حسبى الله ونعم الوكيل

انهارده 6أكتوبر

ووللحكومه المصريه وقوات خيبه الدوله احتفال آخر

انهارده كان موعد انطلاق القافله الثانيه لفك الحصار المتجهه الى غزه من امام نقابه الصحفيين

ولأننا الظاهر كنا رايحين ولا حاجه نفجر رفح او نعمل حاجه تخل بأمن البلد اللى هو أصلا فيه خلل الا بس علينا.ازاى بقى تأبى الحكومه اللى بجد نفسى اقول لكل واحد فيه ولوزير الداخليه ولكلاب أمن الدوله

والله والله والله

للصوت الأسلامى هيرجع والأصلاح هيجى وساعاتها ربنا هيورينا فيكم يوم تقر فيه أعيننا

وان ارادتنا وحبنا لقضيتنا وتمسكنا بيها والله لو اخدونا كلنا والله مش هنخاف

بقولها انهارده وانا حسيت آد آيه معنى الظلم والقمع

احساس ان حد مكتف ايديك وكاتم صوتك

ومش قادرين نعمل حاجه

يحاصروا نقابه الصحفيين ويقفلوا شوارع وسط البلد

ويحاصروا المستشار الخضيرى والأخوه اللى كانوا امام جريده الأهرام يمنعوا القنوات تصور

اعتقلوا حوالى 40 اخ فى عربيه ترحيلات

غير منعهم لمعظم الناس انها تتدخل أصلا القاهره

وجريمتنا ان احنا عندنا دم عندنا احساس بأخوتنا اللى بيموتوا هناك فى غزه اللى محتاجين دوا وغذاء ومؤن

مش هتتخيلوا احساسنا ساعتها احساس ظلم من ظالم والله لو شوفتوا عدد الأمن وعربيات الترحيلات وعربيات مكروباصات عاديه وانتشارهم بلبس مدنى وكل شويه يقولنا ارجعوا ورا شويه

كان بيقولنا تقريبا رتبه من امن الدوله نمشى بعيد لأنهم كان محاصرين الاخوه والناس اللى وصلت قدام الأهرام

واحنا كنا مصريين نقف

قال ضباط امن الدوله هما اللى خايفين علينا قال

بجد حسبى الله ونعم الوكيل

فى كل ذيل من ذيول حكومه مبارك العميله

عايزه بس أقول حاجه ان بعد كل ده الاخوه قالولنا نتحرك قدام النادى الاهلى فى الاوتو ستراد لأن الاتوبيسات هتتطلع من هناك بالفعل اتحركنا وروحنا هناك ولما وصلنا شويه وجحافل امن الدوله ربنا لا يهديهم لا يهدهم ونرتاح بقى

وصلوا المكان وتقريبا حاصروا الأخوه اللى كانوا اتجمعوا ود\البلتاجى قالنا امشو انتم لان كده خلاص مش هتتحرك القافله

ومنعوا القافله

ومنعوا ان احنا نقول لأهل غزه حتى عذرا

ومنعونا فى نظرهم

لكن عمر ما الأراده اللى فينا هتتمنع وعمر ما احساسنا هيعدم زيهم

عمرنا ماهنسلم وننسى قضيتنا

ربنا يثبتنا على الطريق

مهما كان الطريق دا صعب مهما عملوا فينا ومهما اعتقلوا مننا بقولهم وانا حاسه بيها اوى انهارده لان شوفتوهم وهما بيعتقلوا الأخوه اللى كانوا فى اتوبيس عند الاهرام شوفتهم وهما بيحطوهم فى عربيه الترحيلات وكأنهم فراخ مش بنى ءادمين محترمين وراقيين

شوفت حته عسكرى لايفقه شئ فى شئ يحاصر ويمنع مستشار وصحفيين ودكاتره وشخصيات المفروض فى اى دوله محترمه تحترم

يمكن مشاعرى ملخبطه يمكن مش عارفه انظم كتابتى

لكن صدقونى احنا لسه راجعيين من فتره قصيره

ولسه الناس اللى مسافره بره القاهره مش وصلت

لكن كلنا كلنا بلا استثناء احساسنا واحد غضب واحساس بالظلم

وكلنا برضه هنفضل على نفس الطريق

يعملوا بقى اللى هما عايزينه

اتحرقوا قدام الناس كلهم

وياريت بقى الناس تفوق وتصحى بقى

وتعرف لحقيقه

عشان كفايه كده بقى

وحسبى الله ونعم الوكيل

والله والله والله

سنرى يوما تقر فيه أعيننا