Monday, July 21, 2008

الحمد لله




حر رغم القيود

خلاص ياناس هنشيل الصور اللى على جانب المدونه






الحريه للمنير






خلاص محكمه امن الدوله العليا للطوارئ أصدرت قرار الأفراج






خلاص المره دى بجد






المره دى دكتور ممدوح هيرجع لعيلته ولأهله ولأخوانه






الف مبرووووووووووووووووك يادكتور






فى سبيل الله كل ما أصابك






شايفين العزه فى صوره شايفين ان مصر مازال فيه نبض حى من أولادها






أحسبك ولا أزكى ع الله أحدا






شايفين ان القيد عمره ماكان على فكرنا وعلى مبادئنا القيد قيد على الأيدين ممكن تكون الأيدين مقيده لكن الروح الهايمه حب فى البلد دى طايره فى السما






لما قرأت الخبر على مدونه أحرار ولكن



تمنيت






أنى اسمع خبر الأفراج عن كل معتقل سياسى وكل معتقل حب البلد دى






لما سمعت الخبر كدت آنى أبكى






بس مش عارفه هأبكى ليه






هأبكى عشان نفسى أشوف كل المعتقلين فى بيوتهم مع أهلهم






لأنى حاسه آوى باخواتى واخواننا اللى والدها واللى خالها واللى عمها فى المحاكم العسكريه واخدوا احكام






لأنى بجد أتمنى انى ارى اليوم اللى ترد المظالم الى اهلها






والآقى عمو خيرت وعمو مالك وعمو عصام عفيفى وعمو عصام حشيش






وكل آباءنا اللى فى المعتقلات يخرجوا لينا بالسلامه ويكمل العرس بيهم






واليوم الاكبر يوم ماتبقى مصر حره بجد






حره من الفساد والظلم






بينا ومش بحد تانى هترجعى يامصر حره ان شاء الله






مش مرتع لفساد الكبار






وتانى نرجع لفرحتنا






واليكم كلمات طارت من المدينه المنوره






قصيده من كلمات اخى ابو نور الدين الى اخوه فى الله وصديقه د\ممدوح المنير






لما عرفت خبر الإفراج عن أخويا وحبيبى د/ممدوح مقدرتش أمسك نفسى ولاقيتنى بكتب الكلام د



فاضل خطاوى صغيرة



شوفتك قمرسابح فى ليل الظلم نوّر ع السطوح



شوفتك جبل كاسر هامات البغى



علمنا الصمودأرفع كمان



أرفع لفوق



إنت اللى صورتك ع الحيطان



إنت اللى قلبك فى القلوب



إنت اللى رسمك فوق وشوشنا يا جميل



أنا لما شوفتك والحديد زاين إيديك



والفرحة فايرة من عينيك



قولت البلد دى مش ممكن تضيع



وإنت اللى زيك فى الوطن عدد الرمال



إنت وأمثالك محال



عرّف وشوش الكدابين معنى الرجولة والرجال



إحكى وقول على اللى جرى



مش كل حاجة يا بشر ممكن تباع أو تشترى



عرفنا معنى الإنتماء



إصبر شوية يا وطن



فاضل خطاوى صغيرة



لكن خلاص



بطلنا نمشيها لورا







للتفصيل عن ما حدث فى النيابه أليكم مدونه احرار ولكن

26 comments:

Unknown said...

قريب ان شاء الله هيفرج عن كل المدونين

بجد دلوقتى حسيت بجد ان ممكن كلمتنا توصل للناس كلها

بس المطلوب حاجة مش عارف صعبة ولا سهلة
بس هى اننا نتفق اساسا على الكلمة

ونصبر

spower said...

الف مبروك
وعقبال مصر
عقبال ما يفرجوا عن مصر

ابن ادم said...

الحمد لله .. الحمد لله

عقبال يا رب بقية المعتقلين ..

جزاكم الله خيرا علي الخبر المفرح ده

ابو صهيب ( الجمعاوي الاصيل)سابقاً said...

عوداً حميداً لكل المدونين

وعقبال الباقين ان شاء الله

وجعل ايامكم كلها افراح

Noble Princess said...

مبرووووك وعقبال كل معتقلي الرأي في مصر

أسوور said...

