تخيل نفسك مجهز نفسك هتحضر ندوه انهارده بعنوان أيقظ عقلك خطط لمستقبلك؟
لد\ابراهيم الفقى
وكمان آيه بقى الواحد محضر النوته والقلم وكل حاجه
ومحضر دماغه كمان
وبما أنى من الملحه الكبرى فهيا كانت فى قاعه المؤتمرات اللى فى جامعه طنطا
ايه اللى حصل بقى ياجماعه
لا ياريت مجاش
ياريت اتأخرت
ياريت اى حاجه تانيه
على الاعلانات بتاع اللوحه مكتوب للأستعلام وكاتبين رقم
اتصلت بالرقم عشان اتأكد من مكان الندوه
وبالفعل وصللنا للمكان
وبعد طبعا معاناه فى الحرالشديد لانها كانت الساعه 6 واحنا خارجين حوالى الساعه اربعه وشويه عشان نلحق بقى
واحنا على الباب بعد ماوصلنا وربنا خد بايدى انا وواحده صاحبتى
لاحظوا انى انا اللى كنت قايللها على الندوه
وقلت لأصحابى بس معرفوش يجيوا الحمد لله
وهيا الوحيده اللى جت
المهم نوصل عند البوابه يقولونا ايه
فين التذاكر
طبعا انا استغربت وقلتلهم هو فى تذاكرقالولنا اه
وسبحان الله سالناهم طب مينفعش نحجز دلوقت قالوا لا
الحجز خلص من تلات ايام
طبعا صاحبيتى كانت هتحدفنى تحت اول عربيه تقابلها عندها حق
وانا بضحك من الموقف ومش قارده أشيل الأبتسامه مش عرافه ليه
بس أكتر حاجه تخنق ان ولا اعلان كاتبين فيه للحجز والأستعلام
بجد كان حته مقلب مش قادره أنساه
احنا روحنا قسنا المسافه بين طنطا والمحله
ورجعنا الى مدينتا
والحمد لله ان محدش تانى جه معانا او راح على كلامنا
كانت أمه لا اله الا الله دعت علي
سبحان الله
قال كنا بنقول هنقعد قدام قال
يلا خيرها فى غيرها
24 comments:
ههههههههههههههههههههههههههههههه
وربنا انتي عسل
تعرفي انا لو مكان صاحبتك كنت عملت ايه
ممكن اضربك
اخنقك
او
ولا حاجه هفوض امري لله
واكيد خيرا
طيب خير
ان شاء الله تأخذوا الاخر بالنية والمشقة
هو طبعا الواحد بيكون عايز الاستفادة من المحاضرات ,بس لعله خير
تم اجابة الواجب اللي حضرتك بعتهولي
وجزاكم الله كل خير
عادي ولا يهمك بتحصل في احسن العائلات
ارجو قراة البوست الجديد لانه غايه في الاهميه
تحياتي
:D
مقدرة شعوركم جداااا
بس بصراحه الدكتور ابراهيم الفقى جالنا مرة الجامعة..وممتاز ما شاء الله
لعله خير
تتعوض بإذن الله
حبيبتى
عاشقه الفردوس
والله كانت خلاص بجد نفسها تخنقنى بس حصل خير
الفاتح الجعفرى
والله أنا قولتلها كده
بس كان موقف بصراحه لا ينسى
ان شاء الله هاروح اشوف الواجب
جزاك الله خيرا على تلبيه الدعوه
spower
جزاك الله خيرا على التعليق
فعلا بتحصل فى احسن العائلات
انتظر زيارتى
هههههههههه
بصراحة موقف لا تحسدي عليه
واكيد خير ان شاء الله
امنيه
ما هو عشان عارفيين انها هتبقى ندوه ممتازه كانت عايزه تحدفنى تحت اول عربيه
بس الحمد لله ربنا ستر
المشكله فى الشماته بعد كده
جزاك الله خيرا على زيارتك ياحبيبتى
قلم رصاص &فارس الاخوان
اهلا بحضرتك بجد
وانا عرافه انه موقف لا احسد عليه
ربنا ينسى صاحبتى بقى الموقف
عاشقة الأقصى
فى بفضل الله خبر رائع جدا عن ساندوا
معلش لو خرجت عن الموضوع بس حبيت تشوفيه
طبعا انا زعلان عشانك لكن بصراحة انا فرحان لانى عرفت انى الدكتور الفقى بيروح الجامعات بالرغم ان مدير المركز اللى انا باشتغل مدرب تنمية بشرية فيه مش راضى ابدا نشتغل فى الجامعة لكن نقول ايه ؟
ماعرفتش نفسى لحضرتك / محمود بركات اولى هندسة فسم ميكاترونيات وروبوتات صناعية ومدرب تنمية بشرية من دمنهور طبعا حتفتكرى علطول دكتور جمال حشمت
فى الاول .. لعله خير
بس أنا بقى لو مكان صحبتك
كنت روحتك مشى من طنطا للمحلة
عقاباً ليكِ
قوليلها مأخدتيش حقك صح..!
امنيه شوفت الخبر وبجد أسعدتنى جدا
وبعدين يابنتى
المدونه مدونتك
م\محمود بركات
دكتور الفقى بيروح جامعات وارح كمان جامع هالمنصوره بس تقريبا لسه مجاش جامعه القاهره عندنا
يارب يجى واحضرله بقى
شغل الجامعه بيبقى حلو جدااا
واهلا باهل دمنهور
انا كمان افتكرت واحد هصاحبتى معايا فى الكليه من دمنهور
وطبعا طبعا د\جمال حشمت
جزاك الله خيرا على التعليق
نارا
اهلا وحشتينى جدا ياجميل
انتى جايه تهدأى النفوس ولا آيه
عموما هيا بتذلنى بيه كل شويه
وربنا يستر وبقيت الشله ماتعرفش هابقى نكت هالموسم
يلا خيره فى غيرها
معذره على التاخير
الكمبيوتر كان بايظ
:)
خيرها فى غيرها يافندم
:d
كان الله فى العون ..
لو كان معايا الموقف دة ..
كان ممكن ..
ولا بلاش
كنت
حاحتسبه جهاد وامرنا لله ..
هههه
جزيتم خيرا ..
حسام يحيى
عودا حميد
وان شاء الله تتعوض
رحال
اهلا بيك على المدونه
بس المسامح كريم
وانا بننسى فى صاحبتى
بس كان فعلا يوم لاينسى
من سلك طريقا يلتمس فيه علما سهل الله به طريقا الى الجنة
صيد الخاطر
جزاك الله خيرا على الزياره
وان شاء الله يكون هذا الطريق طريق للجنه
عشان صاحبتى تتهد وتسكت
قدر الله وماشاء فعل
ربنا يجازيكى خير
احمد
احمد الصباغ
أهلا بك على مدونتى
والحمد لله
Post a Comment