مش عايزين من أولها استغراب
دى مش وصفه أكل
ولا غلطه مطبيعه
دى حقيقه واقعيهم
مكن تركزوا معايا شويه أويه بالظبط كده
الكريمه لونها طبعا بديهيا بيضاوالشيكولاته اللى أنا قصدى عليها عشان المدخلات اللطيفه بنى
بتشوفهم بيتخانقوا فى التورته أو الجاتوه أول رد فى أصلا جاتوه بالشيكولاته وجاتوه تانى بالكريمه
بس ممكن يكون مع بعض والشكل بيبقى جميل والطعم كمان عمركم سمعتوا ان الكريمه بتعترض ان الشيكولاته تتدخل معاها أو العكس أظن لاعارفيين بقى ليه التورته بتبقى حلوه بالأتنين
لان الكريمه قبلت الشيكولاته باختلاف طعمهم ولونهم
وكمان الشيكولاته قبلت الكريمه
وطلعولنا فى الآخر تورته طعم جميل جداا
ستنوا بس مش عايزين ضرب الله يكرمك
كلكم بتقولوا وايه اللى دخلنا بخناقات الكريمه والشيكولاته
لو كنتم تصبروا
التورته هى حياتناوالكريمه والشيكولاته
انت والآخر
ليه كل واحد بيفكر ينفرد بالدنيا لوحده
وعايز فكره بس اللى يمشى وكل ما يخالفه غلط ولا يقبل
ليه بقينا كده؟
يمكن عشان فقدنا معانى حلوه فى حياتنا
منها ان احنا نتقبل الآخر اى ماكان
اتقبله غير أذوب معاه فى حياته
أتقبله وأتعايش معاه
لو أخدت الحاجات الحلوه اللى فيك والحاجات الحلوه اللى فى صحبك اللى بيختلف معاك تماماوبحثتوا عن الحته المشتركه
هنعمل أحلى تورته قصدى أحلى دنياد
نيا توصلنا لبر الأمان
عارفيين
التعايش شئ رائع جداااااااااااوصدقونى بعد فتره بتحس انك برقيك فى تقبلك للناس
ان الناس بدأت لو أنت على حق تقتنع وتبدأ تتغير
ياجماعه لما الشيكولاته تعايشت مع الكريمه طلعت تورته ترضى كل الأذواق لكن لما كانت كل واحده لوحدها بقى فى حبه يأكله كريمه وحبه يأكلوا شيكولاته
عشان ترجع أمتنالازم نتعلم ألف باء حوار وتعايش وتقبل للناس
مش عايزين نبص على المجتمع الملتزم اللى أنت كبرت فيه
بص على الجامعه على العمل على خارج مصر
الشباب المسلم اللى بجد هو اللى يعرف أزاى يكسب قلوب الناس ويكون أحباب مش عدوات
أنا بقول الكلام لنفسى قبل آى حد هيقرأ كلامى
لأن اللى بيأخر دعوتناهو عدم فهمنا لأشياء بتؤلف القلوب
لما تنظر للى قدامك بعين الحب وانك فعلا نفسك ربنا يكرمه عشان أنت بتحبه غير لما تكون وكأنك بتعمل واجب مدرسى عشان تمضى انك عملت
عايزين نعرف نتعايش نتحاور نقبل الآخر وأرجوكم بجد عايزين نقبل بعضناوندور على المشترك بييناوهنلاقى والله
ونبقى أحلى شباب
41 comments:
كلامك جوعنا
على العموم
التعايش ده امر فى منتهى القوة
لان مش اى حد يقدر يعمله
لازم يكون واثق فى نفسه وفى افكاره
السلام عليكم اختنا
كلام رائع جدا وكمان يجوع جدا جدا
التقبل للاخر والتعايش مع الاخر من اساسيات الحياة والشخص الذي لايفعل ذلك ,اكيد مصاب بخلل في جزئية ما في شخصيته ,وكما قيل الانسان كائن اجتماعي بطبعه ,من العجب ان نري المسلمين تحكموا في الارض ونشروا دينهم وفكرهم في شتي ربوع العالم وبين مختلف الثقافات ,ذلك لانهم فهموا وفقهوا معني التعايش والتحاور مع الاخر فكان الاسلام بحق هو البوتقة التي تشكل الناس كما تريد بالحب والرحمة والتراضي
موضوع رائع فعلا
وجزاكم الله كل خير
آدم المهدى
معلش جوعتكم
التعايش محتاج لقوه نعم
لكن قوه نابعه من فهم صحيح
حيناها صدقا سنتقدر علبى التعايش
جزيت الجنه
على تعليقك
الفاتح الجعفرى
أنا شكلى جوعت كل الناس
معلش استحملوا بقى
فعلا
كلام تمام جدا
ودا كمان لأنهم عرفوا ازاى يفهموا الأسلام
ودا اللى خلاهم يقودوا ويسودوا
الفهم أساس قوى جداااا
جزيت خيرا على تعليقك
فى البداية
عند قرائت النصف الاول من البوست تعالت الاصوات داخل بطنى منادية العقل بأن يأتيها بالتورتة
وعندما قرئت الجزء الباقى من البوست
صمتت جميع الاصوات المنادية داخلى وتكلم العقل لباقى الجوارح مناديا اياهم ان يبدو جميعا اعجابهم بهذة
الكلمات الاكثر من رائعة
وهنا تبرعت اليد بأن تبدى هى كلمات الاعجاب.
