لى عوده فى الطريق كنت أحاول غزل ثوب من الأمل فى الطريق كنت أحاول ان أقوى الثقه ببالبشر.أشياء كثيره كانت فى الطريق.فهل أدركتها وأخذتها معى لتؤنسنى ام انى تركتها ام انى ماذا.لايهم كثيرا لكم لكن فى النهايه كانت لحظات رائعه جداااا كانت لحظات احتاجها حتى وان أثقلت علي أشياء وخففت أشياء. كانت هذه لحظات فى طريقى للعوده


ع الهامش

الحفله كانت حلوه والكتاب جميل

فرحانه بأشياء كتير
منها انى اتعرفت اخيرا ع د\رشا عبد الرزاق

البنت العاديه جدا الرقيقه جدا اللى بحبها جدااااااا

منها آيه الفقى

اللى عرفتها ايام غزه عن قرب

احب أقولك كلمتك فى الحفله كانت فى الجووون

ربنا يوفقك

ومنها معرفتى بزهراء أمير بسام(فزلوكه)

بجد احببتك والبوست بتاعك جميل

ومنها شمس الدين مقابلتى معها كلاكيت تانى مره

واصرارها ان احنا نتواصل

ومنها د\مصطفى النجار رغم عدم حديثى معه الا لحظات

ومنها انى اتعرفت على ا\يحيى هاشم صاحب دار اكتب للنشر

صدقا هو بيشجع اى موهبه جديده واى فكره جديده احسبه كذلك ولاازكيه ع الله

ربنا يكرمه بجد
حاجات كتيره كانت حلوه

معذره ع الخط فى حاجه غلط فى المدونه مفيش فى شريط المهام تكبير الخط
حد بقى يتولانى ويقولى اعمل ايه



.

23 comments:

حسن حنفى said...

خاطره جميله

الحفل فعلا كان اكثر من رائع اتمني انه يتكرر تاني

Unknown said...

سلام الله عليكم ورحمته وبركاته
ياااااه كل ده في طريق العودة
واضح ان عصير المانجو اثر في حضرتك جدا
:)
خيرا ان شاء الله ,جميل ان يستطيع الانسان وصف مشاعره بهذه الدقة , ان الشعور بالمشكلة هو اول طرق الحل , والنفس دائما تحتاج الي مراجعة كل يوم بل في اليوم الواحد عدة مرات ,ان حال الانسان ان لم يكن في زيادة فهو في نقصان
نسأل الله ان يجعل حالكم خير حال
وجزاكم الله كل خير

الفاتح اليعقوبي said...

السلام عليكم
اولا مبروك علي الكتاب يااستاذة ولو إن اسمه عنصري شوية
وثانيا
خواطر كثيرة بتراود كل واحد فينا وبالذات لما يبقي لوحده بيتمشي في جو هادئ
والاهم من ده كله اننا نفضفض عشان نفك عن نفسنا شوية عشان منفرقعش
والسلام

د.توكل مسعود said...

السلام عليكم ورحمة الله وبركاته...وبعد

فبرجاء التنبيه... والتنويه....على الزائرين الكرام الذين يكتبون التعليقات القيمة..أنهم عند مخاطبة الإناث يكتبون:
شكرا "لكى"
"دمتى" بخير
"جزاكى" الله خيرا

والصحيح أنها تكتب بغير"ياء".
ويفرق بين خطاب الإناث وخطاب الذكور بالحركات،

فتوضع الفتحة على نهاية الكلمة عند مخاطبة الذكور فنقول: "لكَ"، "دمتَ"، "جزاكَ"
اضغط ضSHIFT+
وتوضع الكسرة على نهاية الكلمة عند مخاطبة الإناث فنقول: "لكِ"، "دمتِ"، "جزاكِ"
اضغط شSHIFT+

هذا من باب حب اللغة العربية والغيرة عليها...
"واللى مش بيغير.. يبقى مش بيحب"
مع الاعتذار للفصحى

وتقبلوا شكرى وتحياتى

walaa rizk said...

حسن حنفى

انت كنت هناك

ماشاء الله

جزاكم الله خيرا ع تعليقك

ان شاء الله المرات القادمه الحفل يبقى اجمل واجمل

walaa rizk said...

الفاتح الجعفرى

انا كان فى دماغى حاجات كتير اوى بس مش قدرت أكتبها كلها


اصل كاذ العصير لذيذ جدا


جزاكم الله خيرا ع اضافتكم الرائعه

walaa rizk said...