جريدة الأسرة العربية
قرر رئيس مجلس ادارة الجريدة مشكورا أن يتبنى كل ما يكتبه المدونون
وان يفرد مساحة لا بأس بها لبوستات البلوجرز
كما وافق على نشر البوستات المرشحة بتوقيع كتابها
وسوف يفتح باب التدريب الصحفى لهواة الصحافة من المدونين
وذلك ايمانا منه بقوة التدوين وبأنها صوت المصريين
***
على كل مدون يرغب فى نشر مقالات - تحقيقات - قصص - نقد - ادب - شعر - سياسة او أى كتابات لم يرد ذكرها
ان يرسل البوست المرشح مذيل بتوقيعه وعنوان المدونة والإسم الحركى ان اراد
مرفق بصورة شخصية له
على الإيميل التالى

amyasser@hotmail.com

أو بتعليق على هذا البوست نفسه
يترك لينك البوست اللى عايز ينشره الجرنال له
تحت عنوان جريدة الأسرة العربية
الشـــــــــــــــــروط
-مراعاة الصحة اللغوية والنحوي والإملائية قدر الإمكان.
-مراعاة الا يزيد البوست المراد نشره فى الجريدة عن صفحة ايه فور.
- أولوية النشر تكون للبوستات التى فيها موضوعات عامة تهم قراء الصحف.
-اولوية النشر للبوستات التى ترسل على الميل المذكور أعلاه كفايل وورد مرفق.
الجريدة تصدر الإثنين من كل أسبوع

الأختان:عاشقة الشهادة وعاشقة فلسطين said...

جزاكى الله خيراً أختى الحبيبة على هذا الخبر الجميل

ويارب المرة الجاية تجيبى لنا خبر الإفراج عن كل إخوانا المعتقلين

أحرار ولكن said...

الف مبروك
يارب فك اسر مصر الحبيبة
والمسجد الاقصى الغالى يارب

walaa rizk said...

طائر الليل الحزين

دكتور سعيد

بجد شرفت المدونه

وان شاء الله نتوحد ويفك أسر مصر واسر كل الأمه قريبا

walaa rizk said...

spower

اهلا بحضرتك

وان شاء الله فرج ربنا قريب

walaa rizk said...

آبن أدم

جزيت خيرا على تعليقك

وبأذن الله

انا كمان أتمنى أسمع اخبار مفرحه كتير تفرحنا

عسى ان يكون النصر قريبا

walaa rizk said...

الجمعاوى الأصيل

مشرف مدونتى والله

جزيت كل الخير

walaa rizk said...

رغودددددددد حبيبتى

منوره ياقمر

ربنا يتقبل منك يارب

وتفرج عن كل سجناء الرأى

walaa rizk said...

أسوور

جزاك الله خيرا

وان شاء الله نتفاعل معاكم

walaa rizk said...

عاشقه الشهاده وعاشقه فلسطين

كنتم فين اختفيت كده

منوريين والله

ويارب كلنا دايما نبقى فرحانين

وربنا يفك أسر كل المعتقلين آمين يارب العالمين

walaa rizk said...

أحرار ولكن

أهلا بيكم

ربنا يتقبل دعائكم

وربنا يعز الأمه جمعاء

Ahmed Kamal said...

مبروك ، و عقبى للبقية ، عقبى للمصريين كلهم

walaa rizk said...

أستاذنا البشمهندس \أحمد

أهلا بحضرتك
تعليقك شرفنا

وعقبى للأمه

Unknown said...

لله الفضل والحمد والمن
الف مبروك وحمد لله علي سلامة اخانا
وان شاء الله يجعل الله هذه الايام شاهدا له بين يديه ويجعلها طريقه للجنة
وجزاكم الله كل خير

walaa rizk said...

الفاتح الجعفرى

أهلا بك أستاذنا الفاضل

وربنا يتقبل دعائنا لدكتور المنير

احسبه على خير

علمنا معانى كتير اوى فى محنته

هانت ويشرف بيته وأهله بعد الاجراءات

"النجم القادم" said...

الله اكبر ولله الحمد

اللهم اعيده الينا سالما غانما اللهم امين

وانتقم من الظالمين اللذين اتقلوه اللهم امين

بارك الله فيكى اختى الفاضله

walaa rizk said...

اهلا بأخونا النجم القادم

ربنا يسمع منك وينتقم من الظالمين

زيارتك بتشرفنا

سمية-بنت البنا- said...

السلام عليكم ورحمة الله وبركاته

حبيبتي ..عاشقة الأقصــى ..

الله أكبر ولله الحمد.
رده الله عزوجل إلي أهله سالماً غانماً بإذن الله تعالي ..

وفك أسر جميع إخوانــنا الأحرار خلف القضبــان ..
__
وبوركتِ أخيتي..
أختك::
سمية_بنت البنا_

walaa rizk said...

سميه حبيبتى

أهلا بيكى

وحشتينى

تقبل الله دعاؤك وفك أسر كل أسرى الحريه فى كل مكان

إخوانى حتى النخاع said...

الــــــــــف مبرووووووك

ويسمع من بوقك :)



الف مبروووووووووك


عقبال المعتقلين السياسين التانين

شكراااا لكى اختى على البوست المفرح دا

اخووووكى

walaa rizk said...

اهلا اخوانى حتى النخاع

ربنا يتقبل دعائنا جميعنا