.
جزاكم الله خيراً..... تقبلى تحياتى
قلب الأسد
شرفت بزيارتك
وجزيت خيرا على التعليق
واستحملونا بقى
لازم عنصر للتشويق والأثاره
أهلا بحضرتك مره تانيه
السلام عليكم
اخني الحبيبة كم اسعدني ان اجد هذه المدونة الجميلة والتي اسعدني اسمها اقصد اسمك "عاشقة الاقصى"
فانا احب كثيرا ان يناديني الناس بخادمة الاقصى
فشعرت انه يمكننا التواصل فنحن مشتركتان في حب الاقصى وبالتاكيد في رجائنا ان نخدمه فهل تقبلينني اختا
elbanna_elqassam@yahoo.com
كلامك صحيح جدا ، لكن بصراحة المقدمة الحلوة جزعت نفسي :)
أختى خادمه الأقصى
مؤكد طبعا أنى أقبلك أختا
وجزاك الله خيرا الزياره
مهندس أحمد كمال
زيارتك بجد بتشرفنى
ومعلش حضرتك مش بتحب الحاجات الحلوه ولا آيه؟
اولا:وحشتينى اوى الفترة اللى عدت واعتذر لانى لم اعلق على البوستات السابقة وهذا لان جهازى كان يخذ راحة خارج المنزل
**********
ثانيا:بعيدا عن الجوع والتشويق الاكثر من
رائع
فان الموضوع يستحق رفع القبعة فكم نحن بحاجة للتعايش ولحب الخير للاخرين واتمنى اننا نعمل بهذا
وكما قال رسولنا الكريم
"حب لاخيك ما تحبه لنفسك"
وانتى والله وحشتينى جدااااا ياحبيبتى
عامله آيه
الحمد لله ان الجهاز رجع الى ارض الوطن
كل الناس جاعت
انا كنت هأجيب صوره كمان بس قلت بلاش
الموضوع فعلا محتاج مننا وقفه جامده
ربنا يكرمك ياحبيبتى
السلام عليكم
=============
اااااااااااااااااه يا بطنى ايه الى انا حاسس بيه
عايز صديق طرى كده مش ملزق اتعشى بيه ولا ايه
وشكرا على طبق اليوم
==========================
وصلطح صلطح ياعم الحاج
سلام عليكم
الموضوع كويس و جميل
لكن ارجوا مراجعة البوست بعد كتابته و قبل طباعته
و جزاكم الله خيرا
صلطح صلطح
جزيت خيرا على المرور
وارجو ان طبق اليوم يكون عجب حضرتك
أنس علاء
أهلا بحضرتك فى مدونتى
وان شاء الله أخد بالى فى المواضيع القادمه
جزاك الله خيرا
الله عليكي
ياااااااااااااه المعني رائع رائع رائع
والله العظيم موضوع تحفه وماله حل
عنوان الموضوع والتقدمه ليه والتدرج حتي توصلينا قصدك ايه
وجميله قوي لما قلتي:
عايزين نعرف نتعايش نتحاور نقبل الآخر وأرجوكم بجد عايزين نقبل بعضناوندور على المشترك بييناوهنلاقى والله
ونبقى أحلى شباب
................
