شخابيط

بقالى كتير محكتش هنا كنت بكتب كلام عام ممكن يتكتب فى آى حته ومكنتش بكتب عنى

يمكن أفضل لكن آحيانا بنحب نكتب عن نفسنا

الأول

بجد وحشتونى جداااا

وحشنى الناس اللى كانت بتيجى هنا زمان وتعلق وحشتنى اللمه ديه

ان شاء الله أرجع اتواصل مع كل الناس تانى بأذن الله


ثانيا

كنت بدور فى الأرشيف ولقيت بوست عن العيد الكبير اللى فات

وحسيت آد آيه وحشنى انى ادخل وأحكى فجيت لكم


بصوا الدنيا كل يوم فى جديد وكل يوم فى حال
مره يبقى الواحد فى حاله من السعاده ومره يبقى مش تمام

بس فى النهايه كل واحد ليه حياه بيحيى فيها وبيحاول

أنا بقى من الناس اللى لسه بحاول

بحاول أحيانا بفشل فى محاولاتى اللى انا فى قرارة نفسى مش بعتبرها فشل لانى لسه فيه نبض وروح يبقى ازعل ليه ؟؟؟
بحاول أعمل اللى انا بحبه وأعيش أسعد اللحظات بسعاده

بحاول أكون زى ما أنا عاوزه وبحاول

وادينا بنحاول

الفتره اللى فاتت كلها ولحد الآن

حلوه ممتعه مفيده لكنها فى نفس الوقت فيها شويه آلم
كتير او شويه مش مهم

المهم ان الواحد بيحاول الصمود وخلاص

وآحيانا بيبقى ضعيف ونفسه يلاقى حضن قلب يسمعه
وبيلاقى
لكن مش بيعرف يترجم اللى جواه
فبيسكت والآلم يزيد

ويقول ياااااااه

....................

يمكن حياتى محصلش فيه تغيير كبير ممكن أحكيه

لكن فيه تفاصيل صغيره بتحصل غيرتنى من جوايا

يمكن أكثر هدوءا أكثر ثوره أكثر اشتياقا أكثر بعد
أكثر عقلانيه أكثر رقه

متناقضات كتيره جدا

لكن لسه أنا زى ما أنا

بحلم ومتمسكه بحلمى حتى لو العالم كله قال انى مجنونه

أعشق جنونى اللى قادنى الى أعقل قرارات وأعقل أفعال

وكما وصفوه

جنون الروح

..................

للجنون بقى حكايه

الجنون ده أحلى حاجه وأمتع حاجه

جنون روح

جنون الانطلاق

تفاصيل كتير جوه الكلمه حساها بس مش قادره أوصلها

المهم

هذا انا
حيث يكون الحلم يكون الجنون أكون انا

..................

كنت ناويه أشتري سمكتين فى قاروره زجاج

بس واحد صاحبتى قالتلى انههم هيموتوا

بس انا لسه عاوزه اشتريهم

عموما انا كنت هأسميهم

دورى وميدى

فأدعو بقى أجيبهم عشان يؤنسونى شويه
لأنى حبيبتهم أوى حتى قبل ما اشتريهم
.......................

بصوا بجد المدونه ديه انا بحبها اووووى
بحس انها من الحاجات الجميله فى حياتى

هى أصلا سبب سعادتى فى كذا حاجه كده

فانا بحبها ومفيش حاجه ممكن تأخدنى منها الا الشديد القوى

كفايه بقى كده

ودعواتكم