انهارده سبت القلم هو اللى يكتب بس مش قلمى انا
أه بقولها وترجموها
هتلاقوها كوم هموم
هم أمة
هم شعب
هم عادى
وهم صعب
أه بقولها وكلى حسرةع اللى صابنا
مصردى مش كانت بلدنا
مين اللى بدلها ونهبنا
مصر دى مش كانت عزيزة
كانت أبية
كانت تخاف الدنيا ترجف
إلا هى
مصر دى كانت قوية
غلطونى قولواإنى نسيت تاريخى
فى المدارس علمونا
لما كان الكون بيرجف م التتار
مصر كانت نبضة حية
وأما بالصلبان غزونا
مصر كانت بندقية
هى دى مصر الحقيقة
ولا مصر جديدة خايبة
أه هقولها ومين هيسمع
إسمعوها
إنطقوها
وابدروها فى الغيطان
إلزقوها ع البيبان
علقوها ع الجوامع والحيطان
إعلنوها يوم حداد
قولوا مصر الحرة ماتت
لو هنفضل فى السكات
يا وطن إ ركع لربك
يا وطن إسجد لربك
إوعى تركع للعباد
يا وطن إعلنها مرة
يا وطن الأهة مرة
ياوطن جوايا كلمة نفسها تطلع لبرة
يا وطن إنت اللى باقى
واللى حاكمينك زوال
يا وطن وانت اللى فارس
يركبوك ليه العيال
الضمير
لو مات هيصحى
يبقى لازم يصحى بينا
إفتحوا كل المصاحف
دوروا بين السطور
الحروف الحق ظاهرة
الحروف الحق نور
الحروف الحق ثورة ع الفساد
ع اللى كاتم فوق صدورنا
ع اللى حاجب نور عينينا
الحروف الحق إحنا
والزمان الجاى لينا
أبو نور الدين المدينة المنورة
16/4/2008
6 comments:
مصر دلوأتى مش مصر بتاع زمان
لأننا فقدنا روح المحبه والموده ودورنا على السلطان
مصر دلوأتى مش مصر بتاع زمان لاننا سيبنا الفقير وبأينا بندور على الغنى المليان
هو فيه ايه فى البلد لما تملوبطن ام الولد وتسيبو عألها فاضى مش مليان
مصر زغلانه منكم لأنكم رضيتو لنفسكم تبأو المدافعين من ورا الجدران
مصر عاوزه ناس تعرف انها لابتاع نفاء وقرب من السلطان
مصر عاوزه ولد يسيب كل ماله ويبأى فأيير زيهم زى كده سيدنا عثمان ابن عفان
مصر مش عايزه ناس عندها بدل البيت قصور ودهب ومرجان
مصر عاوزه ناس تبنى تعمر ومش عاوزه اللى يدور على السجن والقضبان
مصر ليست اخوان وفقط ولا مجموعه فاسده من السلطه والحزب الوطنى مع انى اتشرف بعضويتى فى الحزب الوطنى لانه كما به فاسدون فبه المصلحون الشرفاء
فلا يمكن ان نختذل وطن بأكمله بين جماعه لاتنظر الا لمصالحها سواء كانت محسوبه على السلطه او الاخوان وياسيدى العزيز فالاخوان هم افراد من الشعب المصرى نعرفهم جيدا ونعرف من يدخل الى السجن وهو فقير ويعود وكأنما كان فى رحله الى بنك مركزى
برجاء قراءة مدوناتنا جيدا واحكموا على مابها لاننا فى نهاية المطاف لانريد الا مصلحة هذا الوطن
عبدالحميد الجوهرى كاتب صحفى ومحرر من محررى المدونه
اولا اهلا بحضرتك فى مدونتى
لكن من قال ان الاخوان يجرون وراء مصالحهم
اظن ان كل شئ يدل على عكس ذلك تماما
لأن الاخوان يقولون الله غايتنا
ولا نبحث عن سلطان ولاجاه
واستعجب من
قولك ان الاخوان يدخلون السجن فقراء ويخرجون اغنياء
اظن اننا على مدى تاريخنا لم نسرق بنكا ولم نحرق سفينه ولم ولم ولم
ونحن لانقصر ان الشرفاء هم الاخوان فقط
ولكن اذا كنت تختلف معانا فى الرأى فليس معناه ان تتهمنا بدون ادله
ارجو ان تقرأ جيدا وترى من هو الذى يخاف على مصلحه البلد
ومن يلهث وراء الحاكم
يا أستاذ يوسف
هل حضرتك مقتنع بما تقوله عن الحزب الوطنى
والإخوان
هل يعقل أن يكون الإخوان هم من يجروا وراء مصالحهم الشخصية
وأن عضوية الحزب الوطنى شرف لأنها تقوم بإصلاح البلاد
أظن كلام حضرتك غير معقول بالمره
قول حضرتك هذه الجمل لأى شخص عادى فى الشارع وهو يقولك مين إلى بيسرق ومين إلى بينهب ومين إلى بيخرب فى بلدنا
ده الحزب الوطنى نازل فى المحليات بيقول معا ضد الفساد
فساد مين ده انتو ماسكين المحليات بقالكوا مليون سنه
الوقتى عايزين تشيلوا فساد مين انا عايز اعرف
وانت الوقتى بتكلم عن رجال اعمال صنعوا اموالهم بشرف وتعب
ليسوا كأمثال رجال أعمال الحزب الوطنى الذين صنعوا مليارات فى سنتين وتلاته
هل تعرف حضرتك إن احمد عز جاب لمراته خاتم هدية جواز ب 30 مليون جنيه
مين احمد عز قولى حضرتك
هل سمعت هنه قبل 3 سنوات
وهو الآن اغنى أغنياء مصر
ياريت حضرتك تعيد تفكير فى كلامك
جزاكى الله خيرا يا دكتورة دارين
soldier of alah
جزاك الله خيرا على تعليقى على مدونتى
وبجد فعلا مين المفسد؟
عجبا والله
إيه يا اخوانا إنتو سبتوا القصيدة وقاعدين تتخانقوا
يبقى القصيدة إشتغلت وعملت مفعولها فى تهييج مشاعر الحب لهذا الوطن المسلوب
وبعدين يا أخ يوسف الشافعىأنا عايزك تقعد مع نفسك خمس دقايق وسيبك من إخوان وغيره وتشوف مين الحرامى ومين الشريف وبالدلدليل والمنطق والواقع وسيبك من الأوهام والعقد النفسية
معلش الحقيقة ساعات بتوجع شوية
وبعدين أنا عايزك تجيب دليل واحد واحد بس حد من الإخوان ظبطوه برشوة أو اختلاس أوكسب غير مشروع
حاجة غريبة
واحد ربنا فاتح له أبواب الرزق إنت زعلان ليه ولو بقينا شحاتين يقولوا دول زاهدين فى الدنيا وفاهمين الدين غلط
قصر الكلام مش عايزين وجع دماغ (قل هاتوا برهانكم إن كنتم صادقين)
وبطلوا حقد وافترى على مخاليق ربنا
Post a Comment