ربنا يكرمك يارب
خالص تحياتي
قبطان
ماشاء الله
موضوع راااائع
فكرته ممتازه
دمتى مبدعه يااااااااااااارب
مع اني كنت اتمنى تطلع وصفه
ولكن بجد موضوع وتصوير رائع ولذيذ
صدقتي اختي لو نقدر نقبل الاخر
ونبطل نعتبر انفسنا الصح لوحيد
كان حالنا تغير بكثير
تسلمي على الموضوع وربي يوفقك
جريت ريئى
على العموم المثل ده جميل اوى
ولذيذ جدا
المهم التعايش والحوار بدون تعصب ممكن يعمل حاجات جميله اوى
وبيوصل ان احنا عايشين مع بعض نتكامل مع بعض
مثلا السلفيه والاخوان والتبليغ
والله لو ركزنا فيهم كويس هنلاقى كل جماعه بتكمل التانيه فى حاجات كتير
فعلا يابنت الاقصى
مش عيب ان الواحد ينتمى لافكاره زى ما بينتمى لناديه وبلده
بس المشكلة ان يكون مصمم على رايه وهو عارف انه غلط
اسلوب جميل وشيق وجوعتينا واول زيارة لكن بالتاكيد لن تكون الاخيرة
كلام جميل جدا
بس مين يعقله مهو لو كل واحد اتخلى عن الكبر اللي في قلبه كان العالم بقى بخير
تحياتي
اين حضرتك
منتظرين ابداعاتك
جميل كلامك عن التعايش
بوست رائع بطعم الشيكولا
تقبلى تحياتى
ودمتى رائعة كعادتك
السلام عليكم ورحمه الله
رائع جداً
التعايش والتفاهم وقبول الاخر
لخصها الإمام الشافعى
رأيي صواب يحتمل الخطأ ورأى غيري خطأ يحتمل الصواب
ليتنا نطبقها فى واقعنا
جزاكِ الله خيراً
سفينه
أهلا يادكتور فى المدونه أعتذر عن غيابى الفتره اللى فاتت
صدقا تعليقك يسعدنى
والتعايش والفهم موضوع كبير أوى حبيبت بس أتناوله بشكل تحبوه
وربنا يعزكم
حسام يحيى
أهلا بك وربنا يكرمك
وزيارتك بتفرحنا
دمت بخير
زمرده
أهلا ياحبيبتى
معلش بقى خيرها فى غيرها
شكلك زييى بتحبى الشيكولاته والكريمه
تعليقك منور مدونتى
صدقا وبدون مجامله
ربنا يعزك يارب
أوعى تفكر
ماشاء الله
لاتعليق على تعليقك
عندما نتناسى الاختلافات
بنكمل بعض أكيد
arsenlawy
أهلا بحضرتك فى المدونه
وجزاك الله خيرا على التعليق
الفقير الى الله
تتطرقت الى نقطه مهمه أوى
ربنا يكرمك
فعلا ياريت كلنا نتخلى عن الكبر ونتحلى بالفهم
جزيت الجنه على تعليقك
حسام يحيى
أنا جيت الحمد لله
وجزاك الله خيرا على السؤال
أ\طارق الغنام
أهلا بحضرتك
وعلى فكره الموضوع بطعم الشيكولاته والكريمه
جزاك الله خيرا على تعليقك وزياره حضرتك
حبيباتى
قلب واحد
زيارتكم أسعدتنى جدا
جمعكم الله دائما على الخير
وفعلا ليتنا نطبقها
دمتم بخير وحب
السلام عليكم
ربنا يباركلك يارب
بجد انا بحبل الشيكولاته كتير كتير
هاتيلى حته
هههههههههههههه
انتى ليكى عندى امانة تعالى خديها
تاج الشباب والبنات من النجم القادم فى انتظارك
كلامك جميل جدا حبيبتى وموضوع رائع
جزاكى اللخ خير يا قمر
(:
النجم القادم
ان شاء الله المره اللى جايه نبقى نوزع شيكولاته فى المدونه
أنا شوفت الامانه وان شاء الله أجاوب
أختى فى الله
أنتى اللى جميله ياقمر ربنا يعزك ويكرمك جزاك الله خيرا على زيارتك اللى شرفتنى
بحب الشيكولات ونبقى أحلى شباب
احرار ولكن
جزيتم الجنه على التعليق
اسعدتنى زيارتكم
وكلنا ان شاء الله نبقى أحلى شباب
كلامك رائع يا اختي
مش اي حد يفهم معنى التعايش
في ظل الانانية اللي بنشوفها
رجعوا لقانون الصراع من اجل البقاء
كل واحد بيحارب اخوه عشان هو يعيش
مش عارفين اننا لو ساعدنا بعض و حبينا بعض في الله
هنعيش احسن بكتييييييييير
Post a Comment