وذهبت آخيرا الى معرض الكتاب السنه دى .بصراحه انا كنت فرحانه النهارده انى رايحه بس مكنتش أعرف الجو الرائع اللى كان مستنينى فى قاهره المعز.بصراحه أنا كنت حاسه ان شويه واتفحم من الشمس وطبعا الواحد تعب بسرعه بسبب الجو الربيعى الرائع.المهم انى روحت الحمد لله.انهارده افتكرت اول رحله روحتها لمعرض الكتاب كانت فى تانيه ثانوى يستحيل انسي الرحله ديه أبدا كانت حلوه جدا فاكراها كأنها لسه انهارده .فاكره لما اتخنقت مع أصحابى ومردتيش اكمل شراء معاهم لأنهم كانوا عاوزين يتفرجوا وخلاص.وانا كنت ببات فى مكتبه اسمها البشير بحبها جدا .المهم يوميها كملت شويه لوحدى وبعدين قابلت بنات من الرحله.كانت رحله رائعه .اما انهارده بقى بعد كذا سنه من الرحله وروحت انا المعرض بعدها كذا مره حاسه انه نفسى المكان لكن الروح اختلفت يمكن أكثر تنظيما حتى سور الأزبكيه .المره دى روحت لوحدى المعرض لكن قابلت هناك علياء صاحبتى معايا فى الكليه واخوها الصغير.ولأول مره أشوف ولد مازال يحمل البراءه وهو فى سن الطفوله ما تستغربوش اطفال الايام دى مش أطفال دول عفاريت معجونه ب.........محمد ده بقى حكايه.علياء بقى او سندريلا زى معرفتها حد حس عالى جدااا فى الكتابه بتكتب مختلف عن مدونتى كتير بتكتب رومانسى لكن رومانسى تحسى انها عاشت الحال بالرغم من انها مش بتبقى عايشه الحاله ولا حاجه والله لو تسمع كلامى هنسمع آسمها ع الروايات ههههه.
المهم اشترينا آيه بقى
انا قبل ما أقابلها كنت شاريه تقريبا كل الكتاب
اشتريت وآخير وبعد طول حلم بكتب الأستاذ محمد أحمد الراشد
المنطلق
العوائق
رسائل العين
من البشير على فكره
واشتريت بقى روايه صدى السنين
وروايه ثلاثه رجال فى حياتها
عيد الحميد جوده السحار
.
وقصص متنوعه
روسيه انجليزيه فرنسيه مترجمه طبعا
لمحمد السباعى
قصه عن غاندى بس بلغه الفرنجه
اهو نجرب نقرأ حاجه انجليزى غير كتب النيورو والاناتومى
وكمان كتيب نقطه رجوع د\خالد ابو شادى
وطبعا فلست وأعلنت أفلاسى
المهم انى اول مره اروح معرض الكتاب وانا مش محوشه فلوس
عشان كده معرفتش اشترى كل اللى انا عاوزه
والتجئت على ماما والرفاق
ختمت اليوم باجتماع أصدقاء لجنه الأغاثه
ياريت تيجوا وتبقوا معانا وتشاركوا
كمان دا لينك جروب الفاس بوك
http://www.facebook.com/group.php?gid=48033159481#/group.php?gid=48033159481
عاوزين ناس تبعت تقول معاكم
بالجهد والوقت
على فكره كل فريق أصدقاء الاغاثه
مشغولين جدا وناس عندها مشاغلها وبتيجى
ناس كبيره فى السن وناس فوق الاربعين او تحت الاربعين وشباب صغير
محتاجين الناس تيجى
وياريت لا تنسوا ان غزه جرحها لسه غائر اوى
وانتهى اليوم الحمد لله ع خير
وبجد رغم انى مش شايفه قدامى بس قلت لازم أكتب وربنا يكتبلى انى اشترى بقيت كتب الراشد ان شاء الله
ع فكره انا عندى كتب كتير بتاعتى انا من حر مالى يعنى بحاول اجمع كتاب عشان تبقى مكتبتى غير المكتبه الرئيسيه فى البيت
اللى فيها كتب نفسها تتقرأ والله بس النفس
وبس والحمد لله انى رجعت بيتنا سليمه دون اى خسائر الا حرقه الشمس
دمتم مبدعين
ع الهامش
الخط انا مليش علاقه بيه
مش عارفه الصفحه عندى معدتش فيه حجم الخط وبقيت التظبيطات ديه
حد يقولى بقى حل عشان انا نفسى عنيه وجعتنى
26 comments:
حفظكم الله وحفظ اصدقائكم :)ورعاكم يارب
===================
لو حضرتك كنتى تعملى ريفريش لبصفحه اثناء كتابه الموضوع كانت هتيجى اغلخط والحاجات دى .. والله اعلم
===============
دعواتكم
دار البشير بتاعت طنطا ؟؟
يبقى اللى كانت في سوق النور أو شركه النور
صراحه ناس تمام اللى كانوا واقفين فيها انا كنت معاهم فى المعرض لمده عشره ايام وفي نفس المكان بس تبع دار أجيال
رحله موفقه
انا برضه رحت المعرض امبارح بس رجعت ميت وده لاني مش قعدت فيه الا ساعتين بس وروحت تاني :(
المعرض كان رائع وطبعا البشير كانت الوجهة الاولى عشان روايات نجيب الكيلانى
بس مفتشوكيش عالبوابة زينا كاننا داخلين بمتفجرات
دول فتشوا شنطتى حتة حتة
اخيرا عرفتينى انا كنت قربت اشك فى ذكائك
حرف الضاد كان واضح جدا يا دكتورتى
نتمنى أن يأتى اليوم الذى يكون فيه معرض الكتاب على مدار العام لأننى للاسف اول سنة لا أستطيع فيها الذهاب لظروف العمل ويعلم الله كم انا حزين .....
