عايزين نشوف أحلامنا صح

حد فكر فى يوم من الأيام هو شايف حلمه صح ولا لأ.سؤال غريب مش كده .لكنه واقعى جدا.مفيش حد عايز يوصل لفكره او لطريق معين مش شايف أحلامه طب لو شايفها شايفها صح.شايف هدفك واضح قدامك ولا لأ.,ولا بتقول زى ما تيجى تيجى.سمعت كلمه من أستاذى عمرو خالد بيقول أن اللى بيشوف حلمه وبيتخيل تفاصيله وبيعيش له بيوصله.هل لأنه عاش فى الأحلام ولا للأحلام.وبين ال فى و اللام مفارقات كتير .اللى بيعيش فى الأحلام بيعيش حالم فى أوهام بيخلد للراحه ومش عايز يصحى من الحلم ده عايز يعيش مرتاح ويفضل فى الوهم ده وبالتالى مش هيوصل للحاجه فى حياته وهيعيش زى اى حد عايش بدون هدف.لكن اللى بيعيش للأحلام اللى جواها أهدافه اللى نفسه تتحقق بيعيش على أرض الواقع شايف طريق على اليمين والشمال صعاب لكن فى نهايته بيلاقى حلمه بينادى عليه بيقوله هتتعب لكن هتلاقيني.ماشى عنياه لقدام شايف تفاصيل الحلم بيشتغل بيجد وبيجتهد.فبيبدأ صح بيبدأ بروح طايره فى السما روح متصله بربنا روح نفسها تحقق أحلامها اللى جواها. احلام مش بس لنفسه لا دا لبلده ولدينه ولأمته.بيعيش شايف الفكره قدامه واضحه جليه .مش هيهتم بأى حد يقول له كان غيرك أشطر.مش هيسمع كلام ناس بتحبطه لأنهم مش شايفين اللى هو شايفه.هيفضل يمشى فى الطريق هتقابله عقبات ودا أكيد .بثقته فى نفسه اللى هو مكتسبها من ثقته بالله هيعدى كل العقبات هيتعب كتير وهيعانى أكتر لكن الفكره مسيطره على دماغه لازم أوصل لازم أنجح.مهما كانت الأنكسارات مهما كانت الأزمات .من صرخه الآه هنبدأ من عندها تانى .من الدموع اللى بتنزل وقت المحن هيطلع طاقه رهيبه نقدر نبدأ تانى بيها.حتى لو لقينا حلم ضاع او هرب مننا هنبدأ من جديد.هنقول لنفسنا أنا مش ضعيف هأقدر أقوم وأكمل من تانى.هأبدا لأن هنا مكانى ولازم أكون قد المسئوليه.هابدا لأنى لو مش هتعب عشان أوصل فكرتى مين هيتعب عشانى.مهما على الموج علينا مهماالغيوم غطت أرجاء المكان اللى احنا فيه.جوه كل ده بذره أمل هنبدأ ننميها.جوه الأنكسارات والأخفاقات طاقه نوربيها هنكمل الطريق.ويوم ما هتوصل لحلمك وتحققه هتدوق طعم للنجاح عمرك ماحسيته.هتحس بانك بقيت صاحب فكره وصاحب هدف وساعاتها لازم تتدافع عنه عشان تكبره وتنميها.عيبنا ان احنا بنخلى الظروف واليأس وكل المحبطات تتحكم فينا.أنا مش بتتكلم وأنا واحده محصلش فى حياتى انكسارات وبتكلم من برج عاجى لا والله أنا بتكلم أنا حصلى حاجات كتير تكسر أى حد.لكن كان عندى ثقه فأنى هأقدر وهأقوم من جديد كان عندى ثقه فأن ربنا ؟أرحم بينا مننا.كنت عندى ثقه أن كل حاجه بتحصلى هيا له حكمه .عشان كده قمت من صدمات كتيره وادينى بكمل الطريق وبصدق.معيه الله وأحساسك ان ربنا معاك هيخليك تستحمل آى حاجه .حبك لربنا هو اللى هيديك دفعه أمل وهينورلك الطريق مهما كان صعب وطويل.يلا ياشباب حاولوا شوفوا أحلامكم ابدوأ نفذوا واشتغلوا عشان الوقت ده عايز اللى هيشتغل واللى هيتعب واللى هيبنى.
وزى ما قال الشاعر
حلمك لسه فى أيدك حاول ما يمتش فيك
حاول حاول حاول
دمتم بخير
عاشقة الأقصى