الفاتح اليعقوبى


اهلا بحضرتك من جديد

انا ع فكره مش مشاركه فى الكتاب

مليش بقى دعوه بالاسم العنصرى يعنى


وفعلا الواحد لازم يخرج اللى جوه عشان مش يفرقع لا مش ينفجر

الله المستعان

walaa rizk said...

د\توكل مسعود

جزاكم الله خيرا ع النصيحه الرائعه ديه

كريم مصطفي سيد said...

السلام عليكم ذكريات جميله ونتمني التواصل

ياسر سليم said...

دى أول زيارة ليا

وعشان ما تكونش اخر زيارة

ياريت تكبرى الخط شوية

عشان بعيد عنك انا لابس نظارة

ِِAdem El-Mahdy said...

سلام عليكم

يارب الاحساس ده يكون على طول

وبس

Anonymous said...

دي لقطة من لقطات الواحد لما بيستسلم للتفكير و التفكر

انا فعل سعيدة اني قابلتك و صراحة اجمل الاشياء في الحفلات دي هي الالتقاء بالطبيعة بمن تراي كلماتهم في فضاء النت

walaa rizk said...

كريم مصطفى سيد

ان شاء الله نتواصل

جزاك الله خيرا

walaa rizk said...

ياسر سليم

معلش عذرا بجد مش عارفه اعمل ايه فى موضوع الخط

واهلا بحضرتك فى مدونتى

walaa rizk said...

adem elmahdy

انه احساس اللى يفضل ع طول؟؟؟؟

وبس

walaa rizk said...

شمس الدين

منورااااااااااااااااااااانى بجد

واعمل ايه استسلمت للتفكير وانا ماشيه

وبجد احلى حاجه انك تقابل الناس اللى انت قريت ليهم قبل كده

وربنا يجمعنا دايما

سمية-بنت البنا- said...

السلام عليكم ورحمة الله وبركاته

عاشقة الأقصي ،،..

حبيبتي ,.

في طريق العـودة ..

ألقيتِ علي الطـريق أفكــار ..
جمعــت بعضهــا ... فكـانت انطـلاقة ..

أمـا البعض الاخر ....
فقــد تركــتيهـا علي الطريق ..،،


_____

يبدو أنه كـان لقاءً رائعـاً ..
شخصيـات نتمـني جميعاً لقائهـا ...

......

عاشقة الأقصي ،،
يسر الله لكِ أموركِ..
وفكَ كـربكِ وفرج همكِ ..

اشتقتُ لحديثي معكِ
رجاءً .. اعذريني لتقصيري ..

أحبكِ في الله ..

بوركتِ حبيبتي

walaa rizk said...

حبيبتى

سميه

أثلجت صدرى بتعليقك

ربنا يعزك ويبارك لك

أنا اللى عذرا على تقصيرى نحوك

ربنا ييسر لك أمورك

فلسطينية الهوى said...

اخدتي الطريق مشي ؟؟

وانتي اللي كنتي تعبانة ومش قادرة

بتهرجي والله

بس انا بقى مشيت للتحرير :D

شكرا يا لولو بجد على حضورك

حضورك أسعدني جدا

وكويس ان الكلمة عجبتك اصلها مش عاجباني اوي .. دي نزلت عاليوتيوب كمان ، مش عارفة كنت جايبة الصوت البشع ده منين :(

كان ناقص يابنتي بعد الكلمة دي اقول آية الفقي من مدوني ... :D

كملي انتي

عقبال حفل توقيع كتابك يا بنوتة

ولو مش عاجبك السكن بتاعك تعالي السكن بتاعنا

walaa rizk said...

آيه

منوره بجد المدونه

انا اخدت الطريق مشى ومش عاوزه أقولك انى كنت قد آيه تعبانه بسكنت محتاجه امشى مع نفسى اوووووى

اما الكلمه فكويس جدا انها نزلت على اليوتيوب

وان شاء الله احملها

انت صوتك يايويو تمام

ربنا يحفظك

اما السكن

ع فكره انا الحمد لله مع اصحابى تمام

لكن هياى احيانا النفسويه بتبقى مش تمام اووى فبتقلب بنكد

بس الحمد لله

انا فرحانه اوى انى حضرتك الحفل

وربنا يوفقك لم احضر افتتاح فيلمك او كتابك

وتانى فرحانه انك زورتينى ياحبيبتى

ع نوتة said...

انا اسلاممنشد اسلامى صاحب
مدونة ع نوتة
انا من البحيرة

أميرة الجنة said...

حمد الله ع السلامة

محمد الهيتمى said...

دى اول مره تقريبا اعلق على مدونت حضرتك ..اسلوبك بسيط وجميل واحساسك رقيق وبوست رائع بيفكرنى بحالى لما اكون زهقان ..دمتى على ابداع دائم