بوركتم وبوركت رحلتكم
المعرض بجد اكتر من رائع
السلام عليكم ورحمة الله وبركاته
حبيبتي عاشقة الأقصي ..
عوداً حميداً ورحلة سعيدة بإذن الله تعالي
..
بالأمـس ..إذاً عندما اتصلت كنتِ هناك:)
خرجتِ من المعرض بأشياء رائعة..
بيني وبين المعرض علاقة وثيقة ..
أحفظ تقريباً معظم الاماكن هناك..
........
جُرح غزة والأقصى لن يُضمد إلا بالنـصرِ الكبير ..
بنـصرِ الإسلام ... بعودة أمتنـا إلي الأعالي مرة آخري... بجهود المخلصين وتكاتفهم ...
غَـزة انتصرت .. بثبات أهلها وجهادهم..
أما نحنُ هنا مازلنا بحاجة للمزيد من الجد والجهد والتربية لنتعلم منهم ..
وقريباً باذن المولى عزوجل سيكون النصر ..
____
علي الهامش:: أعتذر مرة آخري لتقصيري
في الله أحبكِ أخية
لا تنسينا من دعائكِ
__
أختكِ::
سمية-بنت البنا-
بسم الله الرحمن الرحيم
الأخت الفاضلة : عاشقة الأقصى
بارك الله لك فى قراءاتك وفى أوقاتك
وجعل الفائدة فيما اشتريت من كتب
كم هى كتب رائعة وسوف تستمعين بأسلوبها الأدبى الراقى ومعلوماتها الدقيقة
حقيقى يا دكتورة معرض الكتاب ده اختراع جامد جدا بس مشكلته انه كبيير اوى وبتبقى عايز تشترى حاجات كتيير اوى
انا بروح كل سنه المعرض بس السنة دى اختلفت شوية
لانى كل سنه بروح واشترى حاجات كتيير اوى ويكون مصيرها إنى مش بفتحها وإن امى تاخدها وتقراها وتحضر منها
السنه دى بقى روحت عشان اشترى حاجات انا عايز اقراها لانى مش من هواة القراءه
فاشتريت 4 دوواين لفاروق جويده وكتاب اسمه استخدم ذاكرتك مترجم وجميل جدا وشوية قصص وروايات وبدأت الحمد لله أقرى فيهم على غير عادة
بخصوص الاطفال انا عندى احمد ويوسف بيبقوا فى الشارع حاجه تانيه عن البيت براءة وجمال وأدب وهدوء ورقه وكل حاجه حلوه
يوم ما يجوا عندنا البيت انا بصحى غالبا على حاجه بتكون محدوفه قى وشى وانا نايم وواحد يضرب والتانى يتفرج وكده
فلا يغرك الهدوء خارج البيت
انا حقيقى اكتر مكتبة بحبها هيا دار الشروق والبشير طبعا
وان شاء الله الفترة الجاية كلنا نعمل اى حاجه نقدر عليها لإعمار غزة
بالتوفيق يا دكتورة
حسام يحيى
جزاك الله خيرا
بس مش عارفه المشكله من آيه
تقريبا مش اللى حضرتك قولتله
mohammed alsha3r
هى دار البشير بتاعت طنطا
جزاك الله خيرا ع التعليق
وربنا يحفظهم يارب
حسن حنفى
ساعتين بس
امال انا اعمل ايه قعدت حوالى خمس ساعات فى الشمس لما الواحد مات من الجو الرائع
يلا رحله موفقه
ويارب تكون جبت اللى انت عاوزه
شامخه
طبعا اتفتشنا
بس فتحت الشنطه وخلاص
انتى عارفه بقى
ههههه
علاقاتى الدبلوماسيه
والحمد لله عرفتك
انا مش قلتلك يابنتى
انا كنت بدور فى دايره أوسع من النطاق اللى انت كنتى متخيله
يلا خير
منور ياقلبى
mesh_3aref
صعب اوى يوم طول السنه
المعرض بيحتاج مجهود كبير
وبعدين كده هنفلس من كتر ماهنشترى كتب
حضرتك ماتزعلش
ممكن تشترى اللى انت عاوزه من المكتبات
هو بس الميزه الوحيده هيا وجود كل مانحتاجه فى مكان واحد
بارك الله فى وقتك
مصطفى أحمد
فعلا كان اكثر تنظيما من اى سنه
بس هما ودوا بتاع الكشرى فيييين؟
اهلا بحضرتك لاول مره فى مدونتى
سميه بنت البنا
منوره ياجميل جدااااااااااا
المدونه
وبجد تعليقك مااقدرش اقول حاجه غيره
ساعه ما اتصلتى بيا كنت فى النقابه بعد لما اتهديت فى المعرض
ربنا يكرمك ويعزك يارب
وعندك حق
جرح فلسطين كلها لن يضمد الا بالنصر
بوركتى صغيرتى
أ\احمد عبد المنعم
جزاك الله خيرا
وان شاء الله ربنا يكرمنا ونقرا بقلوبنا لا بأعيننا
Soldier of allah
هو فعلا اختراع جامد جدااا
بس اهم حاجه ان الواحد يعرف هو عاوز ايه بالظبط
لانه لو ساب نفسه ومعاه فلوس كتير هيخرج بحاجات كتييير جدااااااا
وان شاء الله يفلس
اما موضوع براءه الأطفال
اخو علياء مش طفل صغير
دا فى تانيه اعدادى لكنه فعلا طفل شكلا وبراءه وطيبه
ربنا يخليه
دار الشروق رائع
بس صراحه شكلى ماروحتش هناك
مكنش فيه وقت لكل المعرض
وربنا ييسر لنا أمورنا ونعيد البسمه لأطفال غزه
سلام الله عليكم ورحمته وبركاته
بارك الله فيكم ,ولكن اعتقد ان الاسعار في معرض الكتاب هذا العام كانت مرتفعة جدا بشكل ملحوظ ,لدرجة اني لم اشتري الا كتاب واحد فقط "هذا الحبيب يامحب" للشيخ ابوبكر الجزائري وايضا بسعر مرتفع عن الخارج!!
وللكن كتب الدكتور الراشد اللي حضرتك اشترتيها في منتهي الاهمية وخاصة كتاب المنطلق لان اكتر من واحد نصحني به بس للاسف لسه مشتريتوش وعامة الاستاذ الراشد من العلماء اللي بيتميزوا بالعملية والفقه الحركي بشكل قوي واتذكر اني قرأت جزء من كتاب "الفقه اللاهب" لهذا الرجل وكان من اهم ما قرأت حتي الان نسأل الله ان يبارك له في علمه ويحفظه للاسلام والمسلمين
--
عامة معرض الكتاب من الظواهر الايجابية فعلا في هذا البلد والقراءة شيء ممتع ولكن تتوقف علي
لماذا اقرء
واقرء لمن
فقط نسأل الله ان يجعل كل اعمالنا له خالصة ويرزقنا علما نافعا وينفعنا بما علمنا
وجزاكم الله كل خير
اقرأ نص اتفاقية منع تهريب السلاح لغزة
وادعوا الله ان يثبت مصر في عدم التوقيع عليها
الفاتح الجعفرى
جزاكم الله خيرا يافندم
ع التعليق
وفعلا الاسعار غاليه جدا
بس الى حد كبير البشير بتعمل تخفيضات كويسه
والله المستعان وربنا يرزقنى الفهم وانا بقرا
اهم ما يميز معرض الكتاب انه بيطمن الواحد ان الناس لسه بتقرأ
ويارب ترجع امه اقرا تقرا
دمتم بخير
م\الحسينى لزومى
جزاكم الله خيرا
السلام عليكم
كتب موفقة
اهم حاجة بس تتقرى ، لان كتير الواحد مننا يكون عنده كتب كتي لكن مش بتتقرى
===
بالنسبة لمشكلة الصفحة
انصح بإستخدام
firefox
بدال
internet Explorer
و موقع التنزيل بتاع الفايرفوكس
www.getfirefox.com
وبس
نحو الهدف
هو فعلا اهم حاجه تتقرا
...........
على فكره موضوع الصفحه انا فتحت من الفايرفوكس وبرضه الدنيا مش عارفه حصلها آيه
جزاكم الله خيرا
معرض الكتاب ده هو الحاجه العدله الوحيده فى البلد ده
تحس انى ده بقايا الثقافه القليله الموجوده
مش عارف ليه كل الايام تبقى معرض الكتناب
اوعى تفكر
فعلا تقريبا هو الحاجه العدله اللى فضله
الله المستعان وما نلقيهاش اتحولت بقدره قادر لكبار الزوار فقط
شكرا ع الزياره
Post